«Real» klubi va Fransiya terma jamoasi himoyachisi Rafael Varan bu yil kamdan-kam futbolchilarga nasib etgan ajoyib natijaga erishdi. Ya’ni qandaydir 2 oy oralig‘ida Yevropa Chempionlar Ligasi hamda jahon chempionati g‘olibiga aylandi.
Rafael zafarli mundialdan qaytgach, «Ekip» nashri muxbirlariga intervyu berib, o‘z o‘yin uslubi va Fransiya milliy jamoasi taktikasi xususida gapirdi.
Varan shuning barobarida OAV vakillariga biroz e’tiroz ham bildirdi: «Ochig‘i, mendan Serxio Ramos kabi o‘ynashni so‘rashsa, achchig‘im keladi».
O‘yin uslubi va Ramosga taqlid
- Ba’zan mendan xuddi Serxio Ramos kabi to‘p surishimni so‘rashadi: tajovuzkorroq harakatlanishimni, qaysidir jihat bo‘yicha biroz o‘zgarishimni... Vaholanki, shu paytga qadar o‘z uslubimda to‘p surib kelyapman va o‘ylashimcha, u chakki emas. Umuman, meni o‘zgartirishga juda ko‘p urinishdi.
Lekin bunday harakatlar asabimga tegadi. Deylik, vaqtida Ramosdan kimgadir o‘xshashni talab qilishganmikan? Uni o‘z holicha qabul qilishadi - Serxio Ramos. Xullas, meni ham qanday bo‘lsam, shunday qabul qilishlarini xohlardim.
Shaxsiy xarakteri, tabiati
- 7 yoshimdan boshlab, meni yaxshi bola sifatida ta’riflab kelishyapti. Ha, bu yoqimli, ammo o‘zimga yarasha xaraterim - tabiatim yo‘q emas va barchasi har doim ko‘zga tashlangan. Ha, tabiatan samimiy, do‘stparvar yigitman.
Shuning barobarida boshqa xislatlarim ham yo‘q emas, albatta. Misol uchun, qat’iy xarakterga ega bo‘lmaganimda, «Real»da uzoq o‘ynay olmasdim. 7 yildan buyon «Madrid»da faoliyat yuritayotgan ekanman, demak, o‘ziga xos tabiatdan bebahra qolmaganman.
Kilian Mbappega ta’rif
- Shu paytga qadar futbol olamida ikki nafar o‘zga sayyora vakiliga duch kelgandim. Ammo bunchalik navqironini ilk bora uchratdim.
Deylik, Kilian bilan taktika masalasida gaplashsam, so‘zimni tugatishimdan oldin fikrimni to‘liq ilib oladi! Qiyosi yo‘q iste’dod!
Jahon chempionati finali
- Jamoada kengashib olish zarurati tug‘ilsa, bunga doimo shayman, eng og‘ir pallalarda ham. Yashirishning hojati yo‘q, Moskva finali tanaffusida yosh jamoamiz kuchli bosim ostida qoldi.
Shunda yigitlarga dangal murojaat qildim: «To‘xtanglar, axirhammasijoyida-ku, kayfiyatnitushirishgaasosyo‘q. Mana, birinchi bo‘lim ortda qoldi va 2:1 hisobida oldinda boryapmiz. Nega endi asabiylashishimiz kerak?»
«Oltin to‘p»
DAVOMI
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
