O‘zbekiston futbolida 2023 yil yakuniga yetdi hisob. Yakunlanayotgan yilga turli jamoalar orqali baho berishga harakat qilamiz. Bunda har bir yo‘nalishni 10 ballik tizimda baholab, yakunda o‘rtacha bahoni chiqaramiz.
O‘zbekiston milliy terma jamoasi
Milliy jamoamiz joriy yilda CAFA Nations Cup, JCH-2026 saralashining 2ta saralash o‘yini va bir nechta o‘rtoqlik uchrashuvlarini o‘tkazdi. Katanes jamoasi CAFA Nations Cup turniri finalida Eronga yutqazgan bo‘lsa, bu jamoa bilan JCH-2026 saralash bahsida durang qayd etdi. Shuningdek, milliy jamoamiz o‘rtoqlik o‘yinlari yaxshi taassurot qoldi.
Baho: 8 ball
O‘zbekiston olimpiya (U23) terma jamoasi
Temur Kapadze boshqaruvidagi jamoaning rasmiy o‘yinlari kuz fasliga to‘g‘ri keldi. Dastlab jamoamiz 2024 yilgi Osiyo chempionati saralash bosqichi bahslarini Toshkentda o‘tkazib, unda uchala o‘yinda ham g‘alaba qozondi. Xususan, Eron so‘nggi turda Abbos Fayzullayev tomonidan urilgan gol evaziga mag‘lub etildi. Natijada forslar qit’a chempionati yo‘llanmasidan quruq qolishdi.
Shundan keyin olimpiyachilarimiz Xanchjouda Osiyo O‘yinlarida ishtirok etib, bronza medalini qo‘lga kiritdi. Jamoamiz chorak finalda Saudiya Arabistonini mag‘lub etgan bo‘lsa, yarim finalda Janubiy Koreyaga imkoniyatni boy berdi. Uchinchi o‘rin bahsda esa Gonkong mag‘lub etildi (musobaqa davomida uchinchi marta).
Baho: 8 ball
O‘zbekiston yoshlar (U20) terma jamoasi
Ushbu jamoa 2023 yilning mart oyida yurtimizda o‘tkazilgan Osiyo chempionatida ishtirok etib, chempionlikni qo‘lga kiritdi. Ravshan Haydarov boshqaruvidagi jamoa chorak va yarim finalda penaltilar seriyasi evaziga Avstraliya va Koreyani mag‘lub etgan bo‘lsa, finalda Iroq taslim etildi (1:0).
Bu orqali yoshlarimiz JCH yo‘llanmasini qo‘lga kiritishdi va may oyida Argentinada o‘tkazilgan Mundialda ishtirok etishdi. Jamoamiz guruhda 2-o‘rin bilan pley-offga chiqdi. Ammo nimchorak finalda 90+7-daqiqada o‘tkazib yuborilgan gol evaziga mag‘lubiyatga uchradi.
Baho: 7,5 ball
O‘zbekiston o‘smirlar (U17) terma jamoasi
Jamoliddin Rahmatullayev jamoasining Osiyo kubogida yarim finalgacha yetib borib, JCH yo‘llanmasini qo‘lga kiritdi. O‘smirlarimiz Indoneziyada musobaqada qanday ishtirok etgani hali yodingizda ko‘tarilmagan bo‘lsa kerak. Turnirni Maliga qarshi o‘yinda 0:3 hisobidagi mag‘lubiyat boshlagan jamoamiz keyinchalik iroda ko‘rsata boshladi. Ayniqsa, Ispaniya va Angliyaga qarshi o‘yinda namoyish etilgan xarakter barchada ijobiy taassurot qoldirdi. Chorak finalda esa Fransiyaga kuchimiz biroz yetmadi. Ehtimol Amirbek Saidov tomonidan urilgan gol inobatga olinganida o‘smirlarimiz yarim finalga ham chiqishi mumkin edi.
Baho: 7,5 ball
Klublar
Klublarimizning ishtirokini Superliga va xalqaro o‘yinlar (OCHL) yordamida baholaymiz. Milliy chempionatimiz o‘rtacha baho bersak bo‘ladi. Ha, o‘yinlarda kurashlar bo‘ldi, ammo mavsum so‘ngida chempionlik 2-3ta tur avval deyarli hal bo‘lib qolgandi. Superligani tark etuvchi jamoalar nomi esa undan ham avvalroq ma’lum bo‘ldi. Hakamlarning xatolari ham ko‘payib ketdi...
Chempionlar ligasida ishtirok etgan 4 jamoamizdan ikkitasi nimchorak finalga chiqdi. Ellik foizlik natija...
Baho: 6 ball
O‘zbekiston ayollar terma jamoasi
Ayollar milliy jamoamizning natijalari 2023 yilda keskin o‘sishga erishdi. Midori Xonda jamoasi Osiyo O‘yinlarida yarim finalgacha yetib borib, 4-o‘rinni egalladi. Bundan tashqarimiz O‘zbekiston ayollar terma jamoasi Parij-2024 yo‘llanmasi uchun o‘tkazilayotgan saralashning dastlabki ikki bosqichidan muvaffaqiyatli o‘tib, uchinchi bosqichga yo‘l oldi. Agar jamoamiz fevral oyida Avstraliyaga qarshi bo‘ladigan ikki o‘yinda o‘ziga kerakli natijani qo‘lga kirita olsak, olimpiada yo‘llanmasini qo‘lga kiritadi!
Baho: 8 ball
Yakuniy baho
Mazkur 6 ta yo‘nalish bo‘yicha to‘plangan jami baholar 45 ballga teng bo‘ldi. Ularning o‘rtacha ko‘rsatkichi esa 7,5 ballga teng bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
