O‘zbekiston U23 Osiyo chempionatiga tayyor emasmi?
Baho:
+1; -0
Dangal gapiraman, agar shu yigitlar yana shu taktikada (aslida, men hech qanaqa taktika ko‘rmadim) o‘ynadigan bo‘lsa, ko‘pi bilan 4-o‘rinni olamiz! Arviderchi Tokio-2020!
"Ko‘p tanqid qilmaylik, bolalarni ruhiyatiga ta’sir qiladi! Buning o‘rniga yigitlarni ruhan qo‘llab quvvatlaylik!" – deguvchi insonlarga javobim:
1. Siz bir soha bilan kamida har kuni 10 yil (!!!) shug‘ullansangiz, mashhur bo‘lsangiz, insonlar nigohida bo‘lsangiz, sizni loyiq topishib TVlarda rolik qilib yoshlarga o‘rnak sifatida ko‘rsatishsa, qoningiz gupirlab urib turgan yoshda bo‘lsangiz, yeganingiz oldinda yemaganingiz orqada bo‘lsa va ... shu sohangizni eng yuqori cho‘qqilariga yo‘l ochuvchi sinov payti, siz umuman tanimagan, lekin sizni qo‘llab-quvvatlab kelgan millionlab insonlar ko‘z o‘ngida hayojondan oyoqlaringiz qaltirab, o‘z sohangizga doir ishni kulgili bajarsangiz, sizni bundan keyin qo‘llab quvvatlab kelishlari kerakmi?! Xo‘p, mahoratingiz kamroq va jismonan kuchingiz kamdir, lekin ishtiyoq ko‘rinmayaptida, og‘alar...
2. Siz shunday yoshdasizki (23 yosh!), aynan jismonan charchoq nimaligini boshqalardan ko‘ra, aynan sizda eng oxirida payqashimiz kerak. Siz shuncha yillar (kamida 10 yil), nima bilan shug‘ullandingiz?! Agar BAAga qarshi yana shunday lanj va qo‘rqib o‘ynaydigan bo‘lsangizlar, kasb tanlashda adashibsizlar, ukalar!
3. Xo‘p, Drulovich tajribasiz ekan, sizlarni ayrimlaringiz, bundan 2 oy oldingi O‘zbekiston milliy jamoasida Qirg‘izistonga qarshi o‘yinda tuppa-tuzuk edingizlarku?! Ikki oyda bor kuch va mahoratlaringni 2019 yilga tashlab keldilaringmi?!
Mujik, hozir sening taqdiringda jahon futboli tarixiga kirish imkoniyati va eshiklari lang ochilib turibdi, hozir shu eshikni yonida turgan raqiblarni surib, eshikni tepib kiradigan pallada, shovlasifat lanj harakatlar bilan omadni kutyapsanmi?! Omad kelmaydi, u belida belbog‘i borlarga kuladi!
Men shu jamoamizni Eron, Misrga qarshi kechgan o‘rtoqlik o‘yinlarini ko‘rib, “agar shu yigitlarimizni, jismoniy holatlarini yanvarda pik formaga chiqara olishsa, kamida finalda o‘ynashadi” degan fikrga keluvdim!
Men chempionlik uchun favoritlar qatoriga kiritgan yaponlarni bu turnirda qovun tushirishlarini, eronliklarni aksincha kuchayishini bilmay shu fikrga kelgandim..
Eronlik, iroqlik yigitlarga achindim... Biri 4 ochko va yana biri 3 ta durang bilan qolib ketishdi! Asosiysi, ularda ishtiyoq bor edi va 95-daqiqagacha kurashishdi.
“Eee, professional futbolchi bo‘lmagan odam, futbolchining muammo va dardini qayerdan biladi?!” — degan fikr paydo bo‘lsa, javobim:
Nima deb o‘ylaysiz, Iroq, Iordaniya, Tailand ichki chempionati, bizning chempionatdan kuchlimi?! Urush tufayli umuman ichki chempionati yo‘q Suriya yigitlarini qonlarini rangi ko‘k rangdami yoki ular doping ishlatishyaptilarmi?!
Xullas, tushunganim:
1. Jamoa na funksional, na jismonan, na taktik jabhada bu turnirga tayyor bo‘lib kelgan. Xo‘p, yigitlarimiz o‘z klublarida va Olimpiya jamoasida ko‘p o‘yin o‘tkazishgan bo‘lsa, buni nazorat qiladigan va jamoaning jismoniy holatiga javob beradigan murabbiylar shtabi nega buning oldini olmadi, agar oldini olishni bilmasa yoki shu vaziyatga yechim topmasa, ularning nima keragi bor?! Nima, sizningcha hozirgi turnirda, yaxshi formada kelishgan boshqa kuchliroq chempionatlarda o‘ynaydigan yigitlar (karislar, eronliklar, avstraliyaliklar, saudlar) biror yashirin stereoidlar qabul qilishadilarmi?! Agar, ular har kuni maxsus vitaminli soklar ichib, organizmlaridagi har qanday o‘zgarishlarni kompyuter, robotlar yordamida nazorat qilib turishadi demoqchi bo‘lsangiz, bu gapni bizni o‘zbek bokschilarimizni murabbiylariga aytganingiz ma’qul! O‘limdan boshqa har qanday muammoga yechim bor, ayniqsa hozirgi internet tufayli axborotlarga to‘la olamda!
2. Inson — o‘z kuchiga ishonmasagina hayajonlanadi! Bu ruhiy kechinmalar bilan bog‘liq! Murabbiy — xuddi ijobiy ma’noda mashhur, buyuk insonlarning orqasida turgan ustozlar, rafiqalarga o‘xshaydi! Optimist va tajribali ustoz, rafiqalar yordamida erkaklar o‘z sohalarida katta yutuqlarga erishadilar, erlar katta mavqeilarni zabt etishadilar! Sababi, ularni qiyin vaziyatlarda ruhan va ma’nan qo‘llab-quvvatlab turadigan yelkadoshlar bor! Professional psixolog! Bu bizning futbol bo‘yicha har qanday yoshdagi jamoalarimizda “xalta” mavzu! Insonning o‘ziga bo‘lgan ishonchni yanada kuchaytirish, yolg‘ondan bo‘lsa ham cho‘qqini zabt etish aslida ro‘yo ishligini professional psixolog uddalaydi! Sababi, u siz bilan bitta tilda gaplashadi, sizdagi muammoni aniqlaydi va aynan shu muammo bo‘yicha kerakli maslahatni avval sizga ko‘rsatib, ishontirib keyin beradi! Chunki u professional! Ana, men tanigan shaxsiy va jamoaviy psixolog Boboyor aka To‘rayevni taklif qilishsin, kerak bo‘lsa 1 sum olmay, jamoani ruhiy muammosini aniqlab, keyin jamoaviy treninglar qilib, jamoani 1 ta organizmga aylatirish uchun natija ko‘rsatadi.
3. Abduvohid Ne’matov, Islom Qobilov, Abdulla Abdullayev — ruhan bu turnirga umuman tayyor emaslar!!
Hojiakbar Alijonov, Aziz G‘aniyev, Bobur Abduxoliqov jismonan charchoq holatda turnirga kelishgan! Drulovichni shtabidagilar jismoniy holatga JAVOBGAR murabbiylarga savollar bor bo‘lsa, ko‘rib qolsangiz berarsizlar...
Mashhurjon Muhammadjonov, Nizomitdin Ziyovutdinov, Dilshod Saitov, Sharof Muhiddinov, Sherzod Nasrullayev, Abrorbek Ismoilov, Oybek Rustamov, Islom Kenjaboyev, Doston Ibragimov – bu futbolchilar Tailandga nima uchun olib kelindi?! - bu endi "Jon F. Kennedining asl qotili kim?" turkumidagi savollar sirasiga kiradi.
Jasurbek Yaxshiboyev – molodes, qo‘lidan keladimi yo‘qmi, xitoy bo‘ladimi, karismi, eronlikmi – finti chiqsa-chiqmasa 2-3 tasini aldayman deydi! Dux potolokgacha! Yashavor! To‘g‘ri, shu driblinglari tufayli jamoa zarar ko‘rishi mumkin, lekin Jasur biroz sovuqqonroq o‘ynasa, 2-3 raqibni o‘ziga jalb qilib, shunday yuvelir pas bera oladiki, bu pasdan 15 yoshli bolakay ham gol ura oladi!
Sanjar Qodirqulov – boringa shukr jigar!! Agar yarim jamoa senday yugurib, tirishib harakat qilganida, guruhni o‘zida kamida 7 ochko olgan bo‘lardik!
Oybek Bozorov – shu turnirda shu jamoada, men uchun kashfiyot! Oybek qamchini bosaver! Seni eslab qolishadi skautlar!
Nurillo To‘xtasinov, Mirjahon Mirahmadov – bu yigitlar haqida faqat “qo‘rqmay o‘ynanglar, yigitsizlar, omad yigitlarni yaxshi ko‘radi!” deyman xolos!
Bilaman, ko‘p va ho‘p yozib yubordim..
Piiip (yomon so‘z) shu turnirni kamida 2 yil kutasan, yigitlarni turnir oldi o‘yinlarini ko‘rib quvonasan va turnir boshlanishi bilan yana piiip...
Xullas, Drulovichga va uni shtabiga ishonchim yo‘q.
Aytar so‘zim:
Yigitlar, o‘zlaringni o‘zlaring yenga olsalaringiz, Tokioga borasizlar!! Agar xohish qolgan yoki bor bo‘lsa, albatta!
Qolganlarga va o‘zimga esa – bu bir o‘yin, xolos! Bu o‘yinlar tufayli Vatanimni yomon ko‘rib qolmayman, aksincha, bu o‘yinlardan ham muhim tushuncha va qadriyatlar bor deb qolaman!
O‘zimiz va yaqinlarimiz uchun Omon bo‘laylik!
p.s. Verbosity is a burden for a donkey! – Bedanaga suv berish, esdan chiqmasin! ))
Furqat Qurbonov
Kiritilgan sana: 18.01.2020 09:57. O'kildi: 11728 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
