Aprel oxiri va mayning birinchi yarmida jahon terma jamoalari ishtirokida ko‘p o‘yin bo‘lgani yo‘q. Shunga muvofiq, FIFA reytingida katta o‘zgarishlar ro‘y bermadi.
Deylik, 17 may kuni e’lon qilingan ro‘yxatning dastlabki 47 pog‘onasi o‘z holicha qoldi. To‘g‘ri, Germaniya va Polsha terma jamoalarining ochko zaxirasi biroz oshdi. Yangi hisob-kitoblarga ko‘ra, FIFA reytingida eng katta o‘sishga erishgan jamoa - bu Quvayt termasi.
Quvaytliklar 11 may kuni «Al Quvayt Sports Klub» stadionida Falastin termasini qabul qilib, 2:0 hisobida ishonchli g‘alabaga erishishdi.
Umuman, FIFA safiga 2017 yil dekabrda qaytgan Quvayt termasi oxirgi 6 oy davomida 1ta durang va 4ta mag‘lubiyat qayd etgandi.
Ummon termasi avvalgi o‘rnidan siljimagan bo‘lsada, milliy jamoamizdan bir pog‘ona oldinda. Qisqasi, bosh jamoamiz Osiyo miqyosida 12-o‘rin, umumiy ro‘yxatda esa 88-o‘rinda qoldi...
*** OFK vakillaridan Saudiya Arabistoni termasi 70-o‘rindan 3 pog‘ona yuqoriladi. Saudlar 9 may kuni Ispaniyaning Kadis shahrida Jazoir termasini va 15-sanada Sevilyada greklarni 2:0 hisobida taslim etishdi. To‘g‘ri, ikkinchi g‘alaba hozircha arab jamoasining umumiy hisob-kitobiga yozilmagan. Aks holda, arablar umumiy reytingda yanada yuqoriga ko‘tarilishardi.
***Osiyo kubogi-2019 guruh bosqichidagi raqiblarimizdan ikkisi bizdan yuqorida va biri pastda: Yaponiya - 60-o‘rin (528 ochko); Ummon - 83-o‘rin (383 ochko); Turkmaniston - 128-o‘rin (242 ochko).
*** O‘z tarixida ilk marta mundial final raundiga yo‘l olgan Islandiya (22-o‘rin) va Panama (55-o‘rin) terma jamoalarining reyting holatida katta o‘zgarish sezilmayapti. Islandlar bir yilcha oldin 21-o‘rinda edilar, panamaliklar esa 57-qatorda.
Oy davomida eng katta o‘sishga erishgan jamoalar (o‘rinlar bo‘yicha)
1. Quvayt: +16 o‘rin
2. Grenada: +8 o‘rin
3. Benin: +6 o‘rin
Botsvana: +6 o‘rin
5. Saudiya Arabistoni: +3 o‘rin
Oy davomida eng katta qulashga yuz tutgan jamoalar (o‘rinlar bo‘yicha)
1. Falastin: -13 o‘rin
2. Sent-Lyusiya: -6 o‘rin
3. Yamayka: -4 o‘rin
Sent-Kits va Nevis: -4 o‘rin
5. Iroq: -3 o‘rin
Zimbabve: -3 o‘rin
Madagaskar: -3 o‘rin
Chad: -3 o‘rin
Oy davomida eng katta o‘sishga erishgan jamoalar (ochkolar bo‘yicha)
1. Quvayt: +37,87 ochko
2. Botsvana: +18,63 ochko
3. Benin: +17,91 ochko
4. Saudiya Arabistoni: +16,99 ochko
5. Barbados: +11,1 ochko
Oy davomida eng katta yo‘qotishga yuz tutgan jamoalar (ochkolar bo‘yicha)
1. Falastin: -44,26 ochko
2. Yamayka: -24,79 ochko
3. Jazoir: -16,85 ochko
4. Sent-Lyusiya: -10,06 ochko
*** 2017 yilning mayida e’lon qilingan FIFA reytingiga solishtirsak, O‘zbekiston milliy jamoasi 12 oy davomida 60-o‘rindan 88-o‘ringa tushdi. O‘shanda OFK miqyosida 6-o‘rinda edik. Mana, oradagi bir yilda Suriya, BAA, Livan va Ummon termalari bizdan o‘zib ketdi.
*** Eng yuqorida turgan Germaniya va Braziliya termalari orasida 160 ochkolik farq bor. Diqqat qiling, JCH-2018ga yo‘l ololmagan Chili termasi 9-o‘rinda, Uels jamoasi esa 21-qatorda. 2014 yili reyting bo‘yicha 16-o‘rinda turgan Ukraina termasi Braziliya mundialiga yo‘l ololmagandi. Endi esa 9-o‘rin sohibi - KONMEBOLning amaldagi chempioni Chili jamoasi chetda.
*** O‘tgan safar mundial ishtirokchilari orasida Avstraliya termasi reyting bo‘yicha eng past pog‘onadan joy olgandi - 62-qator. Endi bu «rol» Saudiya Arabistoni termasiga tegishli - 67-o‘rin.
*** 2017 yilning may oyida kuchli beshlik quyidagi ko‘rinishda edi: Braziliya, Argentina, Germaniya, Chili va Kolumbiya. Ayni payt elit guruh tarkibi ancha o‘zgargan: Germaniya, Braziliya, Belgiya, Portugaliya va Argentina. Qisqasi, yil davomida KONMEBOL vakillari - Chili va Kolumbiya termalari o‘rnini UYEFA a’zolari - Belgiya va Portugaliya jamoalari egalladi.
*** Yevropaning amaldagi chempioni Portugaliya termasi bir yil davomida 8-o‘rindan 4-qatorga ko‘tarilgani bilan ajralib turibdi.
*** Ta’kidlash joiz, 2017 yil avvalidagi ro‘yxatga asosan aytsak, FIFA safida 211ta a’zo assosiasiya bor. Lekin ulardan 5tasi - Angilya, Bagama orollari, Eritreya, Somali va Tonga) hisobida hozircha umuman ochko yo‘q. Gibraltar termasibir yil davomida 34 ochko jam-g‘arib, 196-o‘ringa chiqdi.
FIFA reytingi (OFK miqyosida)
O‘rin +|- Terma Ochko +|-
36 0 Eron 727 -0,08
40 0 Avstraliya 700 -0,43
60 0 Yaponiya 528 +0,22
61 0 J.Koreya 520 -0,25
67 +3 S.Arabistoni 462 +16,99
73 0 Xitoy 431 +0,19
75 0 Qirg‘iziston 424 -0,43
76 0 Suriya 423 -0,15
81 0 BAA 405 -0,2
82 0 Livan 404 +0,1
87 0 Ummon 383 -0,49
88 0 O‘zbekiston 381 -0,04
91 -3 Iroq 372 -8,64
96 -13 Falastin 357 -44,26
97 0 Hindiston 354 +0,41
101 0 Qatar 339 +0,15
102 +1 Vyetnam 334 +3,1
110 +2 KXDR 297 +5,1
111 +2 Filippin 289 +0,24
116 0 Bahrayn 281 -0,34
118 -1 Iordaniya 272 -0,23
120 -2 Tojikiston 266 -4,7
121 0 Xitoy Taypeyi 263 -0,15
122 0 Tailand 253 -0,35
124 +1 Yaman 251 +1,08
128 +1 Turkmaniston 242 +0,26
135 0 Myanma 227 -0,44
140 +2 Afg‘oniston 199 +4,79
144 -2 Gonkong 194 -0,34
148 -1 Maldiv or. 183 -0,03
160 +16 Quvayt 126 +37,87
164 -2 Indoneziya 111 -0,49
164 -2 Nepal 111 -0,1
170 -2 Kambodja 105 -0,29
171 -1 Malayziya 104 -0,38
172 0 Singapur 102 +0,15
179 0 Laos 80 -0,31
184 0 Butan 68 0
186 0 Makao 60 +0,11
188 0 Mo‘g‘uliston 51 0
189 0 Guam 45 -0,04
190 0 Sharqiy Timor 44 -0,06
195 -1 Bruney 36 +0,12
197 0 Bangladesh 33 +0,19
200 0 Shri-Lanka 17 -0,24
203 0 Pokiston 10 +0,17
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
