Superliga 8-turidan o‘rin olgan "Surxon" – "Nasaf" (0:1) uchrashuvidan so‘ng mezbonlar bosh murabbiyi Fevzi Davletov matbuot anjumanida ishtirok etdi.
"Bunyodkor" va "Dinamo"ga qarshi bellashuvlarda ikkinchi bo‘limda charchab qolib, o‘zimiz xohlagan o‘yinni ko‘rsata olmagan edik. Bugun kuchli raqib, Superliganing yetakchilaridan biriga qarshi 90 daqiqa tengma-teng kurashdik. O‘yindan qoniqdim, natijadan esa yo‘q.
Ha, Ulug‘bek bugungi to‘qnashuvda biroz yo‘qolib qoldi. Raqib ham juda kuchli ekanini esdan chiqarmaslik kerak. Ha, kam vaziyat yaratdik, raqiblar esa birgina xatodan foydalanib, gol urib ketdi. Avvalgi 2ta o‘yinni tahlil qilib chiqdik: 2-taymda yo‘qolib qolayotgandik, bugungi kabi xotirjamlik bilan to‘pni nazorat qila olmayotgandik. Bugun esa ikkinchi zonadan uchinchisiga o‘tishda ancha bosiqlik bilan harakat qilishga muvaffaq bo‘ldik. Balki, raqib atayin bunga imkon bergandir, lekin bugun hujumni tashkillashtirish jarayonida hammasi o‘xshadi, faqatgina gol ura olmadik.
Hali vaziyatni ko‘rib chiqishga ulgurmadim, nimadir deyishim qiyin. 50-50 vaziyat, o‘ylaymanki, qarorni mutaxassislar chiqargani ma’qul. Agar VAR hakamni qoidabuzarlik yuzasidan chaqirgan bo‘lsa, penalti belgilanishi kerak edi. Lekin nimadir deya olmayman.
Yana qaytaraman, raqib juda ham kuchli edi. Balki, bizga zaxira yetishmagandir: hujumkor futbolchilarimiz ko‘proq bo‘lganda old chiziqni kuchaytirgan bo‘lardik. Vaholanki, qanotdan juda ham osonlik bilan hujumga o‘tdik, biroq jarima maydonchasida qo‘shimcha kuchlar kerak edi. Ammo baribir, Nasaf Chempionlar Ligasida o‘ynaydigan kuchli jamoa ekanligini unutmaslik kerak. Ular xalqaro maydonda ham o‘z salohiyatini ko‘rsata oldi, juda ham tezkor jamoa.
O‘z navbatida, futbolchilarimga ajoyib o‘yin uchun rahmat aytib o‘tmoqchiman. Shuningdek, muxlislar ham juda zo‘r qo‘llab-quvvatlashdi, ularga ham tashakkur.
Stadion bo‘yicha ochig‘i, bu borada menda aniq ma’lumot yo‘q. Yangilik bo‘lsa, albatta, xabar beramiz. Maydon O‘zbekiston Professional futbol ligasi tekshiruvidan muvaffaqiyatli o‘tsa, ikkinchi davrani Termizda o‘tkazamiz", - dedi Davletov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
