Sports.uz 2016 yilgi mavsum yakunlarini hisob-kitob qilib, oliy ligada to‘p surgan eng hujumkor juftliklar reytingini tuzdi.
Eng yaxshi hujumkor juftliklar:
8-10. Nemanya Yovanovich + Ilhom Yunusov («Qizilqum»). 8+10+18
Yovanovich o‘z hisobidagi 13ta golning 8tasini ikkinchi davrada «Qizilqum» tarkibida urdi. Ilhom Yunusov jamg‘armasida esa 10ta gol bor. Ushbu futbolchilar birgalikda 18ta to‘p kiritishdi.
8-10. Igor Sergeev + Jaloliddin Masharipov («Paxtakor») 11+7+18
Xitoy safari oldidan 11ta gol urgan Sergeevning ishini Masharipov davom ettirdi - 7ta gol. Garchi ushbu juftlik yarim mavsum o‘ynagan bo‘lishsada, yakunda ajoyib ko‘rsatkich qayd etishdi.
8-10. Aziz Ibragimov + Vadim Chemirtan («Buxoro») 10+8+18
Ibragimov yil davomida 10ta to‘p kiritgan bo‘lsa, Chemirtanga 8ta gol urish uchun yarim mavsum kifoya qildi. Bu natija esa, «Buxoro»ning yuqori o‘rinlarni egallashiga zamin hozirladi.
5-7. Shohruz Norxonov + Pavel Solomin («Obod») 14+5+19
Norxonov chin ma’noda mavsum kashfiyotiga aylandi. Uning hisobidagi 14ta golga tajribali Pavel Solominning 5ta golini qo‘shib hisoblasak, ajoyib ko‘rsatkich kelib chiqadi. Aynan shu juftlik jamoalarining oliy ligada «jon» saqlab qolishiga munosib hissa qo‘shishdi.
5-7. Marat Bikmayev + Server Jeparov («Lokomotiv») 12+7+19
«Lokomotiv»dagi bu duet birgalikda 19ta to‘p kiritishdi. Bikmayevda 12ta, Jeparovda esa 7ta gol. «Temiryo‘lchilar» va milliy termamizning tajribali vakillari uchun maqtovga arzirli natija.
5-7. Eldor Shomurodov + Doston Hamdamov («Bunyodkor») 10+9+19
Bu - eng yaxshi yosh tandem. Shomurodov 10ta, Hamdamov esa 9ta gol urdi. Mavsum yakunlariga ko‘ra, «Bunyodkor» ikkinchi o‘rinni egalladi va bu natijaning qo‘lga kiritilishida ushbu futbolchilarning o‘rni beqiyos, albatta.
4. Zafar Polvonov + Igor Taran («Sho‘rtan») 12+9+21
Oliy ligada navbatdagi mavsumini o‘tkazgan hujumchilar uchun chempionat muvaffaqiyatli yakun topdi, deyish mumkin. Polvonov raqiblar darvozasini 12 marta ishg‘ol qilgan bo‘lsa, Taran hisobidagi gollar soni 9taga yetdi.
3. Dragan Cheran + Shahboz Erkinov («Nasaf») 12+11+23
Cheran chempionat yarmida tarkibga qo‘shilib, 12ta gol urdi va ko‘pchilikni hayratga soldi. Erkinov esa butun mavsum davomida 11ta to‘p kiritdi. Demak, ushbu tandem oliy liganing eng yaxshi juftliklari orasida uchinchi o‘rinni egalladi.
2. Zohid Abdullayev + Murod Toshmatov («Metallurg») 18+7+25
Yuqorida ta’kidlaganimizdek, 18ta gol urgan Abdullayev to‘purarlar ro‘yxatida ikkinchi bo‘ldi. Toshmatov esa raqib darvozabonlarini 7 marta ranjitishga erishdi.
1. Temurxo‘ja Abduxoliqov + Sardor Mirzayev («Lokomotiv») 22+13+35
«Lokomotiv»da o‘ynagan yana bir duet. Mavsum to‘purari Abduxoliqov 22ta gol urdi. Sardor Mirzayevning bu boradagi ko‘rsatkichi - 13ta. Umumiy hisobda 35ta gol va «temiryo‘lchilar» tandemi, shubhasiz, birinchi o‘ringa loyiq.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
