Roberto Karlos, Kannavaro, Materassi, Riberi, Maykon — futbol afsonalari O‘zbekistonga kelmoqda!
Joriy yilning 26-27 avgust kunlari mamlakatimiz sporti tarixida yana bir unutilmas sahifa ochiladi. Yurtimizga dunyoning eng mashhur futbol yulduzlari tashrif buyurmoqda.
Jumladan:
Dida — Jahon chempioni, "Milan" tarkibida UYEFA Chempionlar Ligasining ikki karra g‘olibi.
Roberto Karlos — kuchli zarbalari bilan nom qozongan, dunyoning eng yaxshi chap qanot himoyachilaridan biri, Jahon chempioni, UYEFA Chempionlar Ligasining uch karra g‘olibi.
Fabio Kannavaro — Jahon chempioni, "Oltin to‘p" sohibi, 2006-yilda jahonning eng yaxshi futbolchisi deb topilgan yagona himoyachi.
Marko Materatsi — Jahon chempioni, UYEFA Chempionlar Ligasi g‘olibi.
Maykon — "Inter"ning eng yaxshi himoyachilaridan biri, UYEFA Chempionlar Ligasi g‘olibi.
Kristian Zakkardo — 2006-yilgi jahon chempioni, italiyalik himoyachi.
Klarens Zeedorf — "Milan" afsonasi, Chempionlar Ligasini uch xil klub bilan yutgan yagona futbolchi.
Serjinyo — "Milan"ning chap qanot himoyachisi, sermahsul paslari bilan tanilgan.
Frank Riberi — "Bavariya" klubining afsonaviy yarim himoyachisi, UYEFA Chempionlar Ligasi g‘olibi.
Kevin Kurani — Germaniya terma jamoasi sobiq hujumchisi, "Shalke-04" klubi afsonasi.
Mazkur yulduzlar 26-avgust kuni “Humo Arena” sport majmuasida "BMB" hamda "Oil Star" jamoalari o‘rtasida bo‘lib o‘tadigan futzal bo‘yicha O‘zbekiston Superkubogi-2025 uchrashuviga tashrif buyurishi va muxlislar bilan uchrashishi rejalashtirilgan.
27-avgust sanasida esa bir qator uchrashuvlar o‘tkazilishi dasturga kiritilgan. Shuningdek, O‘zbekiston hamda Jahon futbol afsonalari o‘rtasida o‘rtoqlik uchrashuvi o‘tkazilishi belgilangan. O‘yinning boshlanish vaqti hamda manzili haqida qo‘shimcha ma’lumot beramiz.
Futbol afsonalari bilan unutilmas onlarning bir qismiga aylanish imkoniyatini qo‘ldan boy bermang!
Tadbir tashkilotchilari — O‘zbekiston Futzal Federasiyasi, O‘zbekiston Futbol Assosiasiyasi
Bosh homiy — BMB HOLDING
Titul homiy — "O‘zsanoatqurilishbank" ATB
Rasmiy homiy — BMB Za’faron
Sug‘urta hamkori — SQB INSURANCE
Tadbir hamkorlari — O‘zbekiston Respublikasi Sport vazirligi, O‘zbekiston Milliy Olimpiya qo‘mitasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
