Yangi asr natijalari bo‘yicha aytsak, «ko‘hna qit’a»ning qaysi elit ligasi eng ko‘p chempion klubga ega?
Ya’ni bu davrda qaysi yurtda oltin medal sohibi tez-tez almashib turgan - Rossiyadami, Ispaniyadami yoki Angliyada? Soccer.ru sayti 9ta milliy chempionatning g‘olib jamoalarini sanab chiqish asnosida «intriga» darajasini aniqlashga urindi.
Aytish joiz, hisob-kitob uchun olingan davrda aksariyat ligalarda 17 mavsum (ba’zilarida 16 mavsum) o‘ynalgan.
*** APL yangi asrda 5ta chempion jamoa bilan tanishdi. Boz ustiga, mavsum-2000|2001dan keyin 17ta oltin medaldan 12tasi 2ta klubga nasib etdi: «MYU» 7 marta chempionlikni tantana qilgan bo‘lsa, «Chelsi» 5 bora taxtga ko‘tarildi. Oddiy aytganda, atigi 5 mavsum yakunida boshqa klublar muxlislari bayram qilishdi.
Xullas, «Arsenal» va «Manchester Siti» jamoalari 2 martadan g‘olib chiqishdi va bir safar chinakam «sensasiya» kuzatildi (APL tarixida ikkinchi marta): «Lester» yangi «Blekbern» qiyofasida namoyon bo‘ldi. Ha, Angliyada chempion jamoalar soni juda kam. Ammo shuning barobarida alohida aytish kerak, 17 mavsumdan atigi 4tasida amaldagi g‘olib o‘z maqomini saqlab qoldi.
APL aynan shunisi bilan zo‘r! Yangi asrda bu ishni birinchi bo‘lib «Chelsi» uddaladi (2006 yili), keyin esa «MYU» ketma-ket 3 bora «oltin»ga burkandi. Shundan so‘ng qatorasiga 8 yil chempion almashdi, joriy mavsum yakunida ham shunday bo‘lishi hozirdan ma’lum, hisob. Har holda, amaldagi chempion - «Chelsi»ning 1-o‘ringa ko‘tarilish imkoniyati haminqadar. Xulosa shuki, APL «qirol»larni almashtirib turishni xush ko‘radi.
*** La-liga yangi asrda 4ta chempion jamoa bilan tanishdi. Biroq Ispaniya elit divizioni va APL o‘rtasida sezilarli farq bor. Hisob-kitob uchun olingan davr rekordchisi - «Barselona» 8ta «oltin»ga ega, «Real» esa 6 bora g‘olib chiqdi. Demak, 17 mavsumning naq 14tasi ikki yetakchiga atalgan.
Qolgan 3 mavsumda «Valensiya» (2 marta) va «Atletiko» «gegemon»lar seriyasini uzib qo‘yishga erishgan. Yangi asr hisobidan 5-chempion qachon bo‘y ko‘rsatishini aytish esa juda mushkul, juda... Primeroda ham chempionlik maqomini himoya qilish oson emas. Yangi asrda amaldagi g‘olib atigi 5 marta keyingi mavsumda ham taxtda qolgan.
Tabiiyki, oltin medalni ketma-ket ravishda qo‘lga kiritish «Real» va «Barselona»ga nasib etgan, xolos. Cho‘qqida uzoq turish bo‘yicha esa Kataloniya klubi oldinda - «blaugrana» Xosep Gvardiola boshqaruvida ketma-ket 3 yil taxtdan tushmagandi. Darvoqe, «Real» chempionlik seriyasini so‘nggi marta o‘tgan asrning 80-yillari oxirida qayd etgan.
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
