Kecha «Nasaf» Superliganing 21-tur uchrashuvini o‘z maydonida «Bunyodkor» jamoasiga qarshi o‘tkazdi.
Uchrashuv «Paxtakor-79» xotirasini yodga olish bilan boshlandi. «Paxtakor-79» xotirasining hurmati uchun bir daqiqalik sukut saqlandi.
Uchrashuvni jamoamiz hujumkor ruhda boshladi. Gol urish uchun imkoniyatlar ham bo‘ldi.
Uchrashuvning 27-daqiqasida «Bunyodkor» jamoasi hisobda oldinga o‘tib oldi. Bunda mezbon himoyachilar qo‘pol xatoga yo‘l qo‘yishdi, bu vaziyatdan Shaxzodbek Nurmatov unumli foydalandi – 0:1.
Uchrashuvda hisob o‘zgargandan so‘ng, “Nasaf” yana tashabbusni o‘z qo‘liga oldi. Yana ketma-ket hujumlar, yana samarasiz yakun. Xullas birinchi bo‘limda “Nasaf” maydonda ustunlikka erishgan bo‘lsada, bu hisobda aks etmadi. Birinchi bo‘lim «Bunyodkor» jamoasi foydasiga hal bo‘ldi.
Ikkinchi bo‘lim “ajdarlar” uchun dramatik tarzda kechdi. Avvalo himoyada yaxshi harakat qilayotgan himoyachi G‘olib G‘aybullayev jarohati tufayli majburan almashtirildi.
Uchrashuvning 58-daqiqasida hisob tengglashishi mumkin va o‘yin taqdiri boshqacharoq kechishi ham mumkin edi. Afsuski «Bunyodkor» darvozasi tomon belgilangan penaltini Sharof Muhitdinov golga aylantira olmadi.
Ikkinchi bo‘limning 64-daqiqasida Maqsud Karimov raqib futbolchiga qo‘pollik qilgani uchun ikkinchi marta ogohlantirilib, maydondan chetlatildi. Aynan mana shu qoida bo‘zilishi sabab, belgilangan jarima to‘pi orqali o‘yinda ikkinchi gol urildi. Golga Dilshod Jo‘rayev mualliflik qildi.
Uchrashuvdagi uchinchi gol ham «Bunyodkor» tomonidan 81-daqiqada kiritildi. Shahzodbek Nurmatov dubl muallifiga aylandi. Albatta, bu hisob “Nasaf”ni ruhini ancha tushirib yubordi. 85-daqiqada hisob yanada yiriklashdi. Javlon Ibrohimov himoyadagi yo‘l qo‘yilgan xatolardan unumli foydalanib, hisobni 0:4ga o‘zgartirdi.
Ammo o‘yinga qo‘shib berilgan daqiqalar o‘tib borayotgan bir paytda, “Nasaf” standart vaziyatga ega bo‘ldi. Ikkinchi bo‘limda maydonga tushgan Bobir Davlatov jarima to‘pini chiroyli tarzda amalga oshirdi va hisobni qisqartirdi – 1:4.
Shunday qilib, “Nasaf” o‘z Qarshida yirik hisobda mag‘lubiyatga uchradi va kuchli oltilikka kirish imkoniyatini butunlay yo‘qqa chiqardi.
Endi qarshiliklar birinchi bosqich so‘nggi tur uchrashuvini safarda «Paxtakor» jamoasiga qarshi o‘tkazadi. Uchrashuv 18 avgust kuni bo‘lib o‘tadi.
Superliga. 21-tur
«Nasaf» – «Bunyodkor» 1:4 (0:1). 3146 tomoshabin
Bosh hakam: Zokir Qodirov
Qanot hakamlari: Ruslan Samandarov, Obid Jumayev
Zaxira hakami: Isxaq Ibragimov
Nazoratchi: Noil Lutfullin
Komissar: Jahongir Rahmatullayev.
Gollar: Bobir Davlatov, 90+3’-1:4 - Shahzodbek Nurmatov, 27’-0:1, 81’-0:3, Dilshod Jo‘rayev, 65’-0:2, Javlon Ibrohimov, 85’-0:3
Amalga oshirilmagan penalti: Sharof Muhitdinov (58)
«Nasaf»: 35.Sanjar Quvvatov, 4.Maqsud Karimov (s), 5.G‘olib G‘aybullayev (18.Bobir Davlatov, 46), 9.Amirjon Safarov, 14.SHarof Muhitdinov, 15.Dilshod Saitov, 20.Islom Kenjaboyev (52.SHerzod Temirov, 72) 27.Islom Rashidxonov (28.Xurshidbek Muxtorov, 73), 31.Saydullo Rahmatov, 38.Akmal Mozgovoy, 92.Umarbek Eshmurodov.
Zaxira: 1.Umidjon Ergashev, 65.Mashhurjon Muhammadjonov, 2.Sardor Sadullayev, 3.Ilhomjon Alijonov, 30.Xudoyorxon Sagdullayev, 34.SHerzod Nasrullayev.
«Bunyodkor»: 32.Suhrob Sultonov, 5.Dilshod Jo‘rayev, 6.Anvar G‘ofurov, 7.Dilshod Ahmadaliyev, 8.Javlon Ibrohimov (s), 9.SHahzodbek Nurmatov, 11.Murod Toshmatov (13.Sanjar Qodirqulov, 52), 18.Sardor Sobirxo‘jayev, 20.Mirg‘iyos Sulaymonov, 44.Mirjamol Qosimov (15.Farruh Ikromov, 60), 77.Aziz Haydarov (10.Abdulla Abdullayev, 67).
Zaxira: 25.Murodjon Zuhurov, 14.Mirjahon Mirahmadov, 16.Jasurbek Jaloliddinov, 21.Rasul Yuldashev, 62.Jahongir Abdusalomov.
Ogohlantirish: Maqsud Karimov (61) – Mirjamol Qosimov (53), Mirg‘iyos Sulaymonov (90+3).
Chetlatish: Maqsud Karimov (2SK, 64).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
