Nodirbek Abdusattorov shaxmat bo‘yicha nufuzli TEPE Sigeman turnirida muvaffaqiyatli ishtirok etmoqda. U 4-tur doirasida hindistonlik Arjun Erigaisiga qarshi bahs olib bordi va durang qayd etdi.
Vaholanki, o‘yin davomida hamyurtimiz ustunlikka erishgan edi. Ammo 30-yurishda noaniqlik yo‘l qo‘yishi oqibatida vaziyat tenglashib qoldi. Arjun bahs oxirigacha to‘g‘ri himoyalandi va bellashuv 62-yurishda yakunlandi. Shu tariqa, Nodirbek ochkolari sonini 2,5 taga yetkazib olgan holda qo‘shimcha ko‘rsatkichlarga ko‘ra, 2-o‘rinni egallab turibdi. Birinchi o‘ringa esa turkiyalik Yagiz Kaan Erdogmush ko‘tarilib oldi (3 ochko).
Jahonning birinchi raqamli shaxmatchisi Magnus Karlsen va niderlandiyalik Yorden van Forest o‘rtasidagi o‘yin dramatik kurashlar ostida kechdi. Norvegiyalik shaxmatchi o‘yin o‘rtalarida sifat berishgga majbur bo‘ldi va ustunlik van Forest tomoniga o‘tdi. Magnus esa yaxshi himoyalanib, endshpilga kelganda vaziyatni tenglashtira oldi. Ammo har ikki shaxmatchi seytnotga kirib qolgani uchun birin-ketin xatolarga yo‘l qo‘ya boshlashdi. 88-yurishga kelib Karlsenning Oti qo‘lga tushgach, u o‘z mag‘lubiyatini tan oldi.
Musobaqa 7 mayga qadar Shvesiyaning Malmyo shahrida bo‘lib o‘tadi. Ushbu turnirda Nodirbek Abdusattorovdan tashqari Magnus Karlsen (Norvegiya), Arjun Erigaisi (Hindiston), Jorden van Forest (Niderlandiya), Nils Grandelius (Shvesiya), Yag‘iz Kaan Erdog‘mus (Turkiya), Endi Vudvard (AQSH) va Ju Jiner (Xitoy) ishtirok etmoqda.
Vaqt nazorati va o‘ziga xos qoidalar
Turnir klassik shaxmat qoidalariga ko‘ra, quyidagi vaqt nazoratida o‘tkaziladi:
Dastlabki 40 ta yurish uchun 90 daqiqa;
O‘yin oxirigacha esa yana 30 daqiqa vaqt beriladi;
Birinchi yurishdan boshlab har bir yurish uchun 30 soniya qo‘shib boriladi.
Musobaqada "Malmyo qoidalari" amal qiladi — unga ko‘ra, o‘yinchilar 40-yurishga qadar o‘zaro durangga kelishishlari taqiqlanadi.
Musobaqa formati
8 nafar ishtirokchi 7 ta tur davomida aylanma (round-robin) tizimida bir-biriga qarshi bahs olib boradi.
Ma’lumot uchun, ushbu turnirda ketma-ket ikki yildan buyon o‘zbekistonlik shaxmatchilar g‘alaba qozongan. 2024-yilda Nodirbek Abdusattorov, 2025-yilda esa Javohir Sindorov chempionlikni qo‘lga kiritgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
