O‘tgan yil yozida rekord mablag‘ evaziga Parijga ko‘chib o‘tgan Neymar 1-Ligada o‘zining lagerini qurishni niyat qilgan edi. Biroq ishlar u o‘ylaganchalik bo‘lib chiqmadi. Ushbu transferga endigina bir yil to‘lgan bo‘lsada, Neymar “PSJ” klubini tark etish niyatida yuribdi.
O‘sha vaqtda uning bu holatini tushunsa bo‘lardi. 2017-yil avgustida “Barselona”dan Parijga Messining soyasidan qochib o‘z shaxsiyatini yaratish uchun o‘tib ketgani tushunarli holat. Biroq oradan bir yil o‘tsa hamki munozaralar tugaganicha yo‘q.
Neymar kataloniyaliklar safida to‘rt mavsum o‘tkazdi. Bu vaqt oralig‘ida u “Barsa” bilan bir qancha sovrinlarga ega chiqdi. Ular orasida La Liga, Qirol Kubogi va eng muhimi Chempionlar Ligasi sovrini bor.
Uning “Pari-Sen-Jermen”ga rekord mablag‘ – 222 million yevro evaziga ko‘chib o‘tishi nafaqat futbol dunyosini, balki kataloniyaliklarning o‘zini ham lol qoldirdi. Aslida Neymar 2013-yilda Messining uzoq yillik o‘rinbosari sifatida jamoaga jalb qilingandi. Argentinalik futbolchi taxtdaligidayoq u klubni tark etishi hech kimning hayoliga ham kelmagandi.
Shunga qaramay, “Oltin to‘p”ni yutish dardida yurgan birorta futbolchi jamoada ikkinchi rolni bajarishni istamaydi. Huddi Aleksis Sanches ham “Barsa” hujumida faqatgina qo‘llab-quvvatlovchi vazifasini bajarishdan charchadi.
Yangi jamoasida esa Neymarning ishlari unchalik omadli chiqmadi. Chempionlar Ligasida “Real”ga qarshi o‘yinda o‘zini ko‘rsata olmadi, boz ustiga orttirib olgan jarohati sabab mavsumning qolgan qismini o‘tkazib yubordi. Braziliya bilan esa Jahon Chempionatida omadsiz ishtirok etdi.
Messi va Ronalduning o‘n yillik hukmronligiga aynan braziliyalik futbolchi chek qo‘yishi mumkinligi borasidagi bahs-munozaralar o‘z isbotini topmaydigan bo‘ldi. Parijliklar safidagi omadsiz ishtirok va Braziliya bilan Mundialni barvaqt tark etish uning nufuzli individual sovrinni yutish imkoniyatini pasaytirib yubordi.
Dekabrda bo‘lib o‘tadigan sovrinda Ronalduning imkoniyatlari yana ko‘tarildi. Biroq unga sobiq jamoadoshi Modrich va yosh fransuz afsungari Kilian Mbappe kuchli raqobatchilik qilishi kutilmoqda. Neymar esa ushbu ro‘yxatda pastga qarab sho‘ng‘ishi muqarrar.
“Barselona”da Messidan keyin ikkinchi eng yaxshi bo‘lgan “Santos”ning sobiq tarbiyalanuvchisining o‘rnini endi Filippe Koutinyo egalladi. Neymar esa endi “PSJ”da o‘zidan ancha yosh bo‘lgan Mbappening soyasida qolishi ehtimoli paydo bo‘ldi.
Ochig‘ini aytganda, bir yil oldingi rejalar amalda o‘z tasdig‘ini topmadi. 26 yoshli futbolchi endi yaqin kelajagi borasida va o‘z o‘yinini kuchaytirish haqida jiddiy qayg‘urmasa bo‘lmaydi. Ko‘pchilik uning transferi noto‘g‘ri bo‘lganini aytishni boshlab yubordi. Xususan, afsonaviy Rivaldo o‘tgan may oyida Sport ga quyidagilarni aytgan edi: “Agarda sen dunyoning eng yaxshisi bo‘lishni istasang, “PSJ” mos kelishi mumkin, ular kuchli, ammo ularda Chempionlar Ligasi qadriyatlari yo‘q, ular Yevropaning eng kuchlilari emas.”
“Fransiya chempionati Angliya, Ispaniya yoki Germaniyaga teng kelolmaydi, shu sababli u xato qildi. Biroq moliyaviy tomondan u va oilasi uchun yaxshi bo‘ldi.”
Braziliyalik iqtidor egasi endi Ronalduning “Real”dan ketishi ortidan ispan klubining asosiy transfer maqsadlaridan biriga aylangan. Shunda ham...
Davomini o‘qish ->
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
