Osiyo Chempionlar ligasi, “D” guruhi, 1-turidan o‘rin olgan “Al-Hilol” – “Navbahor” (1:1) jamoalari o‘rtasidagi uchrashuvdan keyingi matbuot anjumanida jamoamiz bosh murabbiyi Samvel Vyacheslavovich Babayan ishtirok etib, OAV xodimlarining savollariga javob berdi.
- Assalomu alaykum! Biz Osiyoning ayni damdagi eng kuchli klubiga qarshi o‘yin o‘tkazdik. Mazkur bahsdan oldingi matbuot anjumanida ta’kidlaganimdek, yaxshi tashkillashtirilgan o‘yin, yuqori fidoyilik va intizom evaziga har qanday jamoaga qarshi o‘ynash mumkin. Yigitlarga o‘z minnatdorchiligimni bildiraman. Ular kiyinish xonasidagi ko‘rsatmalarimga to‘liq amal qilishdi.
Biroq, garchi “Al-Hilol”dan ochko olgan bo‘lsakda, bugungi natijadan qoniqmadik. Boisi, hakam tomonidan qo‘shib berilgan daqiqalarda o‘z darvozamizdan to‘p o‘tkazib yuborib, g‘alabani qo‘ldan boy berdik. Ammo shunday bo‘lsada, bugun muhim ochkoni qo‘lga kiritdik hamda mazkur ochko OCHLda o‘z oldimizga qo‘yilgan maqsad, ya’ni, guruh bahslarini muvaffaqiyatli yakunlab, “pley-off” bosqichiga yo‘l olishimizda muhim ahamiyat kasb etadi, deb o‘ylayman.
- Jamoaning OCHLdagi keyingi strategiyasi qanday bo‘ladi? Boisi, ushbu guruhdan keyingi bosqichga chiqish “Navbahor” uchun oson bo‘lmaydi. OCHLning keyingi uchrashuvlarida ham xuddi bugungidek taktika qo‘llaysizlarmi?
- O‘yindan oldingi matbuot anjumanida ta’kidlaganimdek, guruhimiz favoriti bu shubhasiz, “Al-Hilol”. Bugungi bellashuvdagi strategiya va taktika raqibdan kelib chiqib tanlangandi. Boisi, biz Osiyoning eng yaxshi jamoasiga qarshi maydonga tushdik. Albatta, o‘z maydonimizdagi uchrashuvlarda “Navbahor” hujumkor o‘yin namoyish etadi. Biz bugun raqibga moslashuvchan jamoa ekanligimizni namoyish etdik. “Al-Hilol”ning tinimsiz hujumlariga bardosh bergan holda, hisobni ochishga muvaffaq bo‘ldik. Jasur Yaxshiboyev mezbonlar darvozaboni bilan yakkama-yakka vaziyatga chiqib, ikkinchi golni urganida, 3 ochkoni qo‘lga kiritishimiz ham mumkin edi.
- Keyingi o‘yinlarda ham shogirdlaringiz xuddi bugungi bahsdagi kabi vaqtni cho‘zishga harakat qilishadimi?
- Yigitlar atayin vaqt cho‘zishmadi, balki bunga futbolchilarning jarohatlari va toliqishlari sabab bo‘ldi. Biroq uchrashuvning asosiy vaqtiga hakam keragidan ortiq, ya’ni, 14 daqiqa vaqt qo‘shib berdi. Yana qaytaraman, biz bugun Osiyoning kuchli jamoasiga qarshi maydonga tushdik. Yuksak fidoyilik, yaxshi shakllangan o‘yin, intizom evaziga deyarli kerakli natijaga erishdik. Ammo biroz ko‘ngilni xira qiladigan jihati, qo‘shimcha vaqtda g‘alabani qo‘ldan boy berdik.
- Neymarning o‘yini borasida nima deya olasiz?
- Albatta, Neymar singari yuqori saviyali futbolchining Osiyo futbolida o‘ynashi, qit’amiz futbolining obro‘sini oshiradi. Lekin u ham boshqalar singari o‘yinchi. Shuning uchun yigitlarga Neymarga bo‘sh hududlar qoldirmaslik, to‘p unda bo‘lganida, jamoadoshlarini ko‘zdan qochirmaslikni uqtirgandim. Shogirdlarim buni uddalashdi va mazkur o‘yinda Neymar o‘zining eng yaxshi jihatlarini namoyish eta olmadi.
– “Al-Hilol” tarkibidan ko‘plab jahon yulduzlari o‘rin olishgan. Siz ularga alohida futbolchilar biriktirib, shogirdlaringizga ularni yaxshi qo‘riqlashni uqtirganmidingiz?
- Haqiqatdanam, “Al-Hilol” tarkibidan yuqori saviyali, top futbolchilar o‘rin olishgan. Lekin men ular uchun alohida o‘yinchilarni biriktirmadim. Faqatgina o‘sha futbolchilar maydonchamiz tarafiga o‘tishganida, yigitlar ularga o‘yin bermaslik, munosib qarshilik ko‘rsatishga intilishdi.
Yana bir marta ta’kidlayman, jamoamiz Osiyoning eng kuchli klubiga qarshi maydonga tushdi va men o‘yindan oldin aytgan mo‘’jiza ushbu bahsda deyarli yuz berdi. Lekin biz mazkur uchrashuvda zafar quchishimiz lozim edi. Ammo o‘yin yakunida konsentrasiyani yo‘qotib, o‘z darvozamizdan to‘p o‘tkazib yubordik. Biroq, 1:0 hisobida g‘alaba qozonayotganimizda, ikkinchi golni urib, o‘yinni yakunlashimiz lozim edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
