Natijalar Enrikening «Barselona»dan ketishiga qarshilik ko‘rsatganda
Baho:
+0; -0
«Barselona»ning yangi muxlislari ba’zi faktlardan bexabar bo‘lsa kerak. Pep Gvardiolaning oltin davridan oldin kataloniyaliklar hozirgidek yoppasiga sovrinlar yutishga va doimiy ravishda tomoshabop o‘yin ko‘rsatishga odatlanmagan edi. Luis Enrikening jamoadan ketishini talab qilayotganlar yo bundan oldingi davrni ko‘rmagan yangi muxlislar, yoki buni eslay olmaydiganlardir.
«Barselona» Qirol kubogi yarim finalida «Atletiko» to‘sig‘idan o‘tib, ketma-ket to‘rtinchi marta musobaqa finaliga chiqishi muxlislarni xursand qilishi lozim edi. Ko‘pchilik bundan xursand bo‘lgani tabiiy, biroq ularning ba’zilari uchun bu go‘yoki yetarli bo‘lmadi. To‘g‘ri, 1:1 hisobida yakunlangan javob bahsida «Barselona» o‘zining eng yaxshi o‘yinini ko‘rsatdi, deyish qiyin.
Biroq raqib ham so‘nggi uch Chempionlar ligasi finalining ikkitasida ishtirok etgan jamoa ekanligini unutmaslik lozim. Bundan tashqari, «Barsa»ning ikki futbolchisi maydondan chetlatildi (Serxi Roberto va Luis Suares) va yana ikki muhim futbolchisi – Serxio Buskets va Andres In’esta bu o‘yin oldidan to‘liq tiklanib ulgurmagan edi.
Kataloniyaliklarga may oyida bo‘lib o‘tadigan Qirol kubogi finalida raqiblik qiladigan «Alaves» bilan esa shu haftaning o‘zidayoq La Liga doirasida duch keldi. Basklar birinchi davrada «Kamp Nou»da alaba qozongani va ushbu mavsumda o‘z maydonida faqatgina ikki marta mag‘lub bo‘lganini e’tirof etgan «Barselona»ning bir qator muxlislari bu o‘yindan oldin ham xavotir bildira boshladi.
Luis Enrike esa 38 kun ichida jamoa 12-o‘yinini o‘tkazayotgani va keyingi o‘yin Chempionlar ligasi nimchorak finali doirasida «PSJ»ga qarshi mehmonda bo‘lib o‘tadigan bahs ekanligiga qaramay rotasiya qo‘llayotgani uchun tanqidlarga duch kelishda davom etayotgandi. Bundan tashqari, «Barselona» har doim bir xil o‘yin ko‘rsatayotgani, ijodkorlik yo‘qligi, Enrike faqat natija uchun o‘ynayotgani ham aytilgandi.
Biroq hatto Gvardiola ham o‘yinlarda g‘alaba qozonilmasa boshqa jihatlar ahamiyatga ega emasligini e’tirof etganini unutmaslik lozim. O‘yin uslubi – muhim jihat, biroq u ikkinchi darajali omil, buning ustiga «ko‘k-anorranglillar» keragidan ancha ortiq o‘yin uslubiga ega. Ammo «Alaves»ga olti gol urib, mezbonlarga o‘z maydonlaridagi eng yirik mag‘lubiyatni taqdim etgan «Barselona» barcha tanqidlar asossiz ekanligini ko‘rsatdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — bu «Barselona»
