Joriy yilgisi yana Messiga nasib etdi. Bu uning 8-»to‘p»idir. Ushbu sovrin amalga tadbiq etilganiga deyarli 70 yil bo‘ldi va o‘shandan beri uni 64 nafar futbolchi qo‘lga kiritdi. Quyida hozirgacha ushbu sovringa ega chiqqanlarning eng boylarini bilib olishingiz mumkin.
Krishtianu Ronaldu - 363 mln. funt
Dunyodagi eng mashhur sportchi bo‘lish bilan birgalikda, Ronaldu eng ko‘p maosh oladigan futbolchi hamdir. Portugaliyalik yulduz «Instagram»da 876 million kuzatuvchiga ega. Uning yillik daromadi 363 million funtni tashkil etishi aytilgan. Ronaldu «Al-Nasr»da yiliga 62 million funt maosh oladi. Turli xil tijoriy hamkorliklar bilan birga Ronalduning daromadi 1 yilda 173 million funtgacha boradi. 38 yoshli futbolchi Nike bilan bir umrlik shartnoma imzolagan va bu uchun Ronaldu 1 milliard funt oladi. Qolaversa, qahramonimiz o‘z biznes imperiyasiga asos solgan. Ular ichida mehmonxonalar tarmog‘i, ichki kiyim ishlab chiqarish, fitness uskunlari va shampun sanoati eng ko‘zga ko‘ringanlaridir.
Lionel Messi - 105 mln. funt
Messi barcha davrlardagi eng yaxshi futbolchidir. Kecha u o‘z faoliyatidagi sakkizinchi «Oltin to‘p»ni qabul qilib oldi. Argentinalik daho «Inter Mayami»ga ko‘chib o‘tdi. Hozir uning yillik maoshi 35-47 million funt atrofida. Yillik daromadi 105 millionni tashkil etadi. 36 yoshli futbolchi ham ko‘plab tijoriy loyihalarda ishtirok etib, o‘z daromadlarini ko‘paytiradi. Adidas va Messi 2017 yildan beri hamkorlik qilishadi. Shu sababli u yiliga 20,4 million funt oladi. Shuningdek, Messi «Pepsi»ning global elchisi hisoblanadi.
Kaka - 75 mln. funt
Ronaldu va Messi erasi avvalida bu ikki dahoni Kaka mag‘lub etib, «Oltin to‘p»ga ega chiqadi. 41 yoshli afsona 2007 yilda bu sovringa loyiq topilgandi. Kaka 2017 yilda futboldan ketadi. Shunga qaramay, har yili 74 million funt ishlab topmoqda. Braziliyalik «Tvitter»da ilk bor 10 million obunachilari bo‘lgan insonga aylangandi. Tijoriy hamkorliklar borasida Kakaning ham omadi chopgan. U global brendlar bo‘lmish PlayStation va OPPO bilan hamkorlik qiladi.
Karim Benzema - 62,5 mln. funt
Sobiq «Real» hujumchisi 2022 yilgi sovrin egasi sanaladi. Benzema har yili 62 million atrofida daromad ko‘radi. Ayni damda «Al-Ittihod» fransuz hujumchisi xizmatlari evaziga har hafta unga 3,3 million funt maosh beradi. Benzema «Oltin to‘p» topshirish marosimiga qo‘lida 500 ming dollarlik Richard Mille bilan kelgandi. 35 yoshli hujumchi ham tijoriy loyihalarda ancha faol qatnashadi.
Zinedin Zidan - 52 mln. funt
Fransuz yulduzi Zinedin Zidan o‘z termasini JCH-1998da g‘alaba sari ilhomlantirdi, o‘sha yili u «Oltin to‘p»ni ham qo‘lga kiritdi. Futbolchi sifatida muvaffaqiyatli faoliyatidan so‘ng, u avval «Real Madrid Kastilya»da, keyin esa asosiy jamoada murabbiy bo‘ldi. 2018 yilda esa nafaqaga chiqayotganini e’lon qiladi, 10 oydan keyin yana qaytadi. Ammo 2021 yilning yozida ikkinchi marta ketdi. 51 yoshli Zidan «Real» murabbiyi sifatida yiliga 2,3 million funt sterling ishlab topdi, bu ko‘rsatkich 2015|2016 yilgi mavsum oxirida jamoani qayta tiklaganida ikki baravar ko‘paydi. Hozirda ishsiz bo‘lsa-da, uning boyligi 52 million funt sterlingni tashkil qiladi. Adidas, Louis Vuitton va Christian Dior kabi brendlar bilan tuzilgan bitimlar uning daromadiga katta hissa qo‘shadi.
Luish Figu - 41 mln. funt
Portugaliyalik afsona Luish Figu «Oltin to‘p»ni qo‘lga kiritgan 2000 yili «Barselona»dan ashaddiy raqib - «Real»ga 50 million funt sterlingga transfer qilinadi. Bu o‘sha paytda jahon rekordi bo‘lgandi. Yangi klubida katta muvaffaqiyatlarga erishdi, u yerda 5 yil ichida 3,74 million funt sterling ishlab, 45ta gol urdi va 249ta o‘yinda 58ta assist qayd etdi. Idol Net Worth ma’lumotlariga ko‘ra, hozirda taxminan 41 million funt sterlingga ega bo‘lgan 50 yoshli futbolchi 2017 yilda UYEFAga o‘tib, maslahatchi rolini o‘z zimmasiga oldi va butun dunyo bo‘ylab musobaqalarini targ‘ib qila boshladi.
Fabio Kannavaro - 36 mln. funt
2006 yilda jahon chempionligi va «Oltin to‘p»ni qo‘lga kiritgan Italiya terma jamoasining sobiq sardori Fabio Kannavaroning boyligi 36 million funt sterlingni tashkil etgani aytiladi. 50 yoshli futbolchi 2011 yilda faoliyatini tugatgunga qadar barcha davrlarning eng yaxshi himoyachilaridan biri hisoblangan. Hozir u professional futbol murabbiyi, Yaqin Sharq va Xitoy jamoalarida murabbiylik qilgan. 2019 yili qisqa vaqt Xitoy termasini boshqaradi, yaqinda esa Italiya «V» seriyasi vakili «Benevento»ni qabul qilib oldi. Avvalroq u 5 mavsum davomida ishlagan Xitoyda Superliganing eng ko‘p maosh oluvchi murabbiyi va dunyodagi eng ko‘p maosh oluvchi 4-murabbiy bo‘lib, yiliga 10,6 million funt sterling ishlab topgani haqida xabar berilgan edi.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
