Ronaldu va Messining qay biri zo‘r, qay biri kuchli va yaxshiroq ekani borasidagi tortishuvlar, argentinalikning jahon chempioni bo‘lishi bilan yakuniga yetgan bo‘lishi mumkindir. Ammo yana bir bahslashadigan soha bor. U ham bo‘lsa, bu ikki dahoning qay biri ko‘proq sovrin yutgani. Messi va Ronaldu umumiy 1500 mingdan ortiq golga mualliflik qilgan. Ular, shuningdek, jami 9 bor YECHLni, 17 ta ichki chempionatni, 2 bor qit’a chempionligi va boshqa ko‘plab shaxsiy sovrinlarni qo‘lga kiritgan. Jahon chempionatidagi qahramonliklaridan keyin, Messi sakkizinchi bor "Oltin to‘p"ga ega chiqdi. U "PSJ" bilan ikki yilda ikki bor Fransiya chempionligiga erishgandi. Hozir Messi Amerikada, Ronaldu esa Saudiya Arabistonida harakat qilmoqda. Bu ikki afsona doimo bir-biriga qarshi salbiy fikr aytishdan saqlangan. Bu bekorga emas. Negaki, futbolda eng muhimi bu hurmatdir (bekorga UYEFAning bosh g‘oyasi va shiori – RESPECT, ya’ni hurmat emas).
Ronaldu Messi haqida shunday deydi: "Biz hamkasblarmiz. Biz o‘z ishimizni qilamiz. Boshqa ko‘plab futbolchilar kabi futboldan tashqari shaxsiy munosabatlarga ega emasmiz. Messi menga o‘xshab o‘z klubi va terma jamoasida yaxshi natijaga intiladi. Uzoq vaqtlik raqobatimizga ijobiy yondoshuv kerak. Negaki, aynan raqobat bizni hozirgi darajamizga olib chiqdi".
Messi esa Ronalduni "Yuventus"ga ketganini eshitib shunday degandi: "Uning ketgani yaxshi emas. Garchand men uchun Ronalduni sovrinlar yutishini ko‘rish og‘ir bo‘lsada, aynan u La-liga darajasini belgilab berdi".
Xo‘sh, shunday afsonalar bir-birini hurmat qilar ekan. Ko‘p jabhada kuchlar teng ekan, sovrinlar borasida nima deyish mumkin? Quyida bu statistika bilan tanishish imkoniga ega bo‘lasiz.
Eslatma: FIFAning eng yaxshi yil o‘yinchisi va "Oltin to‘p" sovrini qo‘shib topshirilgan yillar, faqat "Oltin to‘p" deya yozilgan. Shuningdek, quyida har qaysi individual sovrinlar hisoblangan.
Lionel Messi
Ichki chempionatda
La-liga – 10 marta ("Barselona" bilan)
Liga 1 – 2 marta ("PSJ" bilan)
Ispaniya kubogi – 7 marta
Ispaniya superkubogi – 8 marta
Chempionlar kubogi – 1 marta ("PSJ" bilan)
Xalqaro maqomdagi
YECHL – 4 marta ("Barselona" bilan)
Ligalar kubogi – 1 marta ("Inter Mayami" bilan)
UYEFA Superkubogi – 3 marta
Boshqa
FIFA klublar o‘rtasidagi mundial – 3 marta
Terma jamoalar miqyosida
Jahon chempionati – 1 marta (2022)
Kopa Amerika – 1 marta (2021)
Olimpiada – 1 marta (2008)
Jami: 42 ta sovrin
Individual
"Oltin to‘p" – 8 marta
FIFA yil o‘yinchisi – 3 marta
FIFA Jahon chempionati oltin to'pi – 2 marta
UYEFA Yevropaning eng yaxshi futbolchisi – 2 marta
Jami: 15 ta sovrin
Krishtianu Ronaldu
Ichki chempionada
APL – 3 marta ("MYU" bilan)
La-liga – 2 marta ("Real" bilan)
A seriya – 2 marta ("Yuventus" bilan)
Angliya liga kubogi – 2 marta
Angliya kubogi – 1 marta (2004)
Ispaniya kubogi – 2 marta
Italiya kubogi – 1 marta (2021)
Portugaliya superkubogi – 1 marta (2002)
Angliya superkubogi – 1 marta (2007)
Ispaniya superkubogi – 2 marta
Italiya superkubogi – 2 marta
Xalqaro maqomdagi
YECHL – 5 marta
UYEFA Superkubogi – 2 marta
Arab klub chempionlari kubogi – 1 marta (2023)
Boshqa
FIFA klublar o‘rtasidagi jahon chempionati – 4 marta
Terma jamoalar miqyosida
Yevropa chempionati – 1 marta (2016)
UYEFA Millatlar ligasi – 1 marta (2019)
Jami: 33 ta
Individual
"Oltin to‘p" – 5 marta
FIFA yil o‘yinchisi – 3 marta
UYEFA Yevropaning eng yaxshi futbolchisi – 3 marta
Umumiy: 11 ta.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
