2022/2023 yilgi mavsumda titul uchun kurashgach, "Arsenal" va "Manchester Siti" eng qimmat futbolchilarga egalik qila boshladi. Qizig‘i, "MYU", "Chelsi" va "Tottenxem"dan birorta yulduz top-11 talikka kira olmagan. Quyida eng qimmat futbolchilarning oldi o‘n birligi bilan tanishasiz.
11. Rodrigo – 100 million yevro
Rodrigoni Braziliyada "Santos" klubi tarbiyalagan. U 2019 yilda "Real" tomonidan 45 million yevro evaziga xardi qilingandi. 22 yoshli hujumchi allaqachon Yevropada tanilishga ulgurgan. Uni biz 2022 yildagi YECHL yarim finalida qayd etgan "Manchester Siti"ga qarshi dubli hamda Ispaniya kubogi finalidagi ikkita goli bilan juda yaxshi eslaymiz. Hujumchining kelajagi hali oldinda.
10. Federiko Valverde – 100 million yevro
"Real" Valverdeni 2016 yilda "Penyarol" klubidan 5 million yevro evaziga sotib oladi. U avvaliga akademiya jamoasida harakat qildi. Hozir esa yarim himoyachi Anchelotti jamoasida asosiy figuralardan biriga aylandi. Valverdening maydondagi ko‘pvazifali ekani, jamoaga yordam beradi. 24 yoshli futbolchi 2022 yilgi YECHL finalida "Liverpul"ga qarshi bahsning hali qiluvchi goliga assistent bo‘lgandi.
9. Pedri – 100 million yevro
Pedri "Las Palmas" bilan quyi divizionda porlagan edi. Shu sabab "Barselona" uni 5 million yevro evaziga sotib oladi. U "Kam Nou"dagi birinchi mavsumidayoq o‘zini ko‘rsatadi va 2021 yilda "Golden Boy" sovriniga loyiq topiladi. Pedri 20 yosh bo‘lishiga qaramay, allaqachon "Barsa" safida 100 dan ortiq o‘yinlarda ishtirok etdi.
8. Fil Foden – 110 million yevro
Bu ro‘yxatdagi uchta Angliya terma jamoasi a’zosining biri bu Fodendir. U 2017 yilda "Manchester Siti"da debyut qiladi. Foden Gvardiola jamoasi bilan faqat o‘sdi. 23 yosh bo‘lishiga qaramay, hujumchida ko‘plab sovrinlar jamlanmasi mavjud. Ular ichida beshta APL, to‘rtta liga kubogi, ikkita Angliya kubogi va YECHL bosh sovrini bor.
7. Jamal Musiala – 110 million yevro
"Bavariya" Musialaga arzimagan pul berib, ega chiqadi. 2019 yilning yozida "Chelsi" tarbiyalanuvchisi 200 ming funt evaziga sotib olinadi. Hozirga qadar yarim himoyachi 100 dan ortiq bahslarda myunxenliklar sharafini himoya qildi. Angliya yoshlar terma jamoasida o‘ynaganiga qaramasdan, keyinchalik, Jamal Germaniya fuqaroligini olib, "nemis mashinasi" safiga yo‘l olgandi.
6. Viktor Osimxen – 120 million yevro
Osimxen o‘tgan mavsumda "Napoli" qahramoniga aylandi. Uning 31 ta goli jamoaga 30 yildan keyin ilk chempionlikni taqdim etdi. Nigeriyalikka "Bavariya" va "MYU" jiddiy qiziqish bildirgan edi. Ammo "Napoli"ning 200 million yevrolik narxini "PSJ"dan boshqa klub to‘lab bera olmasligi ma’lum bӯldi.
5. Jud Bellingem – 120 million yevro
Ushbu ro‘yxatdagi eng yosh vakil Bellingemdir. "Borussiya Dortmund" bilan Yevropadagi eng yaxshi yarim himoyachilardan biriga aylangan futbolchi, Bundesligada yil o‘yinchisi deb topildi. 20 yoshli futbolchi uchun poygada "Real" yutib chiqdi. Uning xaridi madridliklarga 133 million yevroga tushgani aytiladi.
4. Bukayo Saka – 120 million yevro
2020 yilning yozida Saka 35 million yevroga baholangan. Shundan beri uning narxi faqat geometrik progressiya bo‘yicha o‘sdi. "Arsenal" tarbiyalanuvchisi o‘tgan mavsumda APLning o‘zida 25 ta golda ishtirok etdi. Angliya terma jamoasi safida eng yorqin porlagan aynan ham Saka edi. Hujumchi yaqindagina haftalik 300 ming funt maosh beruvchi yangi bitimga imzo chekkandi.
3. Vinisius Junior – 150 million funt
2018 yilning yozida "Real" va "Barselona" "Flamengo" futbolchisi uchun kurash boshlaydi. Oxirida Vini "Real"ga nasib etadi. Uning xaridi 46 million yevroga tushgandi. Dastlab, Ispaniyadagi hayotga moslashish hujumchi uchun qiyin bo‘ladi. Ammo hozir braziliyalik gullab-yashnamoqda. Vinisius 2022 yilning YECHL finalida "Liverpul"ga qarshi g‘alaba golini kiritgan edi. Karlo Anchelotti uni dunyodagi eng yaxshi futbolchi deb biladi.
2. Kilian Mbappe – 180 million yevro
Mbappe uchun 2017 yilda "PSJ" 180 million yevro to‘lab beradi. Dastlab, "Monako"da porlagan hujumchi, hozirda eng mashhur nomlardan biriga aylandi. Mbappe parijliklar safida 260 ta o‘yin o‘tkazib, 212 ta golga mualliflik qilgandi. Ayni damda hujumchi yangi klubga o‘tmoqchi. Shu sababli, "PSJ" uni olgan narxiga sotishni reja qilgan.
1. Erling Xoland – 180 million yevro
"Manchester Siti" o‘tgan yozda Xoland uchun qo‘yilgan 60 million yevrolik tovon pulini to‘lab, hujumchini o‘ziniki qilgandi. Natija shuni ko‘rsatdiki, "shaharliklar"uni suv tekinga olgan. Norvegiya terma jamoasi a’zosi ilk mavsumida 52 ta gol urdi va APL, YECHL hamda Angliya kubogini yutdi. Ayni damda Xoland o‘zi sotib olingan narxdan uch barobar qimmatladi. Uning agenti Rafaela Pimentaga ko‘ra, 23 yoshli "maxluq" 1 milliard yevroga arziydigan futbolchi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
