O‘zbekiston milliy jamoasi bosh murabbiyi Timur Kapadze O‘monga qarshi uchrashuvdan keyin internetda tarqalayotgan murabbiy almashishi haqidagi xabarlarga munosabat bildirdi.
Timur Kapadze matbuot anjumanida internetda tarqalayotgan murabbiy almashishi haqidagi xabarlar futbolchilar tayyorgarligi va ruhiyatiga salbiy ta’sir qilayotganini ta’kidladi. Kapadzega ko‘ra, milliy jamoa «CAFA Nations Cup-2025» turniri oldidan bor-yo‘g‘i ikki marta taktik mashg‘ulot o‘tkaza olgan.
«O‘yin davomida gollar urish uchun imkoniyatlarimiz bor edi, ammo ulardan foydalana olmadik. Umuman ko‘proq vaziyat yaratsak bo‘lardi. O‘zi umuman olganda, bu turnirdan va 1-tur uchrashuvidan oldin bizda faqat ikkita mashg‘ulot o‘tkazish imkoni bo‘ldi. Kecha va undan avvalgi kun taktik mashg‘ulot qila oldik. Undan oldin esa tiklanish jarayoni, qaysidir o‘yinchi endi keldi, boshqasi endi keladi, degan narsa bilan yurdik. Arablar jamoasi qanchalik imkoniyat bergan bo‘lsa, shundan foydalanishga harakat qildik. Kechirasizlar-u, undan tashqari internet tarmog‘idayam murabbiylar haqida «u keldi, bu keldi» degan xabarlar. Futbolchilar qanday „nastroy“ qiladi, hammasi telefonda o‘tiradi, kuzatadi. Bu bizni ham chalg‘ityapti. Shuning uchun, ikki kun ichida boricha tayyorgarlik ko‘rdik. Tayyor bolalar bilan chiqdik, yigitlar maydonda borini ko‘rsatishga intildi», — dedi u matbuot anjumanida.
Oxirgi oylarda milliy jamoa boshqaruviga xorijlik mutaxassis olib kelinishi haqida gap-so‘zlar tarqaldi. Avvaliga Yoaxim Lyov bilan muzokaralar olib borilgan, ammo u rad etgan. Keyinroq portugaliyalik Paulu Bentu asosiy nomzod sifatida tilga olindi, lekin hozircha kelishuvga erishilmagan.
Kapadze bu muhokamalar futbolchilarning ruhiyatiga ham ta’sir qilishini ta’kidladi. Shu bilan birga, u jamoa muxlislarini murabbiy shaxsidan qat’i nazar, milliy terma jamoani qo‘llab-quvvatlashga chaqirdi.
Eslatib o‘tamiz, Timur Kapadze joriy yil 22 yanvarda Srechko Katanes o‘rnini egallab, milliy jamoa bosh murabbiyi sifatida tayinlangan. Uning qo‘l ostida jamoa O‘zbekiston tarixida ilk bor 2026 yil AQSH, Kanada va Meksikada bo‘lib o‘tadigan jahon chempionati yo‘llanmasiga ega chiqdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
