Osiyo chempionlar ligasining 4-turidan o‘rin olgan «Lokomotiv» va «Ad-Duhail» jamoalari uchrashuvidan (1:2) so‘ng mehmonlar ustozi Jamol Belmadiy va o‘yin qahramoni Yusuf al-Arabiy o‘yin borasida fikrlari bilan o‘rtoqlashdi.
Jamol Belmadiy: — Bugungi uchrashuv murakkab bo‘lishini bilardik, lekin g‘alabaga ishonchimiz bor edi. To‘g‘ri birinchi bo‘limda o‘yinimiz o‘xshamagan bo‘lishi mumkin. Lekin ikkinchi bo‘limda qilgan o‘zgarishlarimiz samarasini berdi. Tanaffusdan so‘ng butunlay o‘yinni o‘z qo‘limizga oldik. G‘alabaga haqli edik va bu ishni uddalay olganimizdan xursandman.
Al-Arabiy: — Bugungi uchrashuvda g‘alaba qozonganimizdan xursandman. To‘rtinchi uchrashuvda ham g‘alabani qo‘lga kiritdik. Osiyo chempionlar ligasini muvaffaqiyatli o‘tkazmoqdamiz. Bu xarsand qilmasdan qolmaydi. Birinchi bo‘limda ko‘zlagan o‘yinimizni ko‘rsata olmadik. Ammo ikkinchi bo‘limda murabbiylar ko‘rsatmasini to‘g‘ri bajarib g‘alabani qo‘lga kiritdik. O‘yin so‘ngida ikkita gol kiritganimdan xursandman. Lekin eng ko‘p xursand qilgani bu jamoamning g‘alaba qozongani bo‘ldi.
— «Ad-Duhail» bu uchrashuvda g‘alaba evaziga keyingi bosqich masalasini hal qildi. Endi jamoa bu musobaqada ko‘zlagan maqsadi haqida ochiq ayta olasizmi?
— Birinchi navbatda maqsadimiz guruh bosqichini birinchi o‘rinda yakunlash. Keyin esa qolgan maqsadlar sari harakat qilamiz. Imkon qadar musobaqada muvaffaqiyatliroq qatnashib, uzoqroqqa borishni ko‘zlaganmiz.
— Keyingi bosqich yo‘llanmasi qo‘lga kiritilgandan so‘ng so‘nggi ikki turda yetakchi futbolchilarga dam beriladimi?
— Buni o‘yin arafasida o‘ylab ko‘ramiz. Balki ba’zi o‘yinchilarga dam berish ham to‘g‘ri bo‘lar. Ammo jamoa konsentrasiyani yo‘qotib, butunlay o‘yinni tashab qo‘yishiga yo‘l qo‘ymaymiz. O‘zgarishlar bo‘lishi tabiiy, ammo bu katta bo‘lmaydi.
— Qatar yulduzlar ligasida to‘purar bo‘lishdan tashqari OCHLda ham bu imkoniyatga ega bo‘lib turibsiz. Bu imkoniyatdan foydalanasizmi?
Yusuf al-Arabiy: — Albatta to‘purar bo‘lish yaxshi. Lekin birinchi navbatda jamoaning muvaffaqiyati turadi. Shu paytgacha erishgan natijalarimda birinchi navbatda ularning hissasi katta. Ali Muaz ham boshqa futbolchilar ham bunda katta hissa qo‘shishdi.
— «Lokomotiv» murabbiyi o‘rnida bo‘lganingizda bugun 60-daqiqadan keyin qanday taktika qo‘llagan bo‘lardingiz?
Jamol Belmadiy: — Umuman «Loko» murabbiyi o‘rnida gapirishim to‘g‘ri bo‘lmaydi. Uning yaxshi murabbiy ekani ko‘rinib turibdi. Ammo murabbiy maydonda qanday taktika tanlamasin, futbolchilar bu ishni bajara olmasa, buning foydasi yo‘q.
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
