Ruminiyada Niderlandiya milliy jamoasini haqoratlashdi, «lolaranglar» esa bunga maydonda munosib javob berishdi.
Ya’ni 2 iyul kuni Yevro-2024 1/8 finalida Ruminiya termasi bilan to‘qnash kelgan Ronald Kuman drujinasi raqibni ortiqcha qiyinchiliksiz yengdi - 3:0. Dortmund «Borussiya»si hujumchisi Doniell Malen «dubl» qayd etgan bo‘lsa, «Liverpul» vakili Kodi Gakpo 1ta gol muallifiga aylandi. Ruminiya termasi futbolchilari ushbu mag‘lubiyatni to‘g‘ri qabul qilishdi, ular hatto kiyinish xonasini tozalab, u yerda Yevro-2024 tashkilotchilariga minnatdorchilik maktubi qoldirishdi. Ammo Bolqon mamlakatining o‘zida boshqacha kayfiyat barq urdi...
Ha, Ruminiyada 1/8 finaldagi 0:3ga hamma ham xotirjam qaragani yo‘q. O‘zi ruminlar o‘yindan oldinoq ijtimoiy tarmoqlarda Niderlandiya tomoniga hujum boshlagandilar. Xususan. «Tvitter» (hozirgi X) tarmog‘ida 20 ming obunachiga ega Daily Romania («Ruminiya kundaligi») nomli akkauntda niderlandiyaliklarni tahqirlovchi bayonot paydo bo‘ldi: «Ruminiya termasining 1/8 finaldagi raqibi - Sudan... Oh, kechirasizlar, Niderlandiyani nazarda tutyapman». O‘yindan so‘ng esa ayni shu profilda ikki terma jamoa surati berildi yana haqoratomuz izoh bilan: «Ruminiyani mag‘lubiyatga uchratgan Sudanni tabriklaymiz! Biroq o‘yinda kimdir Niderlandiya termasini ko‘rdimi? Men esa shu jamoaga qarshi o‘ynashimiz kerak, deb o‘ylagandim».
«Lolalanglar» safida qora tanli futbolchilar ko‘pligini nazarda tutsak, Daily Romania izohida irqchilik kayfiyati yaqqol barq urib turibdi. Biroq Kuman shogirdlarining hech biri Sudan yoki Janubiy Sudanga aloqador emas. Niderlandiya milliy jamoasi safida ajdodlari Lotin Amerikasi mamlakati - Surinam (Virjil van Deyk, Xavi Simons, Jorjinyo Veynaldum), shuningdek, Afrikaning boshqa davlatlariga taqaladigan futbolchilar bor. Masalan, Togo (Kodi Gakpo), Kot-d~Ivuar (Natan Ake) va Gana (Memfis Depay, Jeremi Frimpong)ni tilga olish mumkin. Umuman, niderlandlar azaldan asli surinamliklarga alohida e’tibor qaratishadi.
Yana bir tomoni, Niderlandiya matbuoti har ikki xabarni mutlaqo e’tiborsiz qoldirdi, «Tvitter» foydalanuvchilari ularni qizg‘in muhokama qilgan bo‘lsalarda. Sudanda esa ushbu kamsituvchi bayonotlarga o‘z o‘rnida reaksiya bildirildi. Masalan, Sudan milliy jamoasi sobiq murabbiyi Burhon Tia Daily Romania profilini keskin qoraladi: «Barcha dinlar va sivilizasiyalashgan jamiyatlar irqchilikka qarshi kurashmoqda. Dunyoning mukammallik standartlari teri rangi bilan ifodalanmaydi. Biz Ruminiya termasi mag‘lubiyatidan xursandmiz, chunki tajovuzkor post chop etgan veb-sayt yo‘q joydan ruminlarga nisbatan nafrat hissi uyg‘otdi». Bundan tashqari, «Al-Merreyx» (Sudan) klubi ijtimoiy tarmoqdagi sahifasida Kodi Gakponi Ruminiya milliy jamoasi libosida aks ettirib, oddiy izoh qoldirdi: «Hammasi qanday o‘tdi?»
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
