Lukas Podolski futbolchilik faoliyati davomida ko‘plab muxlislar mehrini qozondi. Uning o‘tmishidan xabar topganlar ham bu noyob shaxsni yoqtirib qolishlari muqarrar.
Sports.ru Polshada tug‘ilib, keyinchalik Germaniya termasi va Londonning «Arsenal» klubida yetakchilik qilgan hujumchi haqida so‘z yuritadi.
Polyakcha ibtido va futboldagi ilk qadamlar
Lukas Yuzef Podolski Polshada tug‘ilib, sportchilar oilasida ulg‘aygan. Onasi Kristina gandbol bo‘yicha Polsha ayollar termasida o‘ynagan, otasi 1980 yili «Shomberki» tarkibida mamlakat chempionligini nishonlagan.
1987 yili, Lukas tug‘ilganidan ikki yil o‘tib, Podolskilar oilasi Germaniyaga ko‘chgach, bo‘lajak jahon chempioni olmonlar yurtida yashab, voyaga yetdi. Uning bolaligi Kyoln yaqinidagi kichik shaharchalarda o‘tgan.
Yosh Podolski faoliyatini Bergxaymdagi o‘smirlar jamoasida boshladi. Qizig‘i, «Kyoln» klubi afsonalaridan biri Xarald Konopka ham futboldagi ilk qadamlarini shu yerda qo‘ygandi. 1991 yildan 1995 yilgacha Lukas kamtarona jamoaning bir qismiga aylandi. U eng faollardan biri edi va zavq-shavqqa to‘la Podolski 1995 yili «Kyoln»ning yoshlar jamoasiga qabul qilindi.
Shunga qaramay, Lukas ilk klubini hozirgacha qo‘llab-quvvatlab kelmoqda. Ba’zan jamoa o‘yinlariga tashrif buyuradi, klubdagi futbolchilar va rahbariyat bilan yaqin aloqa o‘rnatgan. Mahalliy aholining aytishicha, yuraging qayerda bo‘lsa, uying ham o‘sha yerda. Lukasning qalbi esa hamisha Bergxaym bilan birga edi.
Kyoln qahramoni
Garchi Podolski «Bavariya»ning taklifidan so‘ng «echkilar» safini tark etgan bo‘lsada (2006-2009), uni baribir, haqiqiy qahramon sifatida tan olishadi. Lukas borlig‘i bilan Kyolnga sodiq edi. U buni bir necha marta isbotlagan.
«Kyoln» 2004|2005 yillar mavsumini ikkinchi Bundesligada o‘tkazdi. Yevropaning kuchli klublaridan takliflar tushganiga qaramay, Podolski jamoasining elitaga qaytishiga ko‘maklashib, 20dan ortiq gol urdi. Boz ustiga, quyi divizionda to‘p surishiga qaramay, Lukas muntazam ravishda Germaniya termasiga jalb etildi.
Podolskini Kyolnda ajoyib o‘yin sifatlari orqali eslab qolishgan. U nafaqat mehnatsevar, balki iqtidorli hamdir. Lukas g‘ayritabiiy gol sezish qobiliyatiga ega. «Kyoln» libosida o‘tkazgan 6 mavsumi davomida 86ta gol urgani ham shundan dalolat berishi mumkin.
Rossiyaga o‘tish o‘xshamadi
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
