Avstriyalik 46 yoshli sobiq futbolchi Kristof Froynd yaqinda «Bavariya» sport direktori lavozimida ishga kirishdi.
«RB Zalsburg»da 17 yil davomida samarali faoliyat yuritgan mutaxassis endi bor bilimini «Gollivud FK» taraqqiyotiga safrlaydi, albatta. Kristof hozirdan «Bavariya» tizimini mutlaqo yangi darajaga olib chiqishga va’da bermoqda.
- Xalqaro futbolda bunday darajaga har doim ham duch kelavermaysiz. Shunday ekan, alohida qadriyatlarga ega jamoa chaqiruvidan bosh tortolmasdim. Umuman, yangi chorlov doim yoqimli, ayniqsa, «Bavariya» darajasidagi klublarniki.
- Kristof, «Bavariya»ga xush kelibsiz! Aytingchi, qanday inson va mutaxassissiz?
- Tabiatan qat’iyatli, jamoaviy ishchiman, hayotga hamisha ijobiy ko‘z bilan qarashga o‘rganganman. Tabiat qo‘ynida ko‘p vaqt o‘tkazishga moyilman, yana vatanimga qattiq bog‘langanman. Men uchun eng muhimi - uy va oila. Deylik, yaqinlar davrasida o‘zimni o‘ta qulay his qilaman.
- Faoliyatingiz haqida ham qisqacha gapirib bersangiz...
- Aslida bu yo‘lni sharoit taqozosi bilan tanlaganman. 24 yoshdayoq futbolchilik faoliyatiga nuqta qo‘yishimga to‘g‘ri keldi, chunki otam to‘satdan vafot etdi. Qisqasi, ota-onam yo‘lga qo‘ygan biznesni zimmamga olishim kerak edi. Biroq 4-5 yildan keyin boshqa yo‘nalishga bosh suqishni xohlab qoldim. Shu tariqa 2006 yili «RB Zalsburg» tizimida ish boshlash imkoniyati tug‘ildi. Takrorlayman, aslida funksioner bo‘lishni oldindan rejalashtirmagandim. Xullas, o‘z-o‘zidan imkoniyat yuzaga keldi va yangi ishdan ma’no ham, zavq ham topdim. Mana, bir necha yildan buyon faoliyatim rivojlanmoqda va bu juda yoqimli.
- Boshida «Bavariya» taklifiga qanday munosabat bildirdingiz?
- Avvalo, «Bavariya» mentalitetidan hamisha hayratlanganimni aytishim kerak. Dunyodagi eng yirik, o‘ta muvaffaqiyatli va oilaviy klublardan biri. Tarixi ham boy, asosiysi, yildan-yilga yaxshi rivojlanmoqda. Xalqaro futbolda bunday darajaga har doim ham duch kelavermaysiz. Shunday ekan, alohida qadriyatlarga ega jamoa chaqiruvidan bosh tortolmasdim. Umuman, yangi chorlov doim yoqimli, ayniqsa, «Bavariya» darajasidagi klublarniki.
- Aytingchi, shunday megaklubda ishlashga nechog‘li tayyorsiz?
- Qaytaraman, bu - katta va yangi chaqiruv. Naq 17 yil o‘zimga tanish klub tizimida ishladim. Endi davrani kengroq olishim, yangi odamlar bilan munosabat o‘rnatishim talab etiladi. Umuman, Myunxenda hammasi boshqacha, o‘zgacha yondashuv bor. Darhaqiqat, mas’uliyatli va hayajonli ish. Shuningdek, bu yerda shaxsiy hayotim ham biroz o‘zgarishi muqarrar. O‘ylaymanki, klub ishonchini oqlash qo‘limdan keladi, faqat to‘plangan tajribadan o‘rinli tarzda foydalansam, bas.
- «Bavariya»dagi asosiy vazifalaringizni belgilab oldingizmi?
- Birinchi qadam - bu to‘g‘ri aloqa o‘rnatish uchun klub, hamkasblar, futbolchilar va xodimlar bilan tanishish. Boshida biroz qiynalarman balki. Shundan so‘ng sport yo‘nalishi, jamoa tarkibi masalalariga to‘liq sho‘ng‘isam kerak. Kelajakda deylik, aloqa nuqtai nazaridan ochiq maydon yaratmoqchiman. Oddiy aytganda, rahbariyat va jamoani bir-biriga yanada yaqinlashtirishni xohlayman.
Manba: fcbayern.com,
MUHAMMADXON tayyorladi
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
