Ispaniya chempionatining dastlabki 14ta turi ortda qoldi. Bu o‘yinlarda "Real" 8ta g‘alabaga erishdi, 4ta durang o‘ynab, 2 marta yutqazdi. Natijada Zidan shogirdlari 28 ochko bilan jadvalda 4-o‘rinni egallab turishibdi. Shuncha ochko jamg‘argan «Sevilya» 5-o‘rinni egallab turibdi va keyingi turda "Madrid"ga raqiblik qiladi.
«Qaymoqranglilar» ushbu mavsumda so‘nggi 9 mavsum ichida eng yomon natijani qayd etishmoqda. "Qirollik klubi" so‘nggi marta 2008/09 yilgi mavsumda Bernd Shuster qo‘lostida bundan ham yomonroq natija namoyish qilgandi: 14-turdan keyin 8 g‘alaba, 2 durang va 4 mag‘lubiyat — 26 ochko.
"Real" keyingi mavsumlarda dastlabki 14ta o‘yindan keyin ushbu mavsumdagidan kam ochko to‘plamagan. «Real Madrid»ning so‘nggi 10 mavsumda 14-turdan keyin natijalari quyidagicha bo‘lgan:
La Liga 2008/09: 26 ochko, murabbiy - Brend Shuster (5-o‘rin — 14-turdan keyin). Mavsum yakunida: 2-o‘rin (78 ochko).
La Liga 2009/10: 34 ochko, murabbiy - Manuel Pellegrini (2-o‘rin). Mavsum yakunida: 2-o‘rin (96 ochko).
La Liga 2010/11: 35 ochko, murabbiy - Joze Mourinyo (2-o‘rin). Mavsum yakunida: 2-o‘rin (92 ochko).
La Liga2011/12: 37 ochko, murabbiy - Joze Mourinyo (1-o‘rin). Mavsum yakunida: 1-o‘rin (100 ochko).
La Liga 2012/13: 29 ochko, murabbiy - Joze Mourinyo (3-o‘rin). Mavsum yakunida: 2-o‘rin (85 ochko).
La Liga 2013/14: 34 ochko, murabbiy - Karlo Anchelotti (3-o‘rin). Mavsum yakunida: 3-o‘rin (87 ochko).
La Liga 2014/15: 36 ochko, murabbiy - Karlo Anchelotti (1-o‘rin). Mavsum yakunida: 2-o‘rin (92 ochko).
La Liga 2015/16: 30 ochko, murabbiy - Rafa Benites (3-o‘rin) Mavsum yakunida: 2-o‘rin (90 ochko).
La Liga 2016/17: 34 ochko, murabbiy - Zayniddin Zidan (1-o‘rin). Mavsum yakunida: 1-o‘rin (93 ochko).
La Liga 2017/18: 28 ochko, murabbiy - Zayniddin Zidan (4-o‘rin).
«Madrid» La Liganing o‘tgan mavsumida har bir o‘yinda o‘rtacha 2,8ta gol urgandi. Ushbu mavsumda esa jamoa bitta o‘yinda kiritayotgan to‘plar soni 1,7tani tashkil qilmoqda. Jamoa hujumchilari Ronaldu va Benzema mazkur mavsumda bor-yo‘g‘i 2 martadan raqib darvozasini ishg‘ol qilishdi. Krishtianu «Madrid»ga kelgan 2009/10 mavsumdan buyon to‘purarlik ko‘rsatkichi bo‘yicha eng yomon natija namoyish qilmoqda. Avvalgi mavsumlarda portugaliyalik hujumchi ko‘proq gol urgandi: 6, 16, 6, 13, 17, 7, 10, 10 va… 2ta gol.
Krishtianu ushbu mavsumda raqiblar darvozasiga 68 marta zarba berib, ularning 2tasini golga aylantirdi (samaradorlik – 3,8 %). La ligada eng ko‘p gol urgan futbolchi Lionel Messi hisoblanadi. Argentinalik futbolchi 86ta zarba berib, 13ta gol urishga muvaffaq bo‘ldi (samaradorlik — 19%). Lekin Messi Ronalduga nisbatan 4ta o‘yin ko‘proq maydonga tushganini ta’kidlash lozim. Karim Benzema esa 21ta zarbaning 2tasini golga aylantirdi (samaradorlik — 11%).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
