Eron milliy jamoasi murabbiylar shtabida ishlayotgan Humon Afozaliy O‘zbekistonga qarshi o‘yindan keyin o‘z fikrlari bilan o‘rtoqlashdi.
Katta jamoalar bilan o‘ynash muammosi
Afozaliyning ta’kidlashicha, dunyoning kuchli jamoalari Eron bilan o‘ynashga qiziqmasligi mumkin, bu esa milliy jamoaning tayyorgarligi uchun muhim muammolardan biri hisoblanadi:
"Biz har doim dunyodagi eng kuchli jamoalar bilan o‘ynashni orzu qilamiz, ammo savol shundaki, ular bu borada qanday rejalar tuzgan va umuman bizning jamoa bilan o‘ynashni istashadimi yoki yo‘q? Bu masala sport bilan birga moliyaviy, siyosiy va xalqaro munosabatlarga ham bog‘liq".
O‘zbekistonga qarshi o‘yindagi qiyinchiliklar va o‘yinchilarning ruhiy bosimi
Afozaliy O‘zbekistonga qarshi 2-2 hisobi bilan yakunlangan o‘yin haqida shunday dedi:
"Biz avvaldan O‘zbekiston jamoasining sifatli ekanini va og‘ir o‘yin bo‘lishini bilardik. Bu uchrashuv futbolchilar uchun ham ruhiy, ham hissiy jihatdan oson bo‘lmadi, chunki ular aynan shu o‘yinda Jahon chempionati yo‘llanmasini qo‘lga kiritishni xohlashardi".
Shuningdek, u jamoaning kamchiliklariga to‘xtalib, qo‘shimcha qildi:
"Bu o‘yinda juda ko‘p imkoniyat yaratdik, lekin ba’zi nuqsonlarimiz ham bor edi. Ular ustida ishlash uchun yetarli vaqt ajratilsa, jamoamiz jahon chempionatiga yuqori saviyada tayyorgarlik ko‘ra oladi".
Milliy jamoa tayyorgarligidagi muammolar
Afozaliy milliy jamoaning mashg‘ulotlari uchun vaqt yetishmasligidan shikoyat qilib, shunday dedi:
"Biz yig‘inlarda faqat bitta mashg‘ulot o‘tkaza olamiz, qolgan vaqt tiklanish (reabilitasiya) jarayoniga ketadi. FIFA kunlarida bor-yo‘g‘i sakkiz kun ichida ikki o‘yin o‘tkazish kerak bo‘ladi. Shu bois, taktik jihatdan keng ishlash uchun yetarli vaqt bo‘lmaydi. Umid qilamanki, jahon chempionatigacha jamoa yaxshi tayyorgarlik ko‘rish imkoniyatiga ega bo‘ladi".
Jahon chempionati uchun rejalar
U o‘z so‘zlarini quyidagicha yakunladi:
"Endi jahon chempionatiga chiqish aniq bo‘lganidan keyin, jamoa uchun aniq va mukammal reja tuzishimiz kerak. Umid qilamanki, federasiya va mas’ul shaxslar jamoa uchun munosib o‘rtoqlik o‘yinlari tashkil etish va tayyorgarlik jarayonini yaxshilash uchun zarur shart-sharoitlarni yaratib beradi".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
