Tim Keyxill 2017 yilda Avstraliya milliy jamoasi uchun 104-o‘yinini o‘tkazdi va 50-golini urdi. Hozircha «sokkeruz» rekordchisi Mark Shvarser natijasiga yetishi uchun Timdan yana 5ta o‘yin o‘tkazish talab etiladi.
Ayni payt ushbu yarim himoyachi qit’amizda o‘z termasi libosida 100dan ortiq uchrashuvda maydonga tushgan va hamon o‘ynayotgan o‘yinchilar orasida 22-o‘rinda turibdi.
Joriy yil Ismoil Matar (BAA), Li Dong Guk (J.Koreya) kabi faxriylarning o‘z milliy jamoasi safiga qaytgani ham o‘ziga xos voqeliklardan bo‘ldi.
An’anamizga sodiq qolgan holda, yana bir karra Osiyodagi termalarning gvardiyachilari va ularning faoliyatidagi o‘ziga xos qirralarga to‘xtalib o‘tishga ahd qildik.
Markaziy Osiyo futbol federasiyasi
O‘zbekiston. Termamizda atigi 2 kishi 100tadan ko‘p o‘yin o‘tkazishgan: Server Jeparov (128ta) va Temur Kapadze (119ta). 3-o‘rinda turgan Sasha Geynrix hisobida esa 97ta uchrashuv bor.
Katta ehtimol bilan aynan shu uchlik endi milliy jamoada o‘ynamasalar kerak. Lekin bu futbolchilar bilan termamiz o‘ziga xos yuksalish davrini bosib o‘tganini ham inkor etib bo‘lmaydi.
Eron. Sayid Jaloliddin Husayni (114ta o‘yin, 8ta gol). 1982 yil 3 fevralda tavallud topgan. Markaziy himoyachi. 2006 yilgi Osiyo o‘yinlariga jalb qilingan. 2007 yil fevralda Belarus termasiga qarshi bahsda ilk marta maydonga tushgan.
2007 yil 11 iyulda Osiyo kubogi bahslarining guruh bosqichida O‘zbekistonga qarshi bahsda hisobni tenglashtiruvchi gol muallifi bo‘lgan.
Shundan so‘ng Quvayt, Iroq, Madagaskar, Bahrayn, Tailand, Ummon va JCH-2018 saralashida «Bunyodkor» stadionida bosh jamoamiz darvozasiga gol urgan. 4 karra mamlakat chempioni. 2011 yilda qit’a ramziy termasiga kiritilgan (o‘sha tarkibda Server Jeparov ham bor edi).
Afg‘oniston. Ahmad Hatifi (34ta o‘yin, 4ta gol). 1986 yil 13 martda Kaliforniya shtatining Oklend shahrida tavallud topgan. Bu yarim himoyachi 2016 yildan buyon Oklendning «Deportivo Aguilixos» klubida o‘ynab kelmoqda.
Ahmad JCH-2018 saralashi doirasida Suriya va Shri-Lanka terma jamoalariga qarshi bahslarga chaqirilgandi. 2013 yil 20 avgustda Qobuldagi «G‘ozi» stadionida Pokistonga qarshi bahsning 32-daqiqasida termadagi ilk golini urgandi.
Tojikiston. Fathullo Fathulloyev (61ta o‘yin, 8ta gol). 1990 yil 24 martda tug‘ilgan. 2008 yildan buyon mamlakatning eng nomdor klubi - «Istiqlol» safida to‘p suradi.
2007 yilda J.Koreyada bo‘lib o‘tgan 17 yoshli o‘smirlar o‘rtasidagi jahon chempionatida ishtirok etgan. 2012 yilda Dushanbening «Istiqlol» klubi bilan OFK prezidenti kubogi sohibi bo‘lgan. 2015 yildan buyon termada gol urolmayapti.
Qirg‘iziston. DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
