Toshkentning “Lokomotiv” jamoasi joriy yilgi kubok bahslari chorakfinalida “Buxoro” klubi qarshilgini yengib o‘tishga urinib ko‘radi.
Bugun mazkur ikki jamoa chorakfinal javob o‘yinini o‘tkazadi. Yodingizda bo‘lsa, Buxoroda kechgan bellashuvda kuchlar teng kelgan edi – 0:0. Bugun esa yarimfinal yo‘llanmasi qaysi jamoaga nasib etishi oydinlashadi.
O‘zbekiston kubogi. 1/4 final.
«LOKOMOTIV» (TOSHKENT) – «BUXORO» (BUXORO)
Hakamlar: Z. Qodirov (Navoiy), A. Sapenko (Toshkent vil.), R. Shoyaxmetov (Toshkent), A. Ergashev (Toshkent)
Nazoratchi: A. Arutyunov (Toshkent).
Dastlabki uchrashuv: 0:0.
Mazkur qarama-qarshilikni navoiylik hakam – Zokir Qodirov boshchiligidagi referilar guruhi boshqarib boradi.
FAKT: Tajribali referi – Zokir Qodirov joriy yilgi mavsum hisobidan ikkinchi bor “Lokomotiv” jamoasi o‘yinini boshqarmoqda. Navoiylik hakam bundan avval “Lokomotiv”ning Oliy Liga 14-tur o‘yinlari doirasidagi “Dinamo”ga qarshi kechgan o‘yinida ham ishlagan edi. O‘shanda jamoa samarqandliklar ustidan 2:0 hisobida zafar quchgandi.
O‘ZARO QARAMA-QARSHILIKLAR TARIXI:
Qayd etish joizki, “Lokomotiv” hamda “Buxoro” jamoalari shu paytga qadar O‘zbekiston kubogi o‘yinlari doirasida faqat bir marta o‘zaro to‘qnash kelishgan. 2012 yilgi kubok bellashuvlari chorakfinalida yo‘llari kesishgan jamoalarning ilk qarama-qarshiligida “Buxoro” 2:0 hisobida g‘olib chiqqan. Javob o‘yinida esa “Lokomotiv” 2:0 hisobida g‘alabaga erishgan. Penaltilar bahsida esa omad buxoroliklarga kulib boqqan – 7-6.
“LOKOMOTIV” KUBOK O‘YINLARIDA QANDAY ODIMLAMOQDA?
O‘zbekiston kubogining amaldagi sohibi – “Lokomotiv” ushbu mavsumda kubok o‘yinlaridagi ishtirokini nimchorakfinaldan boshladi. “Temiryo‘lchilar” 1/8 finalda Navoiyning “Qizilqum” jamoasi qarshiligini yengib o‘tishdi.
Dastlab Toshkentda o‘tgan bahsda “Loko” futbolchilari raqib darvozasini oz emas, ko‘p emas – javobsiz naqd 5 marta ishg‘ol etishdi. O‘sha bellashuvda Marat Bikmayev bir marta, Jaloliddin Masharipov hamda Diyor Turopov ikki martadan o‘z nomini tabloga yozdirib qo‘yishgandi.
Javob o‘yinida esa 1:1 hisobi qayd etildi. Toshkentliklar safida Murod Bobojonov muvaffaqiyat qozondi va chiroyli gol muallifiga aylandi.
1/4 finalda esa jamoa “Buxoro” jamoasiga ro‘baro‘ keldi. Buxoroda o‘tgan ilk uchrashuv keskin kurashlarga boy tarzda ko‘rinish oldi. Har ikki jamoa futbolchilari ham bir qator xavfli vaziyatlar yaratishdi. Biroq gol urish hech bir jamoaga nasib etmadi va yarimfinal yo‘llanmasi taqdiri bugungi bellashuvga qoldi.
BILISH SHART: “Lokomotiv” – “Buxoro” juftligida g‘alaba qozonadigan jamoa kubok yarimfinalida “Qo‘qon-1912” – “Nasaf” juftligi g‘olibiga qarshi bahs olib boradi. Mazkur ikki jamoa ham bugun o‘zaro o‘yin o‘tkazishadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
&description=Toshkentning%20%26amp%3Bldquo%3BLokomotiv%26amp%3Brdquo%3B%20jamoasi%20joriy%20yilgi%20kubok%20bahslari%20chorakfinalida%20%26amp%3Bldquo%3BBuxoro%26amp%3Brdquo%3B%20klubi%20qarshilgini%20yengib%20o%26amp%3Blsquo%3Btishga%20urinib%20ko%26amp%3Blsquo%3Bradi.%26amp%3Bnbsp%3B%26amp%3Bnbsp%3B&image=%2Fimages%2Fnews%2Fuzb_kubogi2017.jpg&noparse=true){kind=link}