"Sheryurak" filmini ko‘rmagan inson yo‘q yurtimizda. Ajoyib ishlangan tarixiy film. Filmdagi eng oxirgi epizodni eslaysizmi? "Shunday qilib, ochlikdan sillasi qurigan, ruxan ezilgan shotland askarlarlari oxirgi kuchini to‘plab, o‘zidan har tomonlama kuchli ingliz armiyasiga qarshi ayovsiz jangga kirdi. Va o‘zining asriy orzusi - ozodlikka erishdi", — deb tugallanadi.
MTJmizning ayni damdagi xolatini xuddi shu filmdagi shotland jangchilariga o‘xshatdim. So‘ngi "hayot-mamot jangi" oldidan, mag‘lubiyatlar iskanjasi, omadsizlik, tanqidlar, tushunmovchiliklar ruhiy zo‘riqish... Albatta, bu qadar kuchli bosimni yengish oson ish emas.
MTJning ashaddiy muxlislari nomidan futbolchilariga murojaat qilmoqchiman. Yigitlar, tushunib turibmizki, sizlar JCHga chiqishni hammadan ko‘ra ko‘proq istaysiz. Turli gap-so‘zlarni yoddan chiqaring! Avvalgi o‘yinlar barchasi endi tarix. Unuting. Oldimizda xaqiqiy JANG turibdi. Hammasi bittagina mana shu o‘yinni o‘zidagina hal bo‘lib, biz Rossiya-2018 yo‘llanmasiga ega bo‘lishimiz uchun juda yaxshi imkoniyat bor. Ta’bir joiz bo‘lsa, jaxon chempionati uchun haqiqiy o‘yin ertaga bo‘ladi. Undan avvalgi o‘yinlar esa, shunchaki ertangi o‘yin uchun tayyorgarlik bo‘ldi hisob.
Koreya ustidan g‘alaba qozoning va guruxdagi vaziyat, tanqidlar, turli gap-so‘zlar, barcha-barchasini oyog‘ini osmondan qilib tashlang. Futbolchi bo‘lganingizdan beri o‘tkazgan o‘yinlaringizni eng sarasini, eng zo‘rini mana shu o‘yinda ko‘rsating. Qarib, keksayganingizda nabiralaringizga aynan mana shu tarixiy g‘alaba haqida hikoyalar aytasiz hali. Tasavvur qiling, ertangi g‘alaba bilan yurtimizning shaharu qishloqlari, choyxonayu guzarlarida bayram boshlanadi.
Shu birgina o‘yin bilan xalqimiz qahramonlari sifatida tarixdan joy olishingiz mumkin.
Yuz yillardan keyin:
"Shunday qilib, mag‘lubiyat va tanqidlardan charchab, sillasi qurigan O‘zbekiston milliy terma jamoasi futbolchilari 2017 yil 5 sentyabr kuni Janubiy Koreya ustidan g‘alaba qozondi va o‘zining uzoq yillik orzusi Jaxon chempionati"ga yo‘l oldi", — deya kelajak avlodlarimiz eslab yurishsin!
G‘alaba uchun biz muxlislar ham stadionda ko‘z ko‘rib, quloq eshitmagan, fantastik darajada qo‘llab-quvvatlashga tayyormiz! Siz va biz — bir jamoamiz!
Olg‘a, O‘ZBEKISTON!
Dilshodbek Nurmatov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
