Bugun "Nasaf" klubi OFK Elit chempionlar ligasi musobaqasidagi yurishini boshlaydi. Qarshiliklar dastlabki turni Jidda shahrida, musobaqaning amaldagi chempioni "Al Ahli" klubiga qarshi o‘tkazadi.
Keling, ushbu jamoa haqida biroz to‘xtalamiz.
"Al Ahli" klubi 88 yillik tarixga ega jamoa hisoblanadi. Klub 1937-yilda tashkil topgan.
Jamoaga muxlislar tomonidan "Al Malaki" (ya’ni, qirollar) va "Nadi Al Umam" (ya’ni, xalq jamoasi) kabi nomlar berilgan.
"Al Ahli" jamoa o‘z uy uchrashuvlarini Jidda shahrida joylashgan Qirol Abdulloh stadionida o‘tkazadi. Ushbu maydon o‘z bag‘riga 62 mingdan ziyod muxlisni sig‘dira oladi.
"Nasaf"ning OFK Elit chempionlar ligasi 1-turidagi raqibi haqida
Jamoa Saudiya Arabistoni Professional ligasining 9 karra chempioni, 8 karra Qirol kubogi sohibi va yana 2 karra Saudiya Arabistoni Superkubogi g‘olibi hisoblanadi.
Jamoa shu vaqtga qadar Osiyo Futbol Konfederasiyasi tomonidan o‘tkaziladigan rasmiy musobaqalarda 120 ta o‘yin o‘tkazgan. 61 ta o‘yinda g‘alaba qozongan, 30 ta o‘yin jiddaliklarning mag‘lubiyati bilan yakunlangan. 28 ta bahsda durang natija qayd etilgan.
"Nasaf"ning OFK Elit chempionlar ligasi 1-turidagi raqibi haqida
"Al Ahli" OFK Elit chempionlar ligasi musobaqasining amaldagi g‘olibi hisoblanadi. Jamoa o‘tgan yilgi finalda Yaponiyaning "Kavasaki Frontale" klubini 2:0 hisobida mag‘lubiyatga uchratgan holda, o‘z tarixida birinchi marotaba Osiyo chempionligiga erishdi.
Jamoani ayni paytda germaniyalik 37 yoshli mutaxassis Matias Jaissle boshqarmoqda. Avstriyaning "Zalsburg" klubidagi faoliyati bilan ko‘pchilikka tanish bo‘lgan ushbu murabbiy 2023-yilning 28-iyul sanasidan beri "Al-Ahli" klubiga ustozlik qilmoqda.
"Al-Ahli" jamoasi tarkibida ayni vaqt "Chelsi" jamoasi sobiq posboni Eduard Mendi, Roma klubi sobiq himoyachisi Rojer Ibanez, "Barselona" jamoasi sobiq a’zosi Frank KessiYE, "Brentford" klubi sobiq hujumchisi Ayvon Toni va o‘z vaqtida Angliya Premiyer ligasida yil futbolchisi deb topilgan Riyod Mahrez kabi futbolchilar faoliyat olib bormoqda.
Eslatib o‘tamiz, OFK Elit chempionlar ligasi 1-turidan o‘rin olgan "Al-Ahli" - "Nasaf" o‘yini 15-sentyabr kuni Toshkent vaqti bilan 23:15 da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
