O‘zbekiston Superligasining 6-turidan o‘rin olgan bahsda "Navbahor" Termizda “Surxon” mehmoni bo‘ldi.
Mazkur uchrashuvning qiziqarli tarzda kechishi oldindan ma’lum edi. Boisi, garchi mezbonlar joriy mavsum bellashuvlarini omadsiz o‘tkazayotgan bo‘lishsada, yetakchi jamoalarga munosib qarshilik ko‘rsata olishardi. Namanganliklar ham safar uchrashuvlarini yaxshi o‘tkazishayotgandi. Shu bois, ushbu o‘yinga qiziqish yuqori edi.
Uchrashuv kutilganidek, ilk daqiqalardanoq keskin kurashlar ostida boshlandi. O‘yinni faol tarzda boshlagan mezbonlar raqib darvozasi oldida bir qator xavfli vaziyatlarni yuzaga keltirishdi. Jumladan, “uchar tulporlar”ning ilk hujumida Muhammadali Abdurahmonovning zarbasi himoyachilarga tegib, maydonni tark etdi. Yana bir vaziyatda esa "Navbahor" himoyachilari to‘pni darvoza chizig‘i ustidan qaytarishdi.
Fevzi Davletov shogirdlarining yana bir hujumida esa yarim himoyachi Dostonbek Tursunovning zarbasidan so‘ng, to‘p darvoza to‘sini tepasidan o‘tib ketdi.
Shundan so‘ng, Sergey Lushan shogirdlari sekin-asta o‘yinni o‘z qo‘llariga olishga intilib, hujumni kuchaytirishdi. “Lochinlar”ning hujumlari davomida Ruslanbek Jiyanovning uzoq masofadan yo‘llagan zarbasidan so‘ng, “Surxon” darvozaboni Artyom Potapov to‘pni qiyinchilik bilan qaytardi.
Maydon egalarining navbatdagi hujumlaridan birida esa to‘p darvoza to‘siniga tegib, maydon tashqarisiga chiqib ketdi.
"Navbahor"ning navbatdagi hujumlaridan birida esa Po‘latxo‘ja Xoldorxonovning boshi bilan darvozaga yo‘llagan zarbasi noaniq ko‘rinish oldi. Uchrashuvning 1-bo‘limiga to‘xtalishlar uchun hakam tomonidan qo‘shib berilgan daqiqalarda ham “Surxon”ning hujumi va burchak zarbasi xavfli ko‘rinish oldi. Ammo yakuniy zarbalarga aniqlik yetishmadi. Natijada jamoalar tanaffusga nursiz durang – 0:0 hisobida chiqib ketdi.
Uchrashuvning 2-bo‘limida odatdagidek, har ikki jamoa tarkibida bir qator o‘zgarishlar yuz berdi hamda bu ikkinchi 45 daqiqalikning borishiga o‘z ta’sirini o‘tkazdi va goh u, goh bu jamoa darvozasi oldida xavfli vaziyatlar yuzaga kela boshladi.
Ta’kidlash joizki, ikkinchi bo‘limni Sergey Lushan shogirdlari faol tarzda boshlab, termizliklar darvozasi oldida bir qator vaziyatlarni yuzaga keltira boshlashdi. Ammo Zabihillo O‘rinboyev va Sergey Karpovich imkoniyatni qo‘ldan boy berishgan bo‘lsa, Shohmalik Komilovning uzoq masofadan yo‘llagan zarbasi noaniq chiqdi.
Mezbonlarning hujumlaridan birida esa Muhammadali Abdurahmonovning zarbasiga aniqlik yetishmadi.
“Lochinlar”ning hujumlaridan birida Alisher Odilovning boshi bilan yo‘llagan zarbasidan so‘ng, to‘p darvoza ustuni yonidan o‘tib ketdi.
“Surxon”ning hujumlaridan birida zaxiradan maydonga tushgan Kirill Kolesnichenko zarbasi biroz noaniq chiqdi.
Uchrashuvning 85-daqiqasida termizliklarning burchak zarbasidan so‘ng, “Surxon” hujumchisi Abdug‘afur Haydarovga nisbatan mehmnolar jarima maydonchasi ichida o‘yin qoidasi buzildi deb topildi va uchrashuv bosh hakami Naim Qosimov "Navbahor" darvozasiga 11 metrli jarima zarasi belgiladi. Penaltini “Surxon”ning rossiyalik yarim himoyachisi Kirill Kolesniyenko amalga oshirdi hamda uning zarbasidan so‘ng, namanganiklar posboni Shukron Yo‘ldoshev to‘pni ushlab oldi. Ammo, oradan 2 daqiqa o‘tar-o‘tmas, Kolesnichenko jarima maydonchasi tashqarisidan kuchli va aniq zarba yo‘llab, hisobni ochdi – 1:0.
Uchrashuvning so‘nggi daqiqalari hamda o‘yindagi to‘xtalishlar uchun hakam tomonidan qo‘shib berilgan daqiqalarda “lochinlar” muvozanatni tiklash maqsadida, hujumni kuchaytirishdi. Lekin yakuniy zarbalarga aniqlik yetishmadi. Natijada "Surxon" 1:0 hisobida g‘alaba qozondi hamda o‘z ochkolarini 8 taga yetkazib oldi. "Navbahor"ning ochkolari esa 8 taligicha qoldi.
Superliga. 6-tur
“Surxon” – “Navbahor” - 1:0 (0:0)
21 aprel. Termiz. “Surxon – arena” stadioni. 8457 tomoshabin.
Gol: Kirill Kolesnichenko (87).
Noaniq amalga oshirilgan penalti: Kirill Kolesnichenko (85, darvozabon).
“Surxon”: 1.Artyom Potapov, 3.Sunnatullox Xamidjonov, 4.Nodirxon Ne’matov (5.Jamaliddin Xojaniyazov, 46), 6.Behzod Shamsiyev, 7.Dostonbek Tursunov, 10.Dmitri Pletnev (15.Diyor Ramazonov, 79), 19.Muhammadali Abdurahmonov (11.Abdug‘afur Haydarov,59), 24.SHerzodjon Komilov (88.Dmitri Kratkov, 63), 27.Asilbek Jumayev, 66.Behruz Shaydulov, 99.Sunnatillo Poyonov (9.Kirill Kolesnichenko,59).
“Navbahor”: 16. Shukron Yo‘ldoshev, 7.Azimjon Ahmedov (8.SHohmalik Komilov,46), 10.SHahzodbek Ubaydullayev (37.Alisher Odilov,46), 11.Po‘latxo‘ja Xoldorxonov (9.Zabihillo O‘rinboyev,46), 12.Saidazamat Mirsaidov, 13.Benjamin Teydi, 17.Ruslanbek Jiyanov, 33.Sergey Karpovich, 36. Gilyerme Gedesh, 70.Abbosjon G‘ulomov (29.Pedro Augusto Gabral Karvalyo,74), 99.Igor Gabriel.
Ogohlantirishlar: Yo‘q - G.Gedesh (70), Igor Gabriel (90+2).
Hakamlar: Naim Qosimov, Farhod Usmonov, Elnur Doniyorov, Shohinur Boymatov.
VAR hakami: Firdavs Norsafarov.
AVAR: Zilola Rahmatova.
Nazoratchi: Zokir Qodirov.
Komissar: Oybek Ikromov.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
