Turkiya chempionati — azaldan qarama-qarshiliklar va yirik ambisiyalarga to‘la, biroq 2025/26-yilgi mavsumda Superliga butunlay boshqacha ssenariy asosida davom etmoqda. Dunyo futboli yulduzlari uchun “o‘lja maydoni”ga aylangan chempionatda doim zaxira variant sifatida qaralgan Eldor Shomurodov to‘purar bo‘lib turibdi. Italiyaning ko‘plab nashrlari, jumladan Unionesarda hamda Teleradiostereo o‘zbekistonlik hujumchi Eldor Shomurodovning Turkiyadagi o‘yinlaridan hayratda ekanligini yozgan.
Yulduzlar soyasidan taxtgacha
Italiyaning nufuzli nashrlari o‘zbekistonlik forvardning “Bashakshehir” safidagi uyg‘onishini haqiqiy sensasiya deb baholadi. Superliga to‘purarlar jadvaliga nazar tashlagan har qanday muxlis u yerda Viktor Osimhen, Mauro Ikardi yoki Marko Asensio kabi yulduz futbolchilarni ko‘rishga odatlangan. Biroq real manzara boshqacha: to‘purarlar poygasining mutloq peshqadami aynan Shomurodovdir.
“Bu shunchaki omad emas, bu — to‘g‘ri muhit va o‘ziga bo‘lgan ishonchning birlashgan nuqtasidir”, deb yozadi Italiya matbuoti.
Raqamlar:
Mavsumning yarmi ortda qolgan bir pallada Eldorning ko‘rsatkichlari juda yaxshi ko‘rinishda:
Gollar soni: 16 ta (shundan 15 tasi Superligada);
Golli uzatmalar: 5 ta;
Asosiy raqiblar: Pol Onuachu (“Trabzonspor”), Mauro Ikardi (“Galatasaroy”) va Taliska (“Fenerbahche”).
Eldor nafaqat o‘z jamoasining, balki butun liganing eng xavfli hujumchisiga aylandi. Uning mavsum boshidagi ketma-ket gollari tasodif emasligi barqaror natijalar bilan isbotlandi.
“A Seriyada “Jenoa”, “Spesiya”, “Kalyari” va “Roma” safida barqaror o‘yin ko‘rsata olmagan Shomurodov Turkiyada o‘zini qayta kashf etdi. Eldor “Bashakshehir”da hujum markazidagi asosiy figuraga aylangan. Tezkorlik, bo‘sh zonalarga ochilish va jamoadoshlar bilan kombinasion o‘yin. Bularning barchasi Eldorning kuchli jihatlari sifatida to‘liq namoyon bo‘lmoqda. Turkiya grandlari o‘zining optimal tarkibni topishga urinayotgan bir paytda, o‘zbekistonlik hujumchi barqarorligi bilan boshqalardan yaqqol ajralib turibdi. U deyarli har turda gol urmoqda va jamoasini oldinga yetaklamoqda”, deyiladi Teleradiostereo nashrida.
Italiya matbuoti Eldorning “Kalyari”dagi o‘tmishini ham yodga olmoqda. 2023-2024 yillar davomida sardiniyaliklar safida 22 o‘yinda 3 ta gol urgan hujumchi o‘shanda kutilgan darajada o‘zini ko‘rsata olmagan edi. Klaudio Ranyeri qo‘l ostidagi o‘sha davrlar ko‘pchilik uchun “boy berilgan imkoniyat”dek tuyulgan.
Biroq 2025 yilning yozida “Roma”dan ijara asosida “Bashakshehir”ga o‘tish barcha “tugunlarni” yechib yubordi. Turk klubi Eldorning ijarasi uchun ma’lum miqdorda haq to‘lagan (3 mln yevro) va shartnomada 2,8 million yevro miqdoridagi sotib olish huquqi saqlanib qolgan. Eldorning hozirgi formasidan kelib chiqilsa, ushbu bandni faollashtirish turk klubi uchun endi shunchaki rasmiyatchilikka aylanib ulgurgan.
Italiya nashrlari Shomurodovning muvaffaqiyatini unga berilgan cheksiz ishonch va taktik erkinlik bilan bog‘lamoqda. “Bashakshehir” loyihasining markaziy figurasiga aylangan Eldor “Trigoriya”da (“Roma” bazasi) faqat vaqti-vaqti bilan ko‘rsatgan qobiliyatlarini Istanbulda to‘liq namoyon etmoqda.
“Bugun Shomurodov nafaqat O‘zbekiston, balki butun Osiyo futbolining Yevropadagi eng yorqin vakillaridan biri sifatida o‘zining “oltin davrini” boshdan kechirmoqda”, deya qo‘shimcha qilinadi manbada.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
