Amaldagi Oltin to‘p sohibi Krishtianu Ronaldu 32 yoshga to‘ldi va shu munosabat bilan Ispaniyaning sport nashri jurnalistlari portugaliyalik taniqli futbolchi karyerasida o‘ta muhim o‘rin tutgan 32 muhim voqeaga e’tiborni qaratishni lozim topishdi.
1. Lissabonga ko‘chib o‘tish
Krishtianu Ronaldu 11 yoshga to‘lganida hayotidagi balki eng muhim qarorga keldi - quyoshli Madeyrani olovli Lissabonga almashtirdi. Albatta, bu bolakay uchun ma’lum bir stressni ham keltirib chiqargani aniq, ammo aynan uning futbolchi sifatida qaror topishida va intizomga o‘rganishida katta o‘rin tutdi. Krishtianu 17 yoshga to‘lganida Lissabonning birinchi jamoasi - «Sporting»da o‘z debyutini o‘tkazdi: voqea Chempionlar Ligasiga chiqish bosqichida Milanning «Inter» klubiga qarshi bahs doirasida yuz berdi.
2. Yurak bilan bog‘liq muammolar
Krishtianu 15 yoshga to‘lganida barchasi boshqacha kechishi mumkin edi: o‘shanda o‘smir yuragida operasiya o‘tkazildi - shifokorlar buning sababini Krishtianu haddan ortiq jismoniy zo‘riqishlarga zo‘r bergani bilan bog‘lashdi. Amaliyotdan so‘ng yurak normal faoliyat ko‘rsata boshladi va buni uning futbolchilik faoliyatidagi ilk muvaffaqiyat deb baholash mumkin.
3. Portugaliya termasidagi debyut
2003 yilning 20 avgustida Krishtianu Ronaldu Portugaliya terma jamoasida debyutini o‘tkazdi. Voqea Qozog‘iston milliy termasiga qarshi o‘rtoqlik uchrashuviga to‘g‘ri kelgan bo‘lsa-da, futbolchi aynan mazkur bahs karyerasidagi o‘ta muhim voqea sifatida qolishini qayd etdi.
4. Superklubga o‘tish
2003 yilning yozida Krishtianu Ronaldu ko‘hna qit’a futboli elitasiga yorib kirdi - Aleks Fergyusonning «Manchester Yunayted»iga Yevropadagi kelajagi porloq futbolchilaridan biri sifatida o‘tdi.
5. Birinchi sovrin
Krishtianuning «Manchester Yunayted»dagi ilk mavsumi u darajada ishonchli chiqmagan bo‘lsa-da, «qizil iblislar» tarkibida o‘zining ilk sovrinini - Angliya kubogini qo‘lga kiritishga muvaffaq bo‘ldi. Albatta, «MYU»ga omadsiz kelgan mavsumni saqlab qolish uchun bu yetarli emasdi va klub finalda 3:0 hisobida g‘alaba qozondi, Ronaldu esa hisobiga ilk golini yozib qo‘ydi.
6. Portugaliyadagi ko‘z yoshlar
2004 yil Portugaliya Yevropa chempionatiga mezbonlik qildi va asosli ravishda unda g‘olib bo‘lishni rejalashtirgandi. Aytish mumkinki, terma muvaffaqiyatga erishishiga bir qadam qolgan ham edi, eng achinarlisi esa bunday sharafga erishishga Otto Rexagel yetakchiligidagi kamtaringina Gresiya termasi to‘g‘anoq bo‘ldi. Angelos Xaristeasning final uchrashuvida kiritgan goli butun Portugaliyani motamga burkadi, butun mamlakat bilan Krishtianu ham yig‘ladi.
7. UYEFAning ramziy termasi
2004 yili Krishtianuning kelajagini belgilab beradigan yana bir voqea yuz berdi: aynan o‘shanda u yil yakunlariga ko‘ra ilk bor UYEFAning ramziy termasidan o‘rin oldi. Krishtianu bilan birga ramziyga Manishe, Ronaldinyo va Nedved kabi taniqli futbolchilar, shuningdek, 4ta eng yaxshi yarim himoyachi kiritilgandi. Eng yaxshi 2 himoyachi sifatida esa Tyerri Anri va Andrey Shevchenko e’tirof etildi.
8. Otasining o‘limi
2005 yilning 7 sentyabri tongida, Portugaliya termasi Moskvada JCHning saralash bosqichi doirasida Rossiya termasiga qarshi o‘tkaziladigan bahsga tayyorgarlik ko‘rayotgan paytda, Luiz Felipe Skolari Krishtianuga otasi vafot etganligini ma’lum qildi. Futbolchi bu musibatni haqiqiy erkaklarga mos tarzda qabul qildi - terma jamoa tarkibida qolibgina qolmay, Rossiya termasiga qarshi uchrashuvning boshidan-oxirigacha maydonda to‘p surdi.
9. Jahon chempionati yarim finali
Krishtianu o‘zining birinchi jahon chempionatidayoq (2006 yili) terma jamoasi bilan finalda to‘p surishi mumkin edi. Ammo Zinedin Zidanning - Krishtianuning Madridning «Real» jamoasidagi ustozining goli portugaliyaliklarni uchinchi o‘rin uchun nemislarga qarshi kurashga ro‘para qildi. Krishtianu ilk mundialida birgina goli bilan yodda qoldi (to‘p Eron darvozasiga guruh bosqichida kiritilgandi).
10. Premyer-ligadagi chempionlik
2006/07 yillar mavsumi Krishtianu uchun juda omadli kechdi: «Manchester Yunayted» Angliya chempioni bo‘ldi, yosh portugaliyalikning gollar ko‘rsatkichi esa futbol eksperlarini iqtidorli futbolchi haqiqiy yulduzga aylana boshlagani to‘g‘risida gapirishga majbur qildi.
11. Aniq yo‘llanmagan penalti va birinchi Chempionlar Kubogi
2008 yilning 21 mayida Krishtianu Ronaldu Chempionlar Ligasidagi birinchi finalini o‘ynadi: Moskvadagi «Lujniki» stadionida «Manchester Yunayted» Roman Abramovichning «Chelsi»siga qarshi maydonga tushdi. Bahsning asosiy va qo‘shimcha vaqtlari 1:1 hisobidagi durang bilan nihoyasiga yetdi, darvoqe, «MYU»ning goliga Krishtianu mualliflik qildi. Oqibatda, «qizil iblislar» o‘yindan keyingi penaltilar bo‘yicha g‘alaba qozonishdi. E’tiborli yana bir jihat, o‘shanda Krishtianu «nuqta»dan darvozani aniq nishonga ololmadi, biroq «Chelsi» tarkibida bundaylar soni ikkita bo‘lib chiqdi - Jon Terri va Nikolya Anelka.
12. Sovrinlar yomg‘iri
2008 yilda - Chempionlar Ligasi va Angliya birinchiligidagi muvaffaqiyatdan tashqari, Krishtianu individual kolleksiyasini boyitgan bir talay sovrinlarni ham qo‘lga kiritdi: France Footballning «Oltin to‘p»i egasi bo‘ldi, FIFA versiyasiga ko‘ra jahonning eng yaxshi futbolchisiga aylandi, World Soccer va boshqa taniqli tashkilotlar hamda nashrlar e’tiboriga tushdi. Shu bilan birga, u Yevropa ligasining eng yaxshi bombardiriga beriladigan «Oltin butsa»ga munosib topildi. 32 yoshiga qadar u yana 3 marta «Oltin to‘p» va «Oltin butsa»ga egalik qildi.
13. «Barsa»ga yutqazilgan final
«Manchester Yunayted» 2008G‘09 yillar mavsumida Yevropa superklublariga tinchlik bermaydigan natijaga erishishni - qatorasiga ikki bor Chempionlar Kubogini qo‘lga kiritish orzusi bilan yashadi. Aleks Fergyuson jamoasi Yevropa klublar turnirining finaligacha yetib borishni uddaladi ham, lekin «Barselona» tomonidan mag‘lub etildi. O‘shanda Lionel Messi nomi endigina tilga tushayotgandi.
14. Hala Madrid!
Krishtianu «Manchester» uchun yana bir mavsum to‘p surdi, ammo shunday keyin ingliz klubini tashlab ketishi ayon bo‘ldi. 2009 yil yozida portugaliyalik futbolchi Madridning «Real» jamoasiga ko‘chib o‘tdi - mazkur klub Yevropa transfer bozorida portugaliyalik uchun bo‘lgan kurashda boshqa «nahang»lardan ustun chiqqandi. «Santyago Bernabeu»da haqiqiy qirollarga xos tarzda tashkillashtirilgan taqdimotda Krishtianu yangi jamoasidagi muxlislar hammadan ham ko‘proq eshitishni xohlaydigan so‘zlarni aytdi: «Uno, dos, tres «Hala Madrid!».
15. Kuboklar qiroli
Bu hali hammasi emas Ronalduga bog‘liq yana 17ta faktni bu yerdan o‘qishingiz mumkin
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
