«Andijon» klubi qishki seleksiya paytida bir qator futbolchilar bilan shartnomalar imzolandi va ularning orasida Usmonali Ismonaliyev ham bor. Andijonlik iqtidor egasi yana o‘z uyiga qaytdi.
Bilasiz, u Andijon futboli tarbiyalanuvchisi hisoblanadi. «Burgutlar» safidagi ajoyib o‘yinlaridan keyin «Bunyodkor»da faoliyat olib bordi va joriy mavsumda Usmonaliyev yana «Andijon»ga qaytdi.
— Jonajon jamoangizga qaytdingiz va Antaliyadagi yig‘inda to‘liq ishtirok etdingiz. Bu sizda qanday taassurot qoldirdi?
— Birinchi navbatda «Andijon» jamoasiga qaytganimdan xursandman. Yana birga ishlayotganimizdan mamnunman. Yig‘inga keladigan bo‘lsak, hech qachon oson bo‘lmagan. Kuchli raqiblarga qarshi o‘ynadik. Xudoga shukr, jamoamiz yaxshi. Tarkib 50 foizga yangilandi. Barcha futbolchilar bir-birini tushunib boryapti. Yig‘inda doim «nagruzka» bilan o‘ynaysiz. Shu bois o‘rtoqlik uchrashuvlari qiyinroq kechadi. Barchasi ko‘ngildagidek o‘tdi. Shart-sharoitlar ham, jamoadagi muhit ham ajoyib darajada.
— Andijon futboli tarbiyalanuvchisi hisoblanasiz va ilgari «Burgutlar» sharafini himoya qilgansiz. Uch yillik tanaffusdan keyin yana qaytdingiz. «Andijon»ga qaytganingizda o‘zingizni qanday his qildingiz va qanday o‘zgarishlarni ko‘rdingiz?
— Futbolchilarni o‘sganini ko‘rdim. O‘zimni sira begonasiramadim. Men o‘z uyimga qaytdim. Bu o‘zim tug‘ilib o‘sgan joy. Yigitlar bilan kirishib ketishim oson kechdi. Biz eski do‘stlarmiz. Oldin o‘ynaganimda qanday bo‘lsa, hozir ham shunday davom etyapti.
— «Bunyodkor»dagi uch yillik faoliyatingizdan keyin 2025 yilga kelib «Andijon»ga qaytish haqida o‘ylaganmidingiz?
— Ertaga nima bo‘lishini bilmaymiz, Xudo biladi. «Andijon»dan taklif bo‘lganida men ijobiy qabul qildim va eng avvalo dadam rozi bo‘ldi. Dadam «Andijon»ga muxlislik qiladi. Jamoamga yordam bergani qaytdim. Yangi mavsumda o‘yinlar ko‘p. Jamoa uchun qo‘limizdan kelgan barcha ishni qilishga, «Andijon» uchun yordam berishga harakat qilamiz. Men xursandman.
— Bilamizki, hujum chizig‘ida binoyidek o‘ynay olasiz. Keyinchalik esa himoyaga o‘tdingiz. Yana hujumda ham o‘ynashga tayyormisiz yoki o‘zingizni endi himoyachi sifatida ko‘ryapsizmi?
— Yo‘q, o‘zimni hech qachon himoyachi deb tasavvur qilmaganman. Aleksandr Xomyakov bilan gaplashganimda meni faqat himoyada ko‘ryapsizmi, deganimda yo‘q, kerak paytda oldinga o‘tasan, degan. Hujumda va qanot yarim himoyasida to‘p surish ham menga qulay. Men hammasiga tayyorman. Kerak paytda hujumga yordam bera olaman.
— Yangi mavsumda jamoani juda muhim musobaqalar kutmoqda va bu haqida nima degan bo‘lardingiz? Shuningdek, «Andijon» ilk turni safarda «Qo‘qon-1912»ga qarshi o‘tkazadi. Birinchi tur oldidan fikringiz qanday?
— 2025 yilgi chempionatda hamma jamoaga omad tilayman. Asosiysi, jarohatlarsiz o‘tkazish nasib qilsin. Andijon xalqi futbol bilan yashaydi. Buni yoshligimizdan ko‘rib, katta bo‘lganmiz. Doim muxlislar uchun harakat qilamiz. Ularni xursand qilish uchun o‘ynaymiz. «Qo‘qon-1912»ga qarshi derbi bo‘ladi. Ishqibozlarimiz bizni qo‘llab-quvvatlashadi va g‘alaba bilan qaytamiz, Xudo xohlasa.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
