O‘zbekiston milliy jamoasi bosh murabbiyi Temur Kapadze Eronga qarshi o‘yindan so‘ng o‘tkazilgan matbuot anjumanida o‘z fikrlarini bildirib o‘tdi.
"Eronni Jahon chempionatiga yo‘llanma olgani bilan tabriklayman va ularga muvaffaqiyat tilayman. Juda qiziqarli va jozibali o‘yin bo‘ldi, har ikki jamoa gol urish uchun ko‘plab imkoniyatlarga ega edi. Biz g‘alaba qozonishimiz mumkin edi, ammo natija adolatli bo‘ldi. Har holda, biz endi keyingi o‘yin haqida o‘ylayapmiz".
U qo‘shimcha qildi: "Futbolchilarimga yaxshi o‘yin uchun tashakkur bildiraman. O‘zbekiston muxlislariga ham cheksiz minnatdorchilik bildirmoqchiman, ular bizga kelib, rag‘bat berishdi va qo‘llab-quvvatlashdi. O‘zbekiston xalqi uchun xursandman va ular biz uchun duo qilganlariga minnatdorman. Umid qilamanki, keyingi o‘yinda yo‘llanma olishimizga imkoniyat paydo bo‘ladi".
U O‘zbekiston terma jamoasida qolish-qolmasligi haqida shunday dedi: "Umid qilamanki, biz Jahon chempionatiga yo‘llanma olganimizdan keyin ham O‘zbekiston milliy jamoasi bosh murabbiyi bo‘lib qolaman".
2018 yildagi Eronga qarshi o‘yin haqida gapirar ekan, Kapadze shunday dedi: "Biz o‘shanda yosh jamoa edik, Eron ham kuchli jamoa edi. Biz yosh tarkib bilan maydonga tushdik va 0:1 hisobida mag‘lub bo‘ldik. Men o‘shandagi Eron jamoasini hozirgi jamoa bilan solishtirmoqchi emasman, chunki o‘sha davrdagi ba’zi futbolchilar hali ham o‘ynashmoqda".
Futboldagi rivojlanish haqida u shunday dedi: "Bizda aniq reja bor va shuning uchun rivojlanishimiz davom etmoqda. Milliy jamoamizga shaxsan Prezident tomonidan qo‘llab-quvvatlash bor. Biz yoshlar futboliga ko‘proq e’tibor qaratyapmiz, shu orqali kelajakda kuchliroq va yaxshiroq jamoa tuzishni maqsad qilganmiz. Hatto yangi futbolchilarni katta futbolga olib kirishni niyat qilganmiz".
Jamoasidagi yo‘qotishlar haqida shunday dedi: "Biz oldingi o‘yinlarda Eronni yaxshi tahlil qildik va ularning kuchli hamda zaif nuqtalarini o‘rgandik. Taktik jihatdan butunlay tayyor edik, ammo 3 ta asosiy futbolchimiz maydonga tusha olmadi. Garchi o‘rinbosarlar yaxshi o‘ynashgan bo‘lsa ham, bu juda muhim o‘yin edi".
Eron chempionati saviyasi haqida gapirar ekan, Kapadze shunday dedi: "Eron ligasi yuqori darajada. Men ham bir paytlar futbolchi bo‘lganman va ularga qarshi o‘ynaganman, o‘sha paytda ham ular yaxshi saviyaga ega edi. Masharipov va O‘runov ham Eron ligasi haqida yaxshi fikr bildirishadi, chunki ular doimo milliy jamoa yig‘iniga tayyor holda kelishadi".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
