Shtefani Graf XX asrning eng mashhur va ko‘p mukofotlarni qo‘lga kiritgan tennischisi hisoblanadi. Nemis sportchisi 22 ta rekordli g‘alabani qayd etgan. U Katta shlem turnirining eng omadli vakillaridan biri hisoblanadi. O‘yin uslubi, tezkor xatti-harakati va kurashuvchanligi tufayli Shteffi Grafni «tennis mashinasi» deb atashgan va atab kelishmoqda. MASHHURLIK SARI
Shtefani Mariya Graf 1969 yilning 14 iyunida Bryul shahrida tug‘ilgan. Onasi uni yoshligida «Shteffi» deb chaqirgan va sportchi aynan shu ism bilan tanilgan. Graf 3 yoshida katta sport sari birinchi qadamini qo‘yadi. Uning tennisdagi birinchi murabbiyi otasi bo‘lgan. 12 yoshida Graf tennis bo‘yicha Olimpiya o‘yinlarida ishtirok eta boshlaydi. 1982 yilda esa professional tennischi sifatida tan olinadi. Uning mashhurlikka burkangan davri 1987 yilning 17 avgustidan boshlanadi, aynan shu kuni u dunyoning 1-raqamli tennischisiga aylanadi.
AQL BOVAR QILMAS YIL
1988 yil tennisda faqat bitta sportchi — Shteffi Grafga ataldi. Shu yili u «Katta shlem» turnirining g‘olibiga aylandi (Rolan Garros, Uimbldon, Avstraliya va AQSH ochiq chempionatlarida bosh sovrinni qo‘lga kiritdi). Shuningdek, Graf Umbldonning juftlik bahslarida Gabriela Sabatini bilan juftlik hosil qilib, g‘oliblikka erishdi. Aynan shu yili germaniyalik sportchi Seulda Olimpiada o‘yinlari chempionligini ham tantana qildi. Shuningdek, aynan Seuldagi turnirning juftlik bellashuvlarida bronza medal sohibasiga aylandi. Shteffi dunyoning eng kuchli sportchisi nomiga ham munosib ko‘rildi. To‘g‘ri, Graf butun faoliyati davomida, ayniqsa, o‘sha 1988 yildan keyin ham ko‘plab yutuqlarga qo‘lga kiritdi, ammo keyinchalik hech qaysi yilda 1988 yildagidek muvaffaqiyatga erisha olmadi. Hatto keyingi yillarda sayyoramizning tengsiz sportchisiga aylangan bo‘lsa ham. Shundan keyin tennischi «Katta shlem» turkumiga kiruvchi musobaqalarda omadli ishtirok etdi, ammo «Rollan Garros» turnirining dramatik tarzda kechgan final o‘yinida ispaniyalik raqibi Arancha Sanches-Vikarioga imkoniyatni boy berib qo‘ydi. Aynan ana shu ispaniyalik tennischi Fransiya ochiq chempionatida Grafning asosiy raqiblaridan biri sifatida e’tirof etildi. Biroq bu safar omad Grafga kulib boqdi. «Nemis mashinasi»dan mag‘lub bo‘lgach, Arancha Shteffi haqida shunday degandi: «Uni hech kim hech qachon to‘xtata olmaydi. Men Yaratgandan faqat bitta narsani — Shteffining tezroq turmushga chiqib, kortni tark etishini so‘ragan bo‘lardim». Davomi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
