O‘zbekiston XXXIII milliy chempionatini “Metallurg” Toshkentda “Lokomotiv”ga qarshi o‘yin bilan boshlaydi. Temiryo‘lchilar mamlakatimizning eng nomdor klublaridan biri sanaladi: uch marta mamlakat chempioni, uch marta O‘zbekiston kubogi sohibi va bir necha karra chempionat sovrindori bo‘lgan. Bundan tashqari Superkubok bahslarida ham ikki marta muvaffaqiyatga erishgan.
Mazkur jamoalari bugunga qadar kuchlilar safida o‘zaro 38 o‘yin o‘tkazgan. Shulardan 6 tasida “Metallurg”ning qo‘li baland kelgan. 12 ta uchrashuvda durang natija qayd etilgan. 20 o‘yinda esa temiryo‘lchilar zafar quchishgan. Kiritilgan va o‘tkazib yuborilgan to‘plar farqi – 36:64, toshkentliklar foydasiga.
Toshkentda o‘tkazilgan uchrashuvlarida “Lokomotiv” katta ustunlikka ega. 19 ta uchrashuvning 12 tasida temiryo‘lchilar zafar quchishgan. 5 ta bahsda kuchlar teng kelgan. 2 ta o‘yinda “Metallurg” muvaffaqiyatga erishgan.
Toshkentda o‘tkazilgan so‘nggi 6 ta uchrashuvda qayd etilgan natijalar bilan tanishing:
12.11.2022. Lokomotiv – Metallurg – 3:1
11.05.2021. Lokomotiv – Metallurg – 1:3
15.06.2020. Lokomotiv – Metallurg – 0:3
15.09.2019. Lokomotiv – Metallurg – 1:1
30.10.2018. Lokomotiv – Metallurg – 1:0
09.03.2018. Lokomotiv – Metallurg – 1:1
“Lokomotiv” haqida
"Temiryo‘lchilar" oliy liga bahslarida bugungacha 503 ta o‘yin o‘tkazib, shulardan 244 tasida g‘alaba qozonishgan. 106 o‘yinda durangga erishgan, 153 uchrashuvda esa imkoniyatni boy bergan. “Lokomotiv” raqiblari darvozasiga 795 ta gol urib, o‘z darvozasidan 581 ta to‘p olib chiqqan. Jamoaning milliy chempionatimizdagi eng yirik g‘alabasi – 7:0 (2015 – “So‘g‘diyona”, 2017 – “Obod”). Eng yirik mag‘lubiyati – 0:7 (2020 – “Paxtakor”).
“Lokomotiv” o‘tgan yili Pro ligada qatnashib, 1-o‘rinni egallagan holda Superligaga qaytdi.
“Metallurg” bir qator yubileylar bo‘sag‘asida
Superliganing bu yilgi bahslarida bekobodlik futbol ishqibozlari bir qator kichik yubileylar shohida bo‘lishlari kutilayapti. Jumladan, “Metallurg” 4-turda kuchlilar safidagi 750-uchrashuvini o‘tkazadi. Vesko Steshevich shogirdlari bu yilgi mavsumni sermahsul boshlashsa, “Metallurg”ning 900-goli yaqin turlar ichida kuzatiladi. Hozirgacha bekobodliklar raqiblar darvozasiga 895 ta gol urgan.
Bevosita “Metallurg”ning kuchlilar safidagi statistikasiga to‘xtaladigan bo‘lsak, hozirgacha bekobodliklar 746 ta o‘yinda maydonga tushishgan: 248 ta g‘alaba, 156 ta durang, 344 ta mag‘lubiyat. Kiritilgan va o‘tkazib yuborilgan to‘plar farqi – 895:1120.
“Metallurg”ning kuchlilar safidagi eng yirik g‘alabasi – 6:0 (2001 – “Semurg‘”, 2006 – “Xorazm”, 2016 – “Mash’al”). Eng yirik mag‘lubiyati esa – 0:7 (2003 – “Navbahor”, 2004 – “Nasaf”).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
