Superliganing 20-turi doirasida «Buxoro» - «Qo‘qon-1912» bahsi yakunlanganidan keyin mezbon jamoa vaqtinchalik bosh murabbiyi Viktor Karpenko matbuot anjumanida qatnashdi.
— O‘zlarini o‘yinga bahsh qilgani, xohishi yuqoriligi uchun yigitlarga rahmat aytaman. «Bunyodkor»ga qarshi o‘yindan keyin Buxoroga qaytdik, keyin Qarshiga keldik. Ikki kun qiyin o‘tdi, bu paytda jamoani o‘yinga tayyorlab bo‘lmasdi, biz yigitlarni tiklashga harakat qildik. Futbolchilar bugun xarakter namoyish qilishdi va g‘alabaga erishishdi. Ularga katta rahmat aytaman. O‘yin haqida gapiradigan bo‘lsam, birinchi bo‘lim «Buxoro» ustunligi ostida o‘tdi va bir qancha vaziyatlar yaratdik. Ikkinchi bo‘limda charchoq evaziga himoyalanishga majbur bo‘ldik va gol urib oldik. Sabr qildik va g‘alabani olib ketdik. Bu bilan barcha buxoroliklarni, klub rahbariyatini tabriklayman. Jamoa to‘g‘ri yo‘lda, hali barchasi oldinda. Tarkibdagi futbolchilar yaxshi saviyada, faqatgina ularga ishonch berish kerak. Shundagina natijalar ham keladi.
— Bugun hakamning harakatlariga ko‘plab e’tirozlar bildirdingiz. Buning sababi nimada?
— Kichik follarga va fol berilishi kerak bo‘lmagan joylarda hushtak chalindi. Umuman olganda hakamlikka e’tirozim yo‘q. Biz o‘yindamiz, hakam ko‘rganiga hushtak chaldi, biz esa hissiyotlarga berilaverdik. Bugun hakamlar yaxshi ishlashdi. E’tirozlar umuman yo‘q. Menimcha raqiblar buni tasdiqlasa kerak, o‘yin teng bo‘ldi, hakamlar professional ishlashdi.
— Urilgan goldan keyin Jo‘rabekov maydonga tushirildi. Bu hisobni saqlab qolish uchun qilingan o‘zgarishmidi?
— Shahboz universal futbolchi. U himoyada ham raqiblarni yopa oladi va hujumda agressivlik namoyish qilishi mumkin. U bugun himoyadan ko‘ra ko‘proq hujumda harakat qildi. Biz savollarni yo‘qotish uchun ikkinchi golni urmoqchi edik. Lekin himoyada yaxshi o‘ynab, gol o‘tkazmasdan bitta gol urish ham g‘alabaga yetarli bo‘ladi. Shahboz jamoaga yaxshiroq o‘yin namoyish qilishi uchun yordam berdi.
— Xayrullayev yoki Amonov: ulardan qaysi biri bugungi g‘alabaga ko‘proq hissa qo‘shdi?
— Biror kishini ajratib ko‘rsatmagan bo‘lardim. Chunki butun jamoa g‘alaba uchun borini berdi. Bugun Ravshan Xayrullayevning tug‘ilgan kuni edi, yigitlar g‘alabani unga sovg‘a qilishdi. Menimcha biror kishining g‘alaba uchun katta ish qilgani emas, balki butun jamoaning o‘yini muhimroq. Jamoada hamma natija uchun ishlamoqda. Futbolchilar bir-biri uchun o‘ynashi kerak.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
