Ronaldinyo 2001-2003 yillar davomida "PSJ" libosida 86 o‘yinda maydonga tushib o‘z hisobiga 25 ta gol yozdirib qo‘ydi. Parijliklar bilan faqatgina Intertato kubogini qo‘lga kiritgan braziliyalik futbolchini 2003 yili "Barselona" 30 mln.evro evaziga sotib oldi. Ronaldinyo Kataloniyada haqiqiy futbol yulduziga aylandi. 5 mavsum davomida "Barsa" tarkibida 207 uchrashuvda 94 ta gol urgan yarim himoyachi ikki martadan Ispaniya chempioni, superkubogi sohibi bo‘ldi va bir marta Chempionlar ligasida zafar quchdi. Shuningdek u 2005 yili "Oltin to‘p" sohibi bo‘lib, 2004 va 2005 yillari FIFA versiyasi bo‘yicha jahonning eng yaxshi futbolchisi deb topildi.
Zlatan Ibragimovich "Barselona"ga 69 mln.evaziga kelib qo‘shilgan Zlatan Kataloniyada atigi bir mavsum to‘p surdi. Bu davr mobaynida u 46 o‘yinda 22 ta golga mualliflik qilib, 2 marta Ispaniya superkubogi, 1 martadan Ispaniya chempioni, Yevropa superkubogi hamda klublar o‘rtasidagi jahon chempionatida oltin medallarga ega chiqdi. 2012 yili PSJga o‘tgan shvesiyalik hujumchi 4 mavsum davomida Fransiya poytaxti jamoasi uchun 180 o‘yinda 156 gol urib, klub tarixidagi eng sermahsul futbolchiga aylandi. Shuningdek u jamoa bilan jami 12 ta musobaqada oltin medalga ega chiqib, 3 bora chempionatning eng sermahsul futbolchisiga aylandi.
Tiago Motta "Barselona" akademiyasidan chiqqan Motta 2001-2007 yillar davomida jamoa uchun 139 o‘yinda 9 ta golga mualliflik qildi. Bu davr mobaynida Braziliyada tug‘ilib, Italiya termasi uchun to‘p surgan futbolchi 2 marta Ispaniya chempioni bo‘lib, bir bora Chempionlar ligasi bosh sovriniga ega chiqdi. Tiago 2011 yili PSJ bilan shartnoma imzoladi. Shunday buyon yarim himoyachi klub tarkibida 201 o‘yinda 11 marta raqiblar posbonlarini ranjitdi va 16 ta jamoaviy sovringa ega chiqdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FCB.UZ — bu «Barselona»
