Bugun “Bunyodkor” futbol klubi tashkil etilganiga roppa-rosa 12 yil to‘ldi.
Klub 2005 yilning 6 iyul sanasida tashkil topgan. O‘shanda “Quruvchi” nomi ostida faoliyat yurita boshlagan jamoa xavaskorlar o‘rtasidagi Toshkent shahar chempionati orqali birinchi ligaga yo‘llanma beruvchi o‘tish turnirining final bosqichida ishtirok etgan. Musobaqa yakuniga ko‘ra, “Quruvchi” birinchi ligaga berilgan yo‘llanmalarning birini qo‘lga kiritgan.
2006 yil birinchi liga bahslari yakunlariga ko‘ra, “Quruvchi” (38 uchrashuv, 27 g‘alaba, 5 durang va 6 mag‘lubiya bilan) oliy ligada ishtirok etish huquqini qo‘lga kiritdi.
Oliy ligadagi debyut mavsumdayoq “Quruvchi” ichki musobaqalarda bir necha yangi rekordlar o‘rnatdi. Mamlakat grandlari bilan uchrashuvlarda eng ko‘p gol urish, eng kam gol o‘tkazish, eng ko‘p ochko jamg‘arish kabi ko‘rsatkichlarda yangi sahifalar ochildi. Qolaversa, debyutant jamoa vakili Ilhom Mo‘minjonov mavsum yakunida chempionatning eng yaxshi to‘purari nomiga sazovor bo‘ldi.
2008 yilning 3 avgustidan boshlab jamoa nomi “Quruvchi”dan “Bunyodkor”ga o‘zgartirildi. Qisqa fursat ichida “Bunyodkor” besh karra mamlakat chempioni, uch karra vise-chempion, mamlakat kubogining to‘rt karra sohibi, O‘zbekiston superkubogi egasiga aylandi. “Bunyodkor” qit’amizning klublar o‘rtasidagi eng nufuzli musobaqasi – Osiyo Chempionlar ligasida ikki marta yarim finalga qadar yetib bordi. 2008 yilda “Bunyodkor” futbolchisi Server Jeparov Osiyoning eng yaxshi futbolchisi, deb tan olindi. Qit’amiz futbolining eng nufuzli tashkiloti – OFK 2015 yil yakunlariga ko‘ra, “Bunyodkor” FK xizmatlarini yana bir bor e’tirof etdi. Mavsum yakunida aniqlangan Osiyoning eng yaxshi yosh futbolchisi nominasiyasining yakuniy uchlik ro‘yxatini to‘liq “qaldirg‘ochlar” to‘ldirishdi va yakunda g‘oliblik Dostonbek Hamdamovga nasib etdi. O‘tgan vaqt mobaynida “Bunyodkor” brendi nafaqat Osiyoda, balki butun dunyo bo‘ylab keng tarqaldi.
Xududimizda yagona, zamonaviy talablarga to‘liq javob beradigan va barcha qulayliklarga ega bo‘lgan “Bunyodkor” stadionida barpo etildi. Klub qoshidagi futbol maktabi kun sa’yin yangi-yangi marralarni ko‘zlagan holda faoliyat yuritmoqda. “Bunyodkor” tarbiyalanuvchilari turli yoshdagi O‘zbekiston terma jamoalarida harakat qilishmoqda.
Faoliyati davomida “Bunyodkor” bilan bog‘liq bo‘lgan barcha insonlarni – murabbiylar, futbolchilar, muxlislar, ishchi xodimlar, homiylar va boshqalarni chin dildan muborakbod etamiz. Ishonamizki, jamoamiz hali yangidan-yangi marralarni zabt etib, muxlislarga yorqin g‘alabalarni taqdim qiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
