Futzal bo‘yicha "Neftchi" jamoasi so‘nggi turni Buxoroda o‘tkazdi. Safarda o‘tgan ilk bellashuvda 1:2 hisobida g‘alaba qozongan farg‘onaliklar javob bahsida 2:2 natijasida durangga imzo chekishdi. Buxoro safaridan qaytgan jamoa murabbiyi Boburbek Madaminov klub rasmiy sayti uchun qisqacha intervyu berdi.
- "Buxoro" kuchli futzal jamoa hisobnaladi. Chunki avvaldan Buxoroda sportning mazkur turi keng rivojlanib kelgan. Biz esa joriy yildan yangi jamoa tuzdik. Shu sabab o‘yin oldidan biroz xayajon kuzatildi. Bahs yaxshi kechdi. G‘alabaga bo‘lgan intilishimiz natijasida zafar quchdik deb o‘ylayman, - deb gap boshladi Madaminov
- Ikkinchi o‘yinda esa durang kuzatildi. Qo‘shaloq g‘alabaga nima yetishmadi ?
- Ikkinchi bahsda "Buxoro" o‘yinni yanada kuchaytirdi. Chunki uyda mag‘lub bo‘lgan jamoa galdagi o‘yinda g‘oliblik uchun intildi. Biz ham bo‘sh kelmadik. Birinchi bo‘limdan so‘ng 0:2 hisobida g‘alaba qozonayotgan edik. Afsuski, navbatdagi bo‘limda "Buxoro" hisobni durang ko‘rinishiga olib keldi hamda yakuniy 2:2 natijasi kuzatildi.
- Jamoa ko‘rsatayotgan natijalar hamda o‘yinidan qoniqyapsizmi ?
-Albatta. Yangi jamoa uchun yuqori natijalar qayd etyapmiz deb o‘ylayman. Shu ruhda davom etamiz.
- Futzal jamoalari o‘rtasida raqobat qanday ?
- Bu yil xar bir klubning futzal jamoasi bo‘lish kerakligi alohida ko‘rsatib qo‘yildi. Shunga monand e’tibor va talab ham oshdi. Oqibatda futzal klublari o‘rtasida ijobiy, shu bilan birga sof raqobat yuzaga kelyapti.
- Jamoa bosh murabbiy Farrux Zokirovga yordam beryapsiz. Zokirovni O‘zbekiston futzal terma jamoasining sobiq a’zosi sifatida yaxshi bilamiz. Mazkur mutaxassisning murabbiylik sohasidagi faoliyati haqida fikr bildirsangiz ?
- Farrux Zokirovning futzalda tajribasi katta deb o‘ylayman. Ortda qolgan o‘yinlarda uning murabbiylik salohiyati sabab yaxshi natijalar qayd etib boryapmiz.
- Oldinda "Neftchi"ni viloyat derbisi kutmoqda. "Qo‘qon-1912" futzalchilari bilan bahsdan nimalar kutyapsiz?
- Faqat g‘alaba!Nafaqat futbolda balki futzalda ham derbilar yuqori suratda kechadi. Bo‘lajak o‘yinda keskin va murosasiz kurashlarga boy o‘tishi aniq. Shu sabab muxlislar futzal bellashuvlariga ham kelib jamoamizni qo‘llab-quvvatlashlarini so‘rardim.
Hojiakbar Jabborov suhbatlashdi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
