Yoshlar ligasining 9-turida «Qo‘qon-1912» - «Paxtakor» o‘yini o‘tkazildi.
O‘yindagi ilk xavfli vaziyatni “Paxtakor” futbolchilari vujudga keltirishdi. 6-daqiqada mehmonlar gol urishgandi. Ammo “Paxtakor” futbolchisi o‘yindan tashqari holatda qolib ketgani bois gol inobatga olinmadi.
17-daqiqada mehmonlar ijrosida o‘ta xavfli vaziyat vujudga keldi. Qanotdan oshirilgan to‘pni himoyachi o‘z darvozamizga kiritib qo‘yishiga sal qoldi.
18-daqiqada Doston Meliqo‘ziyev yuzaga kelgan qulay imkoniyatdan foydalana olmadi. Yosh futbolchi darvozabon bilan birga-bir vaziyatga chiqib borishi mumkin edi. Ammo to‘pni o‘zida uzoq saqlab qolishi natijasida xavf bartaraf etildi.
30-daqiqada Mahmudhojiyev uchrashuvda hisobni ochishga muvaffaq bo‘ldi. Ushbu vaziyatda Ibrohimov 2 himoyachini aldab o‘tib zarba berganda darvozabon to‘pni qaytardi va unga Mahmudhojiyev birinchi bo‘lib yetib kelib darvozani ishg‘ol etdi.
Oradan olti daqiqa o‘tib himoyachilarning xatosidan unumli foydalangan Mahmudhojiyev ikkinchi bor darvozabonimizning ojiz qoldirdi.
41-daqiqada vakillarimiz ketma-ket bir nechta vaziyatlarni yo‘qqa chiqarishdi. Birinchi bo‘lim yakunlanishi arafasida Ramzbek Isaqov mehmonlar posbonini xafa qilishi mumkin edi. Ammo uning zarbasini “Paxtakor” himoyachilari qaytarib qolishdi.
Ikkinchi bo‘limni mezbonlar faol tarzda boshlashdi. 51-daqiqa mehmonlar o‘yinchisi o‘z jarima maydonchasi ichida to‘pni qo‘li bilan o‘ynadi deb topgan hakam penalti belgiladi. Afsuski, Abror Rahmonov penaltini golga aylantira olmadi. Uning zarbasini darvozabon qaytardi.
Qolgan daqiqalarda futbolchilarda hisobni o‘zgartirish uchun bir qator vaziyatlarga ega bo‘lishdi. Ammo ulardan foydalana olishmadi.
Aksincha, mehmonlar 87-daqiqada uchinchi bor darvozani aniq nishonga olishdi. Bu safar himoyadagi xatodan so‘ng, Suhrob Nurullayev hisobni yirik ko‘rinishga olib keldi. O‘yin shu hisobda nihoyasiga yetdi.
Yoshlar ligasi, 9-tur
“Qo‘qon-1912” – “Paxtakor” – 0:3 (0:2)
Gollar: Shoxruh Mahmudxojiyev (30, 36), Suhrob Nurullayev (87).
Hakamlar: D. Jamilov, SH. A’zamov, S. Rahmonov, J. Hakimov.
Nazoratchi: A. Hatamov.
“Qo‘qon-1912”: 30. Islom Abdullayev (21. Muzaffar Abdullayev-46), 4. Doniyor To‘lashev, 6. Dilshod Baratov, 7. Ramzbek Isaqov (5. Hasan Nurmatov-46), 9. Avaz Yusufjonov (20. Muhsin Baratov-64), 10. Abror Rahmonov (55. Dadaxon Sulaymonov-84), 15. Ibrohim Ahmadaliyev, 19. Doston Meliqo‘ziyev, 25. Ismoil Oxunjonov, 75. Ma’mur Rahimov, 90. Baxtiyor Abdubannonov (29. Abduqahhor O‘ktamov-39).
Zaxira: 70. Ibrohim Usmonov, 99. Ibrohim Muxtorov.
“Paxtakor”: 16. Shoxrux Raimov (50. Umid Hamroyev-46), 5. Jasur Ermamatov, 7. Jamshid Yusupov, 10. Suhrob Nurullayev (6. Jasur Rahimov-89), 15. Shoxrux Mahmudhojiyev (29. Bahrom Soatov-76), 19. Doston Ibrohimov (18. Ibrohim G‘anixonov-46), 21. Bexruz Sadiloyev, 23. Xojiakbar Alijonov, 26. Oston Urunov, 34. Xushnud Avilov (22. Ibrohim Turg‘unboyev-77), 38. Sarvar Sattorov.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
