Ha, Tehrondagi "Ozodiy" stadionida bo‘lib o‘tgan o‘yinda bundan ortiq karomat ko‘rsatmadik. Maydonda Jahon chempionati yo‘llanmasini qo‘lga kiritishni istagan bitta jamoa o‘ynadi. O‘zbekiston terma jamoasi esa hech narsa qila olmadi.
Eron ham ko‘p narsani qoyillatmadi, ammo Samvel Babayan bahsni har tomonlama boy berdi. Bizda na o‘yin shakllangandi, na aniq reja bor edi. Na tayinli hujum tashkil qila oldik, na aniq bir zarba bera oldik.
Babayanning eng sevimli futbolchisi Stanislav Andreev 2-daqiqadayoq jiddiy jarohat olib maydonni tark etdi. Murabbiyimiz esa chapga ixtisoslashmagan Shorahmedov qarama-qarshi qanotga o‘tkazib, Hoshimovni o‘ng qanotga tushirdi. Akmal esa chap qanotda o‘ynay olmadi.
Hujumda hech narsani qoyillata olmaganimiz yetmaganidek, himoyani ham mustahkam ushlay olmadik. Bahsning 22-daqiqasida futbolchilarimiz maydon markazida qo‘pol xatoga yo‘l qo‘yishdi. Natijada Azmun darvozabon bilan yakkama-yakka vaziyatga chiqib ketib, darvozani ishg‘ol qildi.
Ikkinchi bo‘lim boshida laynsmening ishorasi bilan referi darvozamiz tomon shubhali penalti belgiladi. Mas’ud Shojaiy esa uni golga aylantirishni istamadi shekilli, to‘pni yuqoriga tepib yubordi.
O‘yin tugashiga 2 daqiqa qolganida Mehdi Tarimiy chap qanotdan jarima maydonchamizga kirib, Anzurni aldab o‘tdi va to‘pni darvozaga joyladi.
Shu tariqa, Eron terma jamoasi o‘z ochkolarini 20taga yetkazdi va muddatidan avval Rossiya-2018 yo‘llanmasini qo‘lga kiritdi.
JCH-2018. "A" guruhi, 8-tur. 21:45
ERON - O‘ZBEKISTON 2:0 (1:0)
Gollar: Sardor Azmun (22), Mehdi Tarimiy (88):
Noaniq penalti: Mas’ud Shojaiy (50)
Ogohlantirishlar: Sardor Azmun (75) — Vadim Afonin (28), Davron Hoshimov (90+3)
Eron: 1.Ali Beyranvand, 2.Milod Muhammadiy, 4.Jalol Hussayniy, 6.Sayid Izzatullohiy, 7.Mas’ud Shojaiy (Ashkan Dejaga 70), 8.Murtazo Puraliganjiy, 14.Ali Karimiy, 17.Mehdi Tarimiy, 18.Alirizo Jahonbaxsh (Amir Vohidiy 46), 20.Sardor Azmun, 23.Ramin Rizoiyyan
O‘zbekiston: 21.Aleksandr Lobanov, 2.Egor Krimes, 5.Anzur Ismailov, 7.Aziz Haydarov, 9.Odil Ahmedov, 11.Igor Sergeev, 14.Temurxo‘ja Abduxoliqov (Jaloliddin Masharipov 65), 16.Stanislav Andreev (Davron Hoshimov 3), 17.Vadim Afonin (Sardor Rashidov 53), 20.Akmal Shorahmedov, 23.Eldor Shomurodov
Bosh hakam: Ahmad Al-Kaf (Ummon)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
