O‘zbekiston milliy jamoasi va «Paxtakor» klubi sobiq bosh murabbiyi, rossiyalik taniqli mutaxassis Valeriy Nepomnyashiy hamyurtimiz Abbos Fayzullayevni SSKA - «Axmat» o‘yini (1:2)dagi sariq kartochka uchun ayblashga asos yo‘qligini ta’kidlamoqda.
Umuman, vaqtida aynan SSKA prezidentining sport masalalari bo‘yicha maslahatchisi rolida ham faoliyat yuritgan faxriy murabbiy Rossiya matbuotiga bergan intervyusida legionerimiz haqida ijobiy fikrlar bildirdi.
- SSKA - «Axmat» o‘yinidan so‘ng Fayzullayevning O‘zbekiston yoshlar termasiga ertaroq ketish uchun atayin sariq kartochka ishlagani haqida gap-so‘zlar urchidi. Bunga qanday qaraysiz?
- Yo‘q, uning atayin «sariq» olganiga ishonmayman. Menimcha, Fayzullayev bunday yigit emas. O‘sha vaziyatni eslasak, u to‘pni yo‘qotib qo‘ydi va darhol raqibdan qaytarib olishga urindi. Umuman, Abbosni RPLning joriy mavsumi kashfiyotlari qatoriga qo‘shaman.
- Biroq orada uning o‘yinida pasayish kuzatildi...
- Ha. Lekin bu tig‘iz taqvim va charchoq bilan bog‘liq edi. Abbos Osiyo kubogiga bordi va SSKAga qaytgach, biroz tin oldi. Muhimi, oradan ko‘p o‘tmay, o‘z darajasini tikladi.
- Sizningcha, Fayzullayev yana qaysi jihatlar bo‘yicha yaxshilanishi kerak?
- Bu yigitda yaqqol kamchilik ko‘rayotganim yo‘q. Tartibli harakati ko‘zni quvontirmoqda. O‘yinidagi ba’zi pasayishlar esa RPLda ilk mavsumni o‘tkazayotgan yosh futbolchi uchun odatiy hol hisoblanadi. Chunonchi, yoshlar bir urinishda kuchni to‘g‘ri taqsimlashni bilishmaydi. Tajribali futbolchi esa qachon biroz yengil o‘ynash va qaysi pallada to‘liq kuch sarflashni biladi. Oddiy aytganda, kuchni butun masofaga to‘g‘riroq taqsimlash ko‘nikmasi vaqt o‘tishi bilan shakllanadi.
- Fayzullayev sizga yosh Alan Zagoyevni eslatmayaptimi?
- Yo‘q, ikkisining o‘yin uslubida katta farq bor. Deylik, Zagoyev ancha ayyor edi. Fayzullayev esa turli tezlikda to‘p surish salohiya-tiga ega. Menimcha, Abbos muvaffaqiyat qozonish va rivojlanishga ko‘proq e’tibor qaratadi. Har holda, menga shunday tuyulyapti. Xullas, fikrimcha, o‘yin salohiyatiga ko‘ra, uning kelajagi Alannikidan porloqroq ko‘rinmoqda. Zero, Fayzullayev ustun tomonlarini aniqroq ochib bermoqda.
- Qiziq, u SSKAda yana qancha o‘ynaydi?
- Menimcha, shu yoki kelasi mavsum oxirida ketadi.
- Shunchalik tezmi?
- Abbosning katta doiraga chiqishi aniq. Agentlar allaqachon ba’zi harakatlarni boshlab yuborishgandir, ehtimol. To‘g‘ri, bunday ijrochini tezda yo‘qotish achinarli. Chunki RPLni bezab turibdi. Ikkinchi tomondan, iqtidorli yigitlar Yevropaga yo‘l olib, u yerda zaxirada o‘tirishsa, yanada yomonroq. Shunday ekan, xorijda o‘ynash uchun to‘g‘ri jamoa tanlash juda muhim.
- SSKA - «Axmat» o‘yinidan so‘ng Fayzullayevning O‘zbekiston yoshlar termasiga ertaroq ketish uchun atayin sariq kartochka ishlagani haqida gap-so‘zlar urchidi. Bunga qanday qaraysiz?
- Yo‘q, uning atayin «sariq» olganiga ishonmayman. Menimcha, Fayzullayev bunday yigit emas. O‘sha vaziyatni eslasak, u to‘pni yo‘qotib qo‘ydi va darhol raqibdan qaytarib olishga urindi. Umuman, Abbosni RPLning joriy mavsumi kashfiyotlari qatoriga qo‘shaman.
- Biroq orada uning o‘yinida pasayish kuzatildi...
- Ha. Lekin bu tig‘iz taqvim va charchoq bilan bog‘liq edi. Abbos Osiyo kubogiga bordi va SSKAga qaytgach, biroz tin oldi. Muhimi, oradan ko‘p o‘tmay, o‘z darajasini tikladi.
- Sizningcha, Fayzullayev yana qaysi jihatlar bo‘yicha yaxshilanishi kerak?
- Bu yigitda yaqqol kamchilik ko‘rayotganim yo‘q. Tartibli harakati ko‘zni quvontirmoqda. O‘yinidagi ba’zi pasayishlar esa RPLda ilk mavsumni o‘tkazayotgan yosh futbolchi uchun odatiy hol hisoblanadi. Chunonchi, yoshlar bir urinishda kuchni to‘g‘ri taqsimlashni bilishmaydi. Tajribali futbolchi esa qachon biroz yengil o‘ynash va qaysi pallada to‘liq kuch sarflashni biladi. Oddiy aytganda, kuchni butun masofaga to‘g‘riroq taqsimlash ko‘nikmasi vaqt o‘tishi bilan shakllanadi.
- Fayzullayev sizga yosh Alan Zagoyevni eslatmayaptimi?
- Yo‘q, ikkisining o‘yin uslubida katta farq bor. Deylik, Zagoyev ancha ayyor edi. Fayzullayev esa turli tezlikda to‘p surish salohiya-tiga ega. Menimcha, Abbos muvaffaqiyat qozonish va rivojlanishga ko‘proq e’tibor qaratadi. Har holda, menga shunday tuyulyapti. Xullas, fikrimcha, o‘yin salohiyatiga ko‘ra, uning kelajagi Alannikidan porloqroq ko‘rinmoqda. Zero, Fayzullayev ustun tomonlarini aniqroq ochib bermoqda.
- Qiziq, u SSKAda yana qancha o‘ynaydi?
- Menimcha, shu yoki kelasi mavsum oxirida ketadi.
- Shunchalik tezmi?
- Abbosning katta doiraga chiqishi aniq. Agentlar allaqachon ba’zi harakatlarni boshlab yuborishgandir, ehtimol. To‘g‘ri, bunday ijrochini tezda yo‘qotish achinarli. Chunki RPLni bezab turibdi. Ikkinchi tomondan, iqtidorli yigitlar Yevropaga yo‘l olib, u yerda zaxirada o‘tirishsa, yanada yomonroq. Shunday ekan, xorijda o‘ynash uchun to‘g‘ri jamoa tanlash juda muhim.
Euro-football.ru sayti xabariga qaraganda, ayni payt Italiyaning ikki klubi Abbos Fayzullayevni diqqat bilan kuzatib bormoqda. Hozircha hamyurtimizga da’vogar jamoalar nomi oshkor etilmadi. Eslatma, transfermarkt portali tomonidan transferi 5 million yevroga baholanayotgan Fayzullayev amaldagi shartnoma bo‘yicha 2026 yilning iyun oyi oxirigacha SSKA ixtiyorida bo‘ladi. 20 yoshli yarim himoyachi joriy mavsum RPLning 18ta o‘yinida 3ta gol va 5ta assist qayd etdi. Darvoqe, hamyurtimiz 25 aprel holati bo‘yicha Yevropa ligalari vakillari orasida eng ko‘p assist to‘plagan yosh futbolchilar (20 yosh va undan kichik) ro‘yxatida Oskar Glux bilan birga 2-o‘rinda bormoqda.
Joriy mavsum Yevropa milliy ligalari vakillari orasida eng ko‘p assist to‘plagan yosh futbolchilar (Football Wonderkids)
1. Florian Virs (Germaniya) - 19ta assist
2. Oskar Glux (Isroil) - 11ta assist
Abbos Fayzullayev (O‘zbekiston) - 11ta assist
4. Jud Bellingem (Angliya) - 10ta assist
5. Lamin Yamal (Ispaniya) - 8ta assist
Savio (Braziliya) - 8ta assist
Malo Gyusto (Fransiya) - 8ta assist
Bilol al Xannus (Marokash) - 8ta assist
Rodrigo Gomes (Portugaliya) - 8ta assist
Mauris Kyargaard (Daniya) - 8ta assist
Hamyurtimiz RPL-2023G‘2014 yakuni bo‘yicha esa 3ta nominasiyada sovrin yutishga da’vogar. «Winline Rossiya Premyer-ligasi qahramonlari» so‘rovi 3 bosqichda o‘tkaziladi:
22-30 aprel - jurnalist va blogerlar o‘rtasida
2-13 may - muxlislar o‘rtasida
15-24 may - ekspertlar o‘rtasida
G‘oliblar 100 nafar da’vogar orasidan tanladi. Nomzodlar ro‘yxatida 10 nafar darvozabon, 30 nafar himoyachi, 30 nafar yarim himoyachi va 30 nafar hujumchi bor. SSKAda yorqin o‘yin ko‘rsatayotgan Abbos Fayzullayev esa «Winline Rossiya Premyer-ligasi qahramonlari» umumiy tanlovidan tashqari, «Mavsumning eng yaxshi hujumchisi» va «Mavsum kashfiyoti» nominasiyalarida sovrin yutish imkoniyatiga ega. SSKA vingerining joriy mavsum RPL va Rossiya kubogida qayd etgan umumiy statististikasi: 26ta o‘yin, 4ta gol va 11ta assist. So‘rov g‘oliblari 26 may kuni e’lon qilinadi.
Ravshan IBROHIM tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
