So‘nggi yillarda O‘zbekiston va Turkiya o‘rtasidagi strategik munosabatlar mutlaqo yangi bosqichga chiqib, iqtisodiyot, investisiya, madaniyat va sport kabi sohalarda izchil hamkorlik kengayib bormoqda. Bu jarayon ayniqsa hududiy darajada ham faollashib, xalqaro aloqalar amaldagi loyihalar orqali mustahkamlanmoqda.
Yaqinda Andijon viloyati rahbarining Turkiyaga amalga oshirgan tashrifi ikki tomonlama aloqalarni yangi bosqichga olib chiqishda muhim qadam bo‘ldi. Tashrifdan so‘ng turkiyalik ishbilarmonlar delegasiyasining Andijonga kelishi mazkur muloqotlar natijasi bo‘lgani ta’kidlanmoqda. Delegasiya tarkibida nufuzli mehmonlar qatorida Turkiya chempionatining gigandlaridan biri «Beshiktosh» klubi qurultoyi a’zosi Gokhan Saribayir ham ishtirok etdi.
Tashrif davomida mehmonlar viloyat futbol infratuzilmasi bilan yaqindan tanishib, klub bazasi, "Bobur arena", bolalar futboli tizimi hamda akademiya faoliyatini ko‘zdan kechirdilar. Mutaxassislar Andijonda futbolni rivojlantirish uchun yaratilgan sharoitlar yuqori baholanganini ta’kidlashmoqda. Eng muhimi — ushbu tashrifning asosiy maqsadi mahalliy futbol tizimini xalqaro tajriba bilan boyitishdir.
Muzokaralar markazida Turkiyaning mashhur klublaridan biri —" Beshiktosh" akademiyasi bilan hamkorlik yo‘lga qo‘yish masalasi turdi. Rejaga ko‘ra, murabbiylar almashinuvi, yosh futbolchilar uchun o‘quv yig‘ini, metodik tajriba almashish kabi qator qo‘shma dasturlar amalga oshirilishi mumkin. Shuningdek, «Andijon» jamoasi bilan «Beshiktosh» o‘rtasida o‘rtoqlik uchrashuvi tashkil qilish tashabbusi ham ko‘rib chiqilmoqda. Bu esa nafaqat sport, balki madaniy diplomatiya nuqtai nazaridan ham muhim ahamiyatga ega.
E’tiborlisi, «Andijon» klubi rahbariyati yaqinda Antaliya shahrida «Antalyaspor» rahbariyati bilan ham uchrashuv o‘tkazgan edi. Bu kabi muloqotlar klubning xalqaro maydondagi nufuzini oshirish va professional boshqaruv standartlarini joriy etishga xizmat qiladi.
Mutaxassislar fikricha, agar ikki tomonlama memorandum imzolansa, bu hamkorlik Andijon futboli tarixida yangi davrni boshlab beradi. Xalqaro standartlar, ilg‘or tayyorgarlik tizimlari va investisiya imkoniyatlari jamoaning raqobatbardoshligini sezilarli darajada oshirishi mumkin.
Xulosa: Turkiya bilan hamkorlikning amaldagi natijalari allaqachon ko‘rina boshladi. Endigi qadam — kelishuvlarni amaliy loyihalarga aylantirish. Agar rejalar to‘liq ro‘yobga chiqsa, «Andijon» nafaqat mamlakat, balki mintaqaviy futbol markazlaridan biriga aylanishi ehtimoli katta.
Gokhan Saribayir viloyat futbol infratuzilmasini ko‘zdan kechirgach, quyidagi fikrlarni bildirdi:
“Biz bu yerda ham Yevropa standartlariga xos futbolchilar yetishtirish maqsadidamiz. «Andijon» klubi bilan kelishuvga erishish rejalashtirilyapti va buning uchun memorandum tayyorlanyapti.
Klub bazasi juda yaxshi, standartlari yuqori. Xuddi shu holatni futbol maktablari va akademiyalarga ham targ‘ib qilinsa yanada yaxshi natijalarga erishishinglarga ishonchim komil.
Andijon viloyati hokimi Turkiyaga borganida bazamizni ko‘zdan kechirishgan va «Andijon» klubida ham shunday ishlarni amalga oshirishni xohlagan. Biz ham bu yerga kelib ko‘ryapmizki, chindan ham ko‘p ishlar qilingan. Buning uchun hurmatli viloyat hokimini tabriklaymiz”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
