Futbolda takrorlanadigan narsalar juda ko‘p. Shulardan biri mavsumoldi bahslari hisoblanadi. Bu o‘yinlar tez-tez va dunyoning har qaysi burchagida o‘tkaziladi. 2023 yilning yozida jamoalar ko‘plab uchrashuvlarda ishtirok etdi. Biroq, «Real»ga nisbatan bunday deya olmagan bo‘lardik. Klub ikki marta o‘yin o‘tkazdi va o‘sha ikki bahs ham o‘ta jiddiy raqiblarga qarshi edi. Shunga qaramay, g‘alabaga erishildi. «Milan» va «MYU»ga qarshi o‘ynash hech qachon oson bo‘lmagan. Ammo madridliklar har ikki raqibdan haqli ravishda ustun keldi. Quyida ushbu o‘yinlarning eng yorqin vakillarini bilib olasiz.
Jud Bellingem
Futbol dunyosi hozir Bellingemni jiddiy kuzatmoqda. Muxlislar uning «Real»da qanday harakat qilishini kuzatishmoqchi. Negaki, «Borussiya Dortmund» va «Real» o‘rtasida ancha-muncha farq bor. Bellingemdan kutilmalar katta va bu futbolchiga bosim yuklaydi. Qolaversa, 20 yoshli ingliz yirik summada xarid qilindi. Agarda Bellingemning ikki o‘rtoqlik uchrashuvida qilgan harakatiga qarab baho beradigan bo‘lsak, u o‘zidagi bosimni nazorat qila olmoqda.
Bellingem bo‘ydor va Anchelotti jamoasining maydon markazida erkin harakat qiladi. Bu esa, o‘z navbatida futbolchiga bo‘shliqlardan foydalanishda katta imkon taqdim etadi. «MYU»ga qarshi kechgan bahsda u o‘ziga berilgan imkoniyatdan mohirona foydalandi va to‘pni ikki teginishda Andre Onana ustidan oshirib, darvozaga joyladi.
Federiko Valverde
Federiko Valverde o‘zining yarim himoyadagi ishlari bilan mashhur emas. Biroq, jamoada doimo samarali harakat qiladigan vakillardan biri sanaladi. Urugvaylik iqtidor buni «Milan» bilan o‘yinda yana bir bor namoyish etdi. Jamoasi 2 ta gol farqi bilan ortda qolib turganida, Valverdening ikkita uzoqdan bergan zarbasi hisobni tenglashtirdi. U jamoaga gollar hadya qiladi, raqibdan to‘pni olib qo‘yishda faol va ko‘plab pozisiyalarda o‘ynashga qodir. Agarda «Real» to‘g‘ri xaridlarni amalga oshirsa, Valverde o‘ziga qulay bo‘lgan hududda o‘ynash imkoniga ega bo‘lardi.
Xoselu
Gapni ochig‘i, ushbu tanlov Xoseluning «MYU»ga qarshi urilgan qaychi uslubidagi goli sabab yuz berdi. Umuman olib qaraganda, «Real»dek jamoada Xoseluning porlash imkoniyati juda past. Uning o‘sha ajoyib goli esa, hujumchi bunga harakat qilayotganini anglatadi. Xoselu «Milan» bilan bahsda bir taym o‘ynadi. «MYU» bilan esa zaxiradan maydonga tushdi va o‘zini ko‘rsatdi. Afsuski, hali ham «Real» Karim Benzema o‘rnini egallay oladigan xaridni amalga oshirganicha yo‘q. Shu sababdan Xoseluga imkoniyatlar taqdim etilmoqda. Hujumchi esa yangi mavsumda, katta ehtimol bilan Karlo Anchelottining, ta’bir joiz bo‘lsa, «marhamat»idan umidvor bo‘lib yashaydi. Voqealar boshqa yo‘sinda ketishini ham inkor etib bo‘lmaydi, albatta.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
