O‘zbekiston kubogi 1/8 finali doirasidagi «Dinamo» - «Paxtakor» (3:2) uchrashuvidan keyin dastlab samarqandliklar bosh murabbiyi Vadim Abramov matbuot anjumanida qatnashdi.
«Chempionga qarshi o‘yinchilarni ruhlantirish shart emas». Vadim Abramov «Paxtakor» ustidan g‘alaba va chorakfinal haqida
O‘zbekiston kubogi 1/8 finali doirasidagi «Dinamo» - «Paxtakor» (3:2) uchrashuvidan keyin dastlab samarqandliklar bosh murabbiyi Vadim Abramov anjumanida qatnashdi.
- Bugungi g‘alaba qanchalik tarixiy ahamiyatga ega ekanligini bilmayman, ammo bugun samarqandlik muxlislarga bayramona kayfiyat taqdim eta olganimizdan xursandman. Umid qilamanki, endi stadionda muxlislarning kelishi ham ko‘payadi. Biz «Paxtakor»ni o‘rgangan edik, ularni qanday o‘ynashini bilardik. O‘ylaganlarimiz ish berdi. Birinchi bo‘limda o‘yinimiz chiqdi, 3ta gol urdik. Shundan keyin o‘yinni nazorat qilishimiz, 2ta gol o‘tkazib yubormaslik lozim edi. Ammo «Paxtakor» chempion jamoa, o‘yinchilarining darajasi baribir o‘z so‘zini aytdi. Shunga qaramay, yigitlarimiz ishtiyoq va mehnat evaziga g‘olib chiqishdi.
Hisob 3:1 bo‘lgan paytda Abubakr Muydinov bo‘sh darvoza qarshisida qolib, hisobni yiriklashtirganida, o‘yin oxiri bunaqa asabiy va intrigali bo‘lmasdi. Chunki o‘yin yakuni tobora futbolchilarimizning vaqtni cho‘zishga uringanini oqlamayman, sababi o‘zim bunday harakatlar tarafdori emasman. Ammo jamoam g‘alabani saqlab qolishga urindi, bu kuchli raqibga qarshi uchraydigan holat.
«Paxtakor»ga Superliga va OCHLda omad tilayman. Fikrimcha, ular bugun bizni mensimay maydonga tushishgan bo‘lsa kerak.
- Boshqaruvimdagi «Dinamo»ning eng yaxshi o‘yinimi? Ha, birinchi bo‘limda aqlli o‘ynadik, qarshi hujumlarda ham omadimiz keldi. Bu raqib «Paxtakor» ekani bilan ham bog‘liq, odatda o‘yinchilarning o‘zida ham ishtiyoq kuchli bo‘ladi. Eng asosiysi g‘alabani unutib, o‘sishda, kurashishda davom etish.
- Milliy jamoadagi muvaffaqiyatsizlikdan keyin murabbiy sifatida katta sahnaga qaytish desa bo‘ladimi? Bilmadim, buni qanday izohlash mumkin. Gap shundaki, «Dinamo» bilan quyi ligadamisan yoki oliy ligadami, baribir ham o‘z ishing bilan isbotlashingga to‘g‘ri keladi. Pro ligada ishlab shunga amin bo‘ldimki, Superligadan ko‘ra quyi ligada ishlash qiyin ekan. Chunki o‘yinlar taqvimi shu darajadaki, biz oxirgi marta 2 oy oldin o‘yin o‘tkazgandik. Bunday paytda jamoada pasayish bo‘lmasligini saqlab qolish juda qiyin.
- Bu o‘yin sizning boshqaruvingizda Yaponiya ustidan qozonilgan tarixiy g‘alabani yodga soldi...
- Qo‘ysangiz-chi.., ha o‘sha tarkibdan bugun Dilshod Rahmatullayev va Bahodir Nasimov maydonda edi.
- O‘yindan oldin futbolchilar bilan nima haqda gaplashdingiz?
- Bunday o‘yinlarda futbolchilarni ruhlantirish uchun nimadir aytish shart emas. «Paxtakor» chempion jamoa, bunday raqibga qarshi jamoaning o‘zi ham nimalarga qodirligini ko‘rsatishni istaydi. O‘yinchilarni quyi o‘rinlardagi jamoalarga qarshi bahslarga tayyorlash qiyinroq. Yigitlar mehnatlariga yarasha natijaga erishishdi. Ulardan minnatdorman.
- 1/8 finalga qur’a tashlashdan avval «Paxtakor» tushishi mumkinligini taxmin qilgan edingiz. Chorakfinalda qaysi raqibni kutgan bo‘lardingiz?
- Taxmin qilishni istamasdim, keling qolgan o‘yinlarni ham kuzataylik, vaqt ko‘rsatadi.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
