Bugun Yevropa chempionlar ligasining chorak final javob o‘yinlariga start beriladi.
Seshanba kuni ko‘pchilik muxlislar e’tibori Manchester shahridagi "Etixad" stadioniga qaratiladi.
Unda Angliyaning ikki nomdor klublari "Mancheste Siti" va "Liverpul" o‘zaro bahs olib borishadi. www.uzreport.news sayti esa mazkur uchrashuvning qisaqacha prevyusini e’tiboringizga havola etadi.
10 aprel 2018 yil. Soat 23:45. Manchester shahri. "Etixad" stadioni. Chempionlar ligasi 1/4 final bosqichi. Javob o‘yini (Birinchi uchrashuv - 0:3)
"Manchester Siti" (Angliya) – "Liverpul" (Angliya)
Qaysi telekanalda tomosha qilish mumkin: UZREPORT TV
Diskvalifisiyalar: Djordan Xenderson ("Liverpul")
Jarohatlar: Djon Stounz (?), Benjamen Mendi - Muxammad Salax, Endryu Robertson, Alberto Moreno (barchasi so‘roq ostida), Djo Gomes, Adam Lallana, Joel Matip, Emre Djan
Taxminiy tarkib:
"Manchester Siti" - Ederson, Delf, Otamendi, Kompani, Uoker, Fernandinyo, Silva, Bryuyne, Sane, Aguero, Sterling.
"Liverpul" - Karius, Robertson, Deyk, Lovren, Arnold, Milner, Veynaldum, Oksleyd-CHemberlen, Mane, Firmino, Salah.
Chempionlar ligasi tarihida eng esda qolarli kambeklar ikki marotaba sodir bo‘lgan. Birinchi marta bunday sexrgarlikni 2004-yilda "Deportivo" amalga oshirgan va "Milan"ni musobaqadan chiqarib yuborgan. Ikkinchisi o‘tgan mavsumda "Kamp Nou"da bo‘lgan va unda "Barselona" 4ta to‘p farqini yo‘qqa chiqarib "PSJ"ni sharmanda qilgan.
"Manchester Siti" ham bu ishni takrorlay olsa bu ham yuqoridagi kambeklardan qolishmaydigan darajada kelajakda eslanadi. "Shaharliklar" bu mavsum o‘zlari uchun kerakli bo‘lgan natijani APL doirasida qo‘lga kirita olishgandi ("Manchester Siti" - "Liverpul" 5:0). Biroq unda mersisaydliklar maydonda bir kishi kam bo‘lib o‘ynashlariga to‘g‘ri kelgandi. O‘sha mag‘lubiyatdan so‘ng "Liverpul" o‘z o‘yinini ancha kuchaytirishga muvaffaq bo‘ldi va hozirda Grand jamoalarni ham yirik hisoblarda mag‘lubiyatga uchratishi mumkinligini ko‘rsatib qo‘ymoqda.
Bo‘lajak o‘yinga ikki jamoa ichki chempionatdan so‘ng g‘alabasiz o‘yindan so‘ng tashrif buyurishmoqda. Vaholaki bu o‘yinga Xosep Gvardiola shogirdlari Angliya chempioni maqomi ostida tashrif buyurishlari ham mumkin edi. Biroq Manchester derbisidagi alamli mag‘lubiyat ("Manchester Siti" - "Manchester Yunayted" 2:3) ularni chempionlikni tantana qilishlarini yana bir tur keyinga surib qo‘ydi.
"Liverpul" ham bu o‘yindan oldin o‘z hamshahariga qarshi bahs olib bordi. Yurgen Klopp "Everton"ga qarshi o‘yinga jamoaning asosiy futbolchilarini tushirmaslikka qaror qildi va yakunda 0:0 hisobidagi durangga imzo qo‘ydi.
O‘yindan oldin murabbiylar fikri:
Xosep Gvardiola ("Manchester Siti" bosh murabbiyi") Mening fantastik jamoam bor, ularni hech kim bilan taqqoslab bo‘lmaydi. Bu o‘zgacha maqomdagi top-klub. Ularni shug‘ullantirish - haqiqiy zavq. "MYU" bilan o‘yinda ham ulardan mamnun bo‘ldim. Biz Yevropada hamma jamoa bilan o‘ynashga tayyormiz, ammo biz chiqmoqchi bo‘layotgan tog‘, juda baland. Balki keyingi qadamni tashlashimiz uchun katta vaqt kerakdir. Bu mavsumda o‘tgan galgisidan yaxshiroq bo‘ldik, his qilyapman - keyingisida yanada yaxshiroq bo‘lamiz. Oldinga intilishimiz kerak va buni hoziroq bajarmoqchimiz.
Yurgen Klopp ("Liverpul" bosh murabbiyi) Ular o‘yinni xuddi "MYU" bilan bo‘lgani kabi boshlashlari mumkin, o‘shanda ular yarim soat ichida ikkita gol urgan edilar. Bu men ko‘rgan birinchi bo‘limlarning ichida eng zo‘ri edi. Ular haqiqiy dovul uyushtirdilar. Ammo ikkinchi bo‘limda o‘yin o‘zgardi. Bizning o‘yinda turli ssenariylar kechishi mumkin. Ular erta gol urishlari, biz erta gol urishimiz va hakazo. Men shogirdlarimga: "Yigitlar! Iloji boricha tezroq gol uring!" deyishim mumkin. Buning yordam berishiga ishonmayman. Biz kengroq mulohaza yuritishimiz kerak - maydonda qayerda va nima qilish haqida. Birinchi o‘yindan so‘ng shogirdlarim o‘yinning faqat yarmi o‘tganini bilishdi. Hisobda oldinda ekanimiz - biz g‘alaba qozonamiz degani emas. Javob uchrashuvini yaxshi o‘tkazishga harakat qilamiz.
O‘zaro uchrashuvlar: 180ta
"Manchester Siti" - 45ta g‘alaba
"Liverpul" - 88ta g‘alaba
Durang - 47ta
To‘plar nisbati: "Liverpul" 320 - 237 "Manchester Siti"
Angliya. Liverpul. "Enfild". 50685 muxlis
"Liverpul" (Angliya) - "Manchester Siti" (Angliya) 3:0
Gollar: Salah 12, Oksleyd-CHemberlen 20, Mane 31
"Liverpul" (Angliya): Karius, Lovren, van Deyk, Robertson, Arnold, Salah (Veynaldum 52), Milner, Oksleyd-CHemberlen (Moreno 85), Xenderson, Mane, Firmino (Solanke 71)
"Manchester Siti" (Angliya): Ederson, Otamendi, Uoker, Lyaport, Kompani, Silva, Gyundogan (Sterling 57), De Bryuyne, Sane, Fernandinyo, Jezus.
Ogohlantirish: Xenderson 86 - Otamendi 45+3, Jezus 76, De Bryuyne 80, Sterling 90+2.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
