Ma’lumki, Timur Kapadze boshchiligida “Olimpik” futbolchilari va O‘zbekiston olimpiya terma jamoasiga nomzod futbolchilar Turkiyaning Antaliyada shahrida yig‘in o‘tkazdilar.
“Andijon” jamoasining iqtidorli futbolchisi Farhod Sohibjonov ham mazkur yig‘inga taklif qilinganidan xabaringiz bor.
Kapadze jamoasi u yerda ikkita nazorat uchrashuvini o‘tkazdi va har ikkisi Qozog‘istonning “Qaysar” klubiga qarshi bo‘lib o‘tdi. Qizig‘i, ushbu bahslarda vakillarimiz bir xil – 2:0 hisoblarida g‘alaba qozonishdi.
Sohibjonov dastlabki bellashuvda gol urishga muvaffaq bo‘ldi. Keyingi o‘yinda ham ikkinchi bo‘lim boshida maydonga tushirildi.
Sohibjonov yig‘in yakunlari bo‘yicha o‘z fikrlarini bildirib o‘tdi.
- Farhod, Turkiyadagi tayyorgarlik haqida so‘ramoqchiman. Terma jamoa ixtiyorida bo‘ldingiz va Antaliya yig‘ini qanday o‘tdi?
- O‘quv-mashg‘ulot yig‘inimiz ko‘ngildagidek o‘tdi. Xudoga shukr, jamoadagi barcha futbolchilar juda yaxshi kirishib ketdim. Bu narsa mashg‘ulotlarda va o‘yinlarda bilindi. Masalan, birinchi uchrashuvda gol urdim. Ikkinchi uchrashuv ham men uchun yaxshi o‘tdi, deb o‘ylayman. Shu o‘rinda menga imkoniyat bergani uchun bosh murabbiy Timur Kapadzge rahmat aytmoqchiman.
- Shuningdek, siz ilk bor terma jamoa mashg‘ulotida qatnashdingiz. O‘zingizni qanday his qildingiz? U yerda do‘stlaringiz ham bormidi?
- Ha, albatta, ko‘plab futbolchilar bilan oldindan tanishman. Shuning uchun menga bu yerda hech qanaqa qiyinchilik tug‘ilgani yo‘q. Boya aytganimdek, yigitlar bilan juda yaxshi kirishib ketdim.
- Ma’lumki, Qozog‘istonning "Qaysar" klubiga qarshi ikkita nazorat uchrashuvi o‘tkazildi. Ikkala bahsda ham 2:0 hisobida g‘alaba qozondinglar. Bu o‘yinlar qanday o‘tdi va ko‘proq nimalarga e’tibor qaratildi?
- To‘pni nazoratga olib, ketma-ket hujumlar qildik. Maqsadimiz ham aynan to‘pni nazorat qilib, hujumlar tashkillashtirish edi.
- Bilamizki, “Qaysar”ga "Andijon"ning sobiq bosh murabbiyi Viktor Kumikov ustozlik qilyapti. U bilan ko‘rishgan bo‘lsangiz kerak?
- Albatta, ko‘rishdim. Seni terma jamoa yig‘iniga chaqirishganidan xursandman dedi va menga omad tiladi.
- Ayting-chi, Timur Kapadze yig‘inda asosan nimalarga e’tibor qaratdi va siz bilan gaplashganda nimalar dedi?
- Murabbiy birinchi o‘rinda tartib-intizomni qattiq ushladi. Chunki futbolchirda tartib-intizom bo‘lmasa jamoa natija ham bo‘maydi. Hech nimani o‘ylamasdan o‘z o‘yininglarni ko‘rsatinglar, bir jamoa va bir oila bo‘lib, harakat qilinglar, deya alohida ta’kidladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
