Qozonning “Rubin” klubi qishki transfer oynasida bir qator o‘zgarishlarni amalga oshirishni rejalashtirmoqda.
Jamoa 5 nafar futbolchini sotish yoki ijaraga berish bo‘yicha takliflarni ko‘rib chiqishga tayyorlanmoqda. Ushbu ro‘yxatda ikki nafar o‘zbekistonlik futbolchi ham borligi haqida insayder Karpov xabar berdi.
Tojikistonlik bosh murabbiy Rashid Rahimov mavsumning ikkinchi qismi oldidan jamoani kuchaytirishni maqsad qilgan. Biroq bunga qadar klub ko‘plab futbolchilariga yangi jamoa izlayotgani aytilmoqda. Ular orasida Rustam Ashurmatov va Umarali Rahmonaliyev ham bor.
O‘zbekiston milliy terma jamoasi himoyachisi Rustam Ashurmatovga o‘zbek klublari va Yaqin Sharq jamoalari qiziqish bildirgan bo‘lsa-da, hali aniq takliflar yo‘q.
21 yoshli yarim himoyachi Umarali Rahmonaliyev ushbu mavsumda RPLda bor-yo‘g‘i 84 daqiqa maydonga tushgan va asosiy tarkibga kira olmagan. “Navbahor”, “Paxtakor”, “Bunyodkor” hamda “Neftchi” jamoalari unga qiziqayotgan bo‘lsa-da, futbolchi Turkiya yoki Avstraliya klublarini afzal ko‘rmoqda. Turkiyaning “Bodrumspor” va Avstraliyaning “Western Sydney Wanderers” jamoalaridan Rahmonaliyevga qiziqish bildirilgan.
“Rubin” klubi yarim himoyachisi Umarali Rahmonaliyevning agenti Raul Abdurahmonov futbolchi 2025 yilgi qishki transfer oynasida jamoani tark etishi mumkinligini ma’lum qildi.
“Umarali ijaraga beriladi yoki to‘liq transfer amalga oshiriladi. Hammasi klublarning transferga qiziqish darajasiga bog‘liq. Hozircha aniq takliflar yo‘q, ammo qiziqish mavjud. Biz aniqroq takliflarni kutyapmiz. Hozirda ikkita variant bor: biri Avstraliya chempionatidagi ekzotik klub, ikkinchi taklif esa Turkiyadan”, — deya ma’lum qildi Abdurahmonov “Championat” nashriga bergan intervyusida.
Shuningdek, Abdurahmonov “Rubin” bilan bu masalani muhokama qilganini ham aytdi:
“Men Moskvaga uchib borib, Rahmonaliyevning kelajagini muhokama qildim. Biz futbolchini oqilona narxga ijaraga berish yoki transfer qilish bo‘yicha kelishuvga erishdik”.
Avvalroq Umarali Rahmonaliyev Angliya Premyer ligasida o‘ynash istagi borligini aytgandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
