Xosep Gvardiola nafaqat dunyoning eng omadli murabbiylaridan biri, balki yana jahon modasi bilan hamnafas yuradigan yorqin siymodir.
Nisbatan qisqa faoliyati davomida Ispaniya Primerosi, Germaniya Bundesligasi va Angliya Premyer-ligasidek kuchli ligalarda g‘alaba nashidasini surishga ulgurgan kataloniyalik mutaxassis chindan ham, kiyinish va yurish-turish bobida doimo ajralib turadi.
Sports.ru saytining e’tirof etishicha, Pepning kiyinish masalasidagi alohida yetti uslubi diqqatga sazovor.
1. Badanga yopishib turuvchi kostyum
Xosep Gvardiola «Barselona»dagi faoliyatidayoq kataloniyaliklarni imkoni bor barcha sovrinlar sari yetaklash barobarida badanga yopishib turuvchi nafis kostyumi bilan ko‘zga tashlangan edi. Umuman, o‘sha vaqtdayoq ushbu kiyinish uslubi murabbiyning o‘ziga xos «tashrif belgisi»ga aylandi.
Gvardiola shundan keyin «Bavariya» boshqaruvini qo‘lga oldi va o‘z obrazini qomatga yopishib turuvchi yoqasiz va tugmasiz trikotaj libosi bilan to‘ldirdi. E’tiborlisi, Xosep rasmiy tadbirlar uchun hamisha nimchali kostyum va nafis bo‘yinbog‘ tanlaydi.
2. Sport uslubi
Kataloniyalik mutaxassis «Manchester Siti» bosh murabbiyi lavozimiga tayinlanganidan buyon jiddiy kiyinishdan asta-sekin voz kechib, sport uslubiga og‘a boshladi. Oddiy aytganda, bejirim ko‘ylak va pidjak, nozik bo‘yinbog‘ni oddiy jemfer yoki futbolka hamda kurtkaga almashtirdi, oyog‘ida esa tufli emas, kedani ko‘rishga odatlandik.
«Ha, odatda doimo kostyum kiyardim. Ularni turmush o‘rtog‘im tanlab berardi. Biroq bu yil ushbu uslubdan biroz zerikdim va yengilroq kiyinishga o‘tdim. Muhimi, hozirgi liboslarda o‘zimni qulay his qilyapman.
Irimga kelsak, o‘yindan oldin hech narsaga qat’iy amal qilmayman. Bitta istisno bor - har doim uchrashuv arafasida turmush o‘rtog‘im bilan telefon orqali gaplashaman, albatta», - deydi Gvardiola yangi uslubi haqida.
3. Palto
Gvardiola endilikda partushak (momiq ustki kiyim)dan yengil paltoni ma’qul ko‘rmoqda. U shuning barobarida palto ichidan gohida klassik kostyum, ba’zan esa jemfer kiyishi mumkin. Oyog‘ida yana keda.
4. Stone Island
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
&description=Xosep%20Gvardiola%20nafaqat%20dunyoning%20eng%20omadli%20murabbiylaridan%20biri%2C%20balki%20yana%20jahon%20modasi%20bilan%20hamnafas%20yuradigan%20yorqin%20siymodir.&image=%2Fimages%2Fnews%2Fpep_stil.jpg&noparse=true){kind=link}