"Manchester Siti" Jahon chempionatiga o‘z futbolchilarini yuborgani sababli FIFAdan eng ko‘p pul olgan klubga aylandi. Xabaringiz bo‘lsa, Xalqaro Futbol Ittifoqi tomonidan mundial tashkil qilinadi. Unda qatnashgan futbolchilar esa o‘z klublariga foyda keltiradilar. Shu qoida ortidan, hattoki, Angliyaning beshinchi divizionida qatnashadigan "Borem Vud" ham foyda ko‘rgan. Xabarlarga ko‘ra, Qatardagi jahon chempionatiga o‘z vakillarini yuborgani uchun FIFA dunyoning 440 ta klubiga 160 million funt to‘lab bergan. Bu ro‘yxatda ingliz klublari yetakchilik qiladi. Ular jami 29 million funtni olgan bo‘lib, ular ichida eng yaxshi ulush "Manchester Siti"ga tekkan. "Shaharliklar" qishki mundial sharofati bilan 3.5 million funtga ega chiqdi.
Ha, "Manchester Siti" katta klub va u yerda juda katta mablag‘lar aylanadi. Shu sabab, "shaharliklar" hisobiga o‘tkazib berilgan 4 million yevro unchalik ham sezilmagan bo‘lishi mumkin. Biroq, kichik klublarga taqdim etiladigan FIFA to‘lovi katta yordamga aylanadi. Masalan, yuqorida nomi tilga olingan "Borem Vud"ga. Angliyaning eng quyi ligasida harakat qiluvchi bu klubdan birorta futbolchi mundialda ishtirok etmadi. Shunga qaramay, FIFA jahon chempionatiga saralash davrida futbolning rivojlanishida muhim o‘rin tutgan jamoalarni ham quruq qo‘ymaydi.
"Borem Vud" 2021 yilning yanvar oyida Uels terma jamoasi a’zosi bo‘lgan Sorba Tomasni Chempionship jamoasi bo‘lgan "Xaddersfild Taun"ga sotadi. Aynan mana shu sotuv uchun bu klub 24 ming funt bilan taqdirlandi. "Xaddersfild" esa Tomasni Jahon chempionatiga yuborgani uchun 118 ming funtga ega bo‘lgan. 24 yoshli futbolchi mundialda faqatgina bir marta, u ham bo‘lsa, Uelsning AQSH bilan durang o‘yinida, so‘nggi daqiqalarda maydonga tushirilgandi. Har bir klubga to‘lanadigan bu ko‘rinishdagi kompensasiyalar, futbolchilarning qaysi o‘yinda qancha vaqt maydonda harakat qilganiga qarab hisoblanadi.
FIFAning Qatardagi uyushtirilgan tadbiri yuzasidan hisobatlar bilan tanishtirar ekan, tashkilot prezidenti Janni Infantino 2022 yilgi mundial uchun klublarga to‘langan 160 millionlik hajm, 2026 va 2030 yillarga borib, ikki borobarga oshirilishi hamda 304 millionga yetkazilishini bildirdi. U bu haqida shunday deydi: "FIFA tomonidan ishlab chiqilgan maxsus dastur ma’lum klub futbolchisining Jahon chempionatida erishgan yutug‘iga qarab, beriladigan rag‘batni hisoblaydi. Tashkilotimiz qilingan foydaning bir qismini dunyo bo‘ylab, klublar uchun beriladigan kompensasiyalarga sarflanilishini kafolatlaydi".
"Manchester Siti"dan keyingi o‘rinda "MYU" qayd etilgan bo‘lib, "qizil iblislar" JCHda qatnashgan futbolchilari ortidan 2.5 million funt foyda ko‘rdi. Uchinchi o‘rinda esa 2.4 million funt bilan "Chelsi" turibdi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
