Oliy ligadan tushib ketgan jamoa a’zolari bu vazifani sharaf bilan uddaganlari munosabati bilan alohida «banket» uyushtirishdi. Bayram bayramdek bo‘lishi uchun dasturxonga xilma-xil ichimliklar qo‘yildi. Tantanali oqshom boshlanishi hamono jamoa bosh murabbiyi barchaning e’tiborini o‘ziga tortib, yig‘ilganlardan qadah ko‘tarishini so‘radi va muloyimgina, lekin dadil holda so‘z boshladi:
- Oliy ligadan tushib ketganimiz bilan barchangizni tabriklashga ijozat bersangiz. Zero, bunday baxtga atigi ikkita omadli jamoa sazovor bo‘ldi. Qarangki, ulardan biri aynan bizning jamoa. Mavsum davomida ko‘rsatgan jasoratimiz barcha raqiblarimizni cheksiz xursand qildi va hamon ulardan tinimsiz tarzda minnatdorchiliklar qabul qilayapmiz. Ha, to‘g‘ri, o‘zimizning kam-sonli muxlislarimizni ozgina ranjitib qo‘yganimiz rost. Hechqisi yo‘q. Axir qolgan jamoalarning ko‘psonli fanatlari aynan biz tufayli xafa emas, xursandlar. Tan olaylik, bunday mardlik hammaning ham qo‘lidan kelavermaydi. Endi har biringizga bo‘lajak mavsumda ham yangi jamoangiz bilan shunday ulug‘ sharafga erishishdek buyuk baxt tilayman.
Murabbiy o‘rniga o‘tirgach, qadahlar bo‘shatildi va barcha-barcha mamnun holda bazmni davom ettirdi. Muayyan vaqtdan so‘ng tabrik so‘zi jamoaning «ishongan tog‘i» - darvozabonga berildi. Albatta, u ham quvnoq kayfiyatga mos tushadigan so‘zlarni topib gapirdi:
- Bugungi bayramning uyushtirilishida mening ham ozmi-ko‘p hissam borligidan baxtiyorman. Bilmadim, agarda darvozada boshqa birov turganida, bugungi bayram bo‘lmasmidi, balki? O‘z o‘rnida meni muntazam qo‘llab-quvvatlab turgan himoyachilarimizga alohida tashakkur izhor etaman. Xullas, navbatdagi qadahni himoyachilarimiz uchun ko‘tarishingizni iltimos qilaman.
Qadahlar bir-biriga urishtirilayotgan pallada mudofaa chizig‘i vakili shartta o‘rnidan turib, ampluadoshlari nomidan gapirmoqchi ekanligini ma’lum qildi. Shunda hamma yengil qarsak chalgan holda unga quloq tutdi:
- Ushbu mavsum barcha ampluadoshlarim uchun o‘ta muvaffaqiyatli keldi. Shaxsan o‘zim eng omadli davrni boshdan o‘tkazdim, desam mubolag‘a bo‘lmaydi. Qadrdon jamoadoshlarim, o‘z darvozamizga urgan 5ta gol uchun qanchadan-qancha olqishlar olganimni bir tasavvur qiling. Buning oldida bir-ikki marta so‘kish eshitish hech narsa emas. Mana, raqiblarimiz muxlislari meni eng foydali o‘yinchi, deb topishdi. Hatto mavsum yakunida maxsus sovrin laureatiga aylandim, turli «ramziy termalar» safiga kiritildim. Albatta, buning ortida har biringizning o‘ziga yarasha ulishingiz bor. Buni hech qachon inkor etmayman. Kelasi mavsum ham hammamizga shunday omadli kelsin. Assosiysi, jarohatga yo‘liqmaylik va qaysi jamoaga borsakda, o‘zligimizni saqlaylik!
Bazm o‘zining avj pallasiga kirgach, ba’zi futbolchilar butunlay mast bo‘lib ulgurishdi. Lekin o‘yin-kulgu yanada qizidi. Darvozabonlar «Andijon polkasi», himoyachilar esa «Xorazm lazgisi»ga raqs tusha boshlashdi. Shu kuni davra qiziganidan qizidi. Dasturxonga milliy taom - palov tortilgach, hamma shosha-pisha o‘z o‘rniga qaytdi. Bilmadik, ular raqsga tushib, och qolishgan, shekilli. Shunda bosh murabbiy barchani tinchlantirishga urindi va yana qadah ko‘tarishni iltimos qildi. Bu taklif futbolchilarga moydek yoqib tushdi, chog‘i, ular tezda iltimosni qoldirishdi. Tabrik so‘zi esa himoya va hujumni bog‘lab turgan amplua vakili, ya’ni yarim hujumchi, yo‘g‘e, uzr, yarim himoyachiga berildi:
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — bu «Barselona»
